2 ATEPTAP PEETUUSYEK 6:32 - BUKUIT NE TILIL

³² Ak eng’ chito ne bo bororiosiek, ne ma bo biguk Israel, ngo nyo eng’ emet ne loo agobo kaineng’ung’ ne o, ak agobo eung’ung’ ne kim, ak eung’ung’ ne chuulat; ye bwa ak kosa kotokyigei goi:

Bukuit Ne Tilil

³² “Ak eng' chiito ne po pororyosyek, ne ma po piiguk Israel, ngo nyo eng' emet ne loo agobo kaineng'ung' ne oo, ak agobo eung'ung' ne kiim, ak eung'ung' ne chuulaat, ye pwa ak kosa kotokyigei kooi,

BUKUIT NE TILIIL Sireet ne Dutero Kanon

³² “Ak eng' chiito ne po pororyosyek, ne ma po piiguk Israel, ngo nyo eng' emet ne loo agobo kaineng'ung' ne oo, ak agobo eung'ung' ne kiim, ak eung'ung' ne chuulaat, ye pwa ak kosa kotokyigei kooi,

2 ATEPTAP PEETUUSYEK 6:32 ပူးပေါင်းရင်းမြစ်များ

2 LAITORINIK 5:15

Ak kiweek kwo ole mi chitab Kamuktaindet, inendet ak bikyik tugul che kimi ak inendet, ak kinyo ak kotonon eng’ tainnyi: ak kole, Keer anyun nguno, kaanai ale mami Kamuktaindet eng’ ng’ony tugul, kobate mi eng’ Israel: ara asain nguno anyun ale, taach konunet eng’ otwogindeng’ung’.

2 LAITORINIK 5:3

Ak kilenji lakwanato kwonyoto, Nda mi kiptaiyandennyu ole mi maotiot ne mi Samaria, ta kagosoob inendet eng’ mogondosikyik.

2 LAITORINIK 5:8

Ak kingogas Elisha chitab Kamuktaindet, kole kagerer laitoriatab Israel ngoroikyik, koyokto chito kwo oldab laitoriat kolenji, Amu nee si igerer ngoroiguk? Ingonyo oli ami si konai kole mi maotiot Israel.

2 ATEPTAP PEETUUSYEK 6:31

si kobiit koiywein ak kobendate ortinweguk kote kosoptos eng’ emet ne kiigochi kwanisiekyok.

TIENWOGIKAL 136:12

Eng’ eut ne kim ak eng’ eut ne chuulat: Amu tebyei rirenennyi koigeny.

TIENWOGIKAL 89:13

Itinye eut ne bo kamuktaet: Kim eung’ung’, ak toror eung’ung’ ne bo tai.

KOMONG'U 13:14

Ak ye tun teebenen wering’ung’ eng’ betusiek che bwanei, kole, Nee ni? Ilenji anyun, Kiimoong’wech Jehovah eng’ Misri, eng’ gotab otwognatet, eng’ eut ne kim:

KOMONG'U 6:6

Ilenji anyun lagokab Israel amu noto, A JEHOVAH, ak amoong’wok omong’une laisetab Misrik, ak asoruok eng’ otwognatenywa ak atiachak eng’ eut ne chuulat, ak eng’ kiruogutik che eechen:

ISAIAH 66:20

Ak komut tupchosiekwok tugul komong’une bororiosiek tugul koek kagochinet eng’ Jehovah, kobunu mbartanyisiek, ak karisiek, ak tirbonok, ak eng’ nyumbusiek, ak eng’ moek che chepcheben che bo tambesik, kobwa tulwennyu ne tilil Jerusalem, mwaei Jehovah, ko u ye ibu lagokab Israel kagochinenywa eng’ teret ne tilil konyo gotab Jehovah.

SEKARIA 8:22

Ee, bwanei bik che chang’ ak bororiosiek che kimen kocheng’ Jehovah ne bo lugosiek eng’ Jerusalem, ak kosom chamet eng’ Jehovah.

MATAYO 12:42

Ng’eetei tun laitoriat kobogoriot ne bo murot komostab tai koboto ibini eng’ kiruoget, ak kogikyi: amu kibun tabanwekab ng’ony si kogas ng’omnatetab Solomon; ak ogeero, mi yu ne o kosiir Solomon.

MATAYO 2:1

Ak ye kingo kagesich Jesu eng’ Betlehem ne bo Judea eng’ betusiek che bo laitoriat Herod, ogeero, kibwa Jerusalem bik che ng’omen kobunu kong’asis,

JOHANA 10:16

Ak atinye kechirek alak, che ma bo biuni: kanyol aget choto agichek, si kogas kutinnyu: ak koek akwet agenge, ak mestowot agenge.

JOHANA 12:20

Ak kimi Yunanik alage eng’ che kigaba kotogosta kosa eng’ igorta.

POISYONIGAP CHE KIYOKTOI 2:10

ak Prugia ak Pampulia, ak Misri ak komoswek che bo Libya che negite Kurene, ak toek che bunu Rom, Yahudik koboto che kibunji Yahudik eng’ kayanenywa,

JOSHUA 2:9

ak kolenji bichoto, Angen ale kigonok Jehovah emoni, ak kigobutyech kamuiseng’wong’, ak begu kowoi bik tugul che bo emoni eng’ taing’wong’.

JOSHUA 9:9

Ak kolenji, Bunu otwogiguk emet ne loo kot amu kainetab Jehovah Kamuktaindeng’ung’: amu kigegas etunatennyi, ak tuguk tugul che kiyai eng’ Misri,

RUTH 1:16

Ak kile Ruth, Amegaigaa abagachin, aweek awa ga amasubin: amu ole iwendi awendi; ak ole itebe atebe agane: egu biguk bikyuk, ak egu Kamuktaindeng’ung’ Kamuktaindennyu: