2 ATEPTAP PEETUUSYEK 6:30 - BUKUIT NE TILIL

³⁰ igas anyun eng’ kipsengwet oldang’ung’ ole imenye, ak inyochi kaat ak iyaakyi chi age tugul ko u ortinwekyik tugul, ne ingen muguleldanyi; (amu inye inyege ne ingen mugulelwekab werikab bik;)

Bukuit Ne Tilil

³⁰ igas anyun eng' kipsengwet oldang'ung' ole imenye, ak inyochi kaat ak iyaakyi chii age tugul ko uu ortinwekyik tugul, ko uu ye ingen muguleldanyi, amu inyee inyegei ne ingen mugulelwegap weeriigap piik

BUKUIT NE TILIIL Sireet ne Dutero Kanon

³⁰ igas anyun eng' kipsengwet oldang'ung' ole imenye, ak inyochi kaat ak iyaakyi chii age tugul ko uu ortinwekyik tugul, ko uu ye ingen muguleldanyi, amu inyee inyegei ne ingen mugulelwegap weeriigap piik

2 ATEPTAP PEETUUSYEK 6:30 ပူးပေါင်းရင်းမြစ်များ

1 LAITORINIK 8:39

igas anyun eng’ kipsengwet oldang’ung’ ole imenye, ak inyochi kaat, ak iyai, ak iyaakyi chi age tugul ko u ortinwekyik tugul, ne inege muguleldanyi: (amu inye inyege ne ingen mugulelwekab werikab bik;)

1 ATEPTAP PEETUUSYEK 28:9

Nai anyun inye Solomon werinnyu, Kamuktaindetab kwandang’ung’, ak iboisiechi inendet eng’ muguleldo ne igesunotgei, ak eng’ kabwatutik che tinyei chamet: amu isiachi Jehovah mugulelwek tugul, ak koguitos kabwatutik tugul che bo metit: ngot icheng’ inendet, inyoru: ago ngot imete inendet, kowirtoin koigeny.

1 ATEPTAP PEETUUSYEK 29:17

Angen kogeny, ee Kamuktaindennyu ale, itieme muguleldo, ak ibaibaitune lititindo. Ak kiagonin tuguchuto tugul eng’ chamnyet ak lititindab muguleldanyu: ak kaageer nguno eng’ boiboiyet biguk che mi yu kogonin eng’ chamnyet.

1 ATEPTAP PEETUUSYEK 29:19

ak igochi werinnyu Solomon muguleldo ne igesunotgei, si korib ng’atutiguk, ak baornatosieguk, ak konetisiosieguk, ak koyai tuguchuto tugul, ak koteech gotab laitoriat, ne kiachopchi tuguchuto.

2 ATEPTAP PEETUUSYEK 6:29

ko saet anan ko somet age tugul ne kasom chi age tugul, anan ko ne kasom biguk tugul che bo Israel, ne naei chi age tugul miandanyi ak arogenennyi, ak koiito eunekyik kotokyi goi:

2 ATEPTAP PEETUUSYEK 6:31

si kobiit koiywein ak kobendate ortinweguk kote kosoptos eng’ emet ne kiigochi kwanisiekyok.

TIENWOGIKAL 62:12

Ee Kiptaiyat, neng’ung’ rirenet agine: Amu inye ne iyaakyini chi tugul ko u boisiennyi.

TIENWOGIKAL 7:10

Mi long’ennyu eng’ Kamuktaindet, Ne soru che bo iman eng’ mugulelwek.

KALEWANAIK 15:11

Mi taitab Jehovah oldab che kigobek ak Ng’emisiet: Siirei ne tia anyun mugulelwekab bik!

JEREMIA 17:10

Ane Jehovah ne asiachi muguleldo, atieme kabwatutik, si agochi chi age tugul ko u ortinwekyik, ko u logoekab boisionikyik.

EZEKIEL 18:30

Aruokwok anyun, ee gotab Israel, chi age tugul ko u ortinwekyik, mwaei Kiptaiyat Jehovah. Oweege, ak owalage, omete bistaosiekwok tugul; si maek tengekto ng’emisieng’wong’.

MATAYO 16:27

Amu tun nyonei Weritab chi eng’ lilindab Kwandanyi koboto malaikaisiekyik; ak koyaakyi anyun chi age tugul ko u boisionikyik.

JOHANA 2:25

ak amu kima komage kiy chi ne baoriani agobo chi age; amu kiingen inendet kit ne mi chi orit.

HEBRANIK 4:13

Ama mi kiy age tugul ne kigiyai ne ma toogu eng’ tainnyi: ago ng’ang’otin ak yatotin tuguk tugul eng’ taitab konyek che bo inendet ne tun kitetyini atebosiekyok.

NG'ANG'UTYET 2:23

Ak abare lagokyik meet; ak konai kanisosiek tugul kole anendet ne isiachi kabwatutik ak mugulelwek: ak agochini age tugul eng’ okwek ko u boisionikwok.

1 SAMUEL 16:7

Ago kilenji Jehovah Samuel, Amat igeer togennyi, anan ko koindab tononennyi; amu kaesie inendet: amu mageerei Jehovah ko u ye keerei bik; amu keerei bik itonda, ago keerei Jehovah muguleldo.