2 ATEPTAP PEETUUSYEK 34:4 - BUKUIT NE TILIL

⁴ Ak kibut kapkorosusiekab Baalik eng’ tainnyi; ak koluul kanamonik che bo asista che kimitei baragunywa; ak kituatui Aserik, ak kanamonik che kigiwai ak kanamonik che kigitany, ak kong’a koek temburiek ak koseerji kererisiekab icheget che kieng’ji.

Bukuit Ne Tilil

⁴ Ak kibut kapkorosusyegap Baalik eng' tainnyi; ak koluul kanamonik che po asiista che ki miitei paragunnywa; ak kituatui Aserik, ak kanamonik che ki kiwai ak kanamonik che ki kitany, ak kong'a koek temburyek ak koseerchi kereeriisyegap icheeget che kieng'ji.

BUKUIT NE TILIIL Sireet ne Dutero Kanon

⁴ Ak kibut kapkorosusyegap Baalik eng' tainnyi; ak koluul kanamonik che po asiista che ki miitei paragunnywa; ak kituatui Aserik, ak kanamonik che ki kiwai ak kanamonik che ki kitany, ak kong'a koek temburyek ak koseerchi kereeriisyegap icheeget che kieng'ji.

2 ATEPTAP PEETUUSYEK 34:4 ပူးပေါင်းရင်းမြစ်များ

1 LAITORINIK 13:2

Ak kiwaage kapkorosut eng’ ng’olyotab Jehovah, kole, Ee, kapkorosuni, kapkorosuni, kamwa Jehovah ko u ni kole, Keero, tun kisikyin lakwet gotab Daudi, ne kiguure kainennyi Josia; ak kogoitoenen inendet tisiikab komoswek che tororen, che beelenen nyamdutik, ak tun beelei eng’ inye kowekab bik.

2 ATEPTAP PEETUUSYEK 14:5

Kiisto kogeny eng’ nganasok tugul che bo Juda komoswek che tororen ak kanamonikab asista: ak kitinyei kalyet bororiet eng’ tainnyi.

2 ATEPTAP PEETUUSYEK 30:14

Kong’eetyo anyun ak koisto kaptisisiosiek che kimi Jerusalem, ak kapkorosusiek tugul che bo nyamdutik, ak kowirji kererutab Kidron.

2 ATEPTAP PEETUUSYEK 31:1

Kingo kagogesgei chuto tugul, koba nganasokab Juda Israel tugul che kimi, koba kobut tolochik, ak koeb Aserik, ak kobut komoswek che tororen ak kapkorosusiek eng’ Juda tugul ak Benjamin, eng’ Epraim agine ak Manase, kot kong’em tugul. Koweek anyun lagok tugul che bo Israel, kwo chi tugul ole mi tugukyik, eng’ nganasokwak.

2 ATEPTAP PEETUUSYEK 33:22

Ak kiyai ne ya eng’ taitab Jehovah ko u ye kiyai kwandanyi Manase: ak kieng’ji Amon tiseiywek kanamonik tugul che kigiwai che kiga koyai kwandanyi Manase, ak koot.

2 ATEPTAP PEETUUSYEK 33:3

Amu kiteech kogeny komoswek che tororen che kiga kobut kwandanyi Hesekia; kiteekyi Baalik kapkorosusiek, ak koyai Aserot, ak kigutung’ji tuguk tugul che bo kipsengwet ak koot.

2 ATEPTAP PEETUUSYEK 34:33

Ak kiisto Josia tuguk tugul che kiwechei eng’ emotinwek tugul che bo Israel, ak kong’at bik tugul che bo Israel kootis, koot Jehovah Kamuktaindenywa. Ma meto bichoto kosub Jehovah Kamuktaindetab kwanisiekwak, eng’ betusiekyik tugul.

2 ATEPTAP PEETUUSYEK 34:7

Ak kibut kapkorosusiek, ak kong’a Aserik ak kanamonik che kigiwai ak kanamonik che kigitany, koek temburiek, ak koluul kanamonik tugul che bo asista eng’ emet komugul ne bo Israel, yeityo koweek Jerusalem.

TIENWOGIKAL 18:42

Kiatonaton eng’ noto komengegitu koigei temburiek che ibei usonet: Kiawaste ko u ng’atatek che mi ortinwek.

KOMONG'U 23:24

Amat isa kanamonikwak, anan iot, anan isub boisionikwak: ago oluul kot ko mang’et kiy, ak obut kotonogis tolochikwak.

KOMONG'U 32:20

Ak kinam kanamwonoto bo moita ne kiga kotany, ak kobeel eng’ ma, ak kong’a koek busio, ak koseerji beek barak, ak kobirji lagokab Israel koee.

KOMONG'U 34:13

ago obut kapkorosusiekwak, ak otuatui kanamonikwak kotonogis, ak oluul Aserikwak:

ISAIAH 27:9

Tun kiundoi anyun eng’ nito yaitietab Jakobo, ak chuto ko logoek tugul che kiistoe tengektanyi; ye kagoyai koik tugul che bo kaptisisiet kogergeit ak tartarik che kigitui, kot ko ma kong’eetos kogeny Aserik ak itonwekab asista.

ATEPTAP LAWIK 26:30

Ak ang’eme awong’u komoswekwok che tororen, ak aluul kanamonikwok che bo asista, ak awirji muswekwok ole mi muswekab kanamonikwok; ak kowechok sobondanyu.

MIKAH 1:5

Biitu chuto amu bistoetab Jakobo, ak amu tengekwogikab gotab Israel. Nee bistoetab Jakobo? Tos ma Samaria? Ak nee komoswek che tororen che bo Juda? Tos ma Jerusalem?

NG'ATUTIK 7:25

Obeel kanamonikab cheptalelisiekwak: amat igase miat feda anan tahabu che mi kanamonichoto, anan iipchige, si mariichin: amu wechei noto Jehovah Kamuktaindeng’ung’;

NG'ATUTIK 7:5

Ago oyachi ko u ni; obut kapkorosusiekwak, ak otonaton tolochikwak, ak oeb Aserik, ak obeel kanamonikwak.

NG'ATUTIK 9:21

Kiaib anyun tengektang’wong’, moita ne kiga oyai, abeel, atui, ang’a komengegitu, agoi kotambululitu: yeityo arong’ji kererut ne rootune tulwet.