2 ATEPTAP PEETUUSYEK 6:12 - BUKUIT NE TILIL

¹² Ak kitonon inendet eng’ taitab kaptisisietab Jehovah, eng’ taitab tuiyet tugul ne bo Israel, ak koiito eunekyik:

Bukuit Ne Tilil

¹² Ki tonon ineendet eng' taitap kaptisisyetap Kamuktaindet ne Toroor, eng' taitap tuiyet tugul ne po Israel ak kochuul eunekyik.

BUKUIT NE TILIIL Sireet ne Dutero Kanon

¹² Ki tonon ineendet eng' taitap kaptisisyetap Kamuktaindet ne Toroor, eng' taitap tuiyet tugul ne po Israel ak kochuul eunekyik.

2 ATEPTAP PEETUUSYEK 6:12 ပူးပေါင်းရင်းမြစ်များ

2 LAITORINIK 11:14

ak kigeer, ak ogeero, kitononi laitoriat eng’ ye negite toloita, ko u ye ki biteet, ak kimi kiptainik ak bik che kuutei iriagok ole negite laitoriat; ak kiboiboitu bik tugul che bo emet, ak koguut iriagok. Kogerer anyun Atalia ngoroikyik, ak kowaach kole, Chaamset, chaamset.

2 LAITORINIK 23:3

Ak kitonon laitoriat eng’ ye bo toloita, ak koyai arorutiet eng’ taitab Jehovah, kosub Jehovah, ak korib ng’atutikyik, ak baornatosiekyik, ak kayomisutikyik, eng’ muguleldanyi tugul, ak sobondanyi tugul, kogimit ng’alekab arorutioni che kigisirji bukuini: ak kitononso bik tugul koyan arorutionoto.

2 ATEPTAP PEETUUSYEK 6:11

Ak kiande yoto moinget, ne mi orit arorutietab Jehovah, ne kiyai ak lagokab Israel.

2 ATEPTAP PEETUUSYEK 6:13

(amu kiga yai Solomon eng’ sugunwet ole kitororit, ne koindanyi ko ki kakwautik mut che bo eut, ak tebeesindanyi ko ki kakwautik mut, ak koindab tononennyi ko ki kakwautik somok, ak konde kwenutab seremut; ak kotonone, ak kogutuny eng’ taitab tuiyet tugul ne bo Israel, ak koiito eunekyik kotokyigei kipsengwet:)

Kitabuutap JOB 11:13

Ngot ichob muguleldang’ung’ kolititit, Ak iitochi inendet euneguk;

TIENWOGIKAL 141:2

Ingotogosta saennyu ko u nyamdutik eng’ taing’ung’; Ingoigei eunekyuk che anamjini barak, korosiot ne bo koskoleny.

TIENWOGIKAL 143:6

Atokyinin eunekyuk: Amei melelda sobondanyu agobo inye ko u emet ne yaamat.

TIENWOGIKAL 28:2

Kas kutitab somutikyuk, ye arirjinin, Ye anamjini barak eunekyuk atokyini oldang’ung’ ne tilil.

TIENWOGIKAL 63:4

U noto kota asobe alosun: Anamjini barak eunekyuk amu kaineng’ung’.

TIENWOGIKAL 68:31

Tun mong’une bounik Misri; Iyogochin Etiopia eunekyik Kamuktaindet kochokyin.

KOMONG'U 9:33

Ak kimanda Musa eng’ nganaset kwo eng’ ole mi Parao, ak kiitochi eunekyik Jehovah: ak kisisio tulosiek ak koikab ropta, ak mata korobonji ng’ony.

ISAIAH 50:10

Ng’o eng’ okwek ne iywei Jehovah, ne kase it kutitab otwogindennyi? Ne wendote mesundeito, ama tinyei lapkeiyet, ingomang’ kainetab Jehovah ak kotiiegei Kamuktaindennyi.

1 TIMOTEO 2:8

Amache anyun ale kosaei murenik eng’ komosta age tugul, konamjin barak eunekwak che tililen, ko mami neregek ak tiiyet.