2 ATEPTAP PEETUUSYEK 32:7 - BUKUIT NE TILIL

⁷ Ogimegitu, ak onyiganitu, amoiyweisie anan otoptobense amu laitoriatab Asuria, anan agobo tuiyet tugul ne mi koboto inendet: amu mi ne o kobotech kosiir ne mi ak inendet.

Bukuit Ne Tilil

⁷ “Ogimegitu ak onyiganitu. Amoiyweisye anan otoptobense amu laitoryatap Assyria ak tuiyet tugul ne mi kobooto ineendet; amu mi ne oo kobootech kosiir ne mi ak ineendet.

BUKUIT NE TILIIL Sireet ne Dutero Kanon

⁷ “Ogimegitu ak onyiganitu. Amoiyweisye anan otoptobense amu laitoryatap Assyria ak tuiyet tugul ne mi kobooto ineendet; amu mi ne oo kobootech kosiir ne mi ak ineendet.

2 ATEPTAP PEETUUSYEK 32:7 ပူးပေါင်းရင်းမြစ်များ

2 LAITORINIK 18:30

Amongogonok Hesekia omang’u Jehovah, kole, Soruech Jehovah iman, ak magigochin nganasanio laitoriatab Asuria.

2 LAITORINIK 18:5

Kiimang’ Jehovah Kamuktaindetab Israel; ne mata kobiit age kogeny eng’ laitorinik tugul che bo Juda ne kergei ak inendet, anan ko eng’ che ki bo tai eng’ inendet.

2 LAITORINIK 6:16

Ak kiwol kole, Ameiywei: amu chang’ che mi kobotech kosiir che mi ak icheget.

1 ATEPTAP PEETUUSYEK 22:13

Ibor anyun, ngot irib iyai ng’atutik ak kiruogutik che kiiyomis Jehovah Musa agobo Israel: kimitu, nyiganitu; ameiywei, anan itoptoben.

1 ATEPTAP PEETUUSYEK 28:10

Ripge anyun; amu kigolewenin Jehovah iteech got ne bo ole tilil: kimitu anyun, ak iyai.

1 ATEPTAP PEETUUSYEK 28:20

Ak kilenji Daudi Solomon werinnyi, Kimitu nyiganitu, ak iyai: ameiywei, anan itoptoben: amu mi koboten Jehovah Kamuktaindet, inendet Kamuktaindennyu: mabagaktoin, anan kometen agoi kogesgei boisiet tugul ne bo otisietab gotab Jehovah.

2 ATEPTAP PEETUUSYEK 15:7

Ago ogimegitu, among’ kochorirenso eunekwok: amu onyoru melekto eng’ boisionikwok.

2 ATEPTAP PEETUUSYEK 16:7

Ak kinyo eng’ betusiechoto Hanani keerindet ole mi Asa laitoriatab Juda, ak kolenji, Amu koitiiege laitoriatab Suria, ma itiiege Jehovah Kamuktaindeng’ung’, ko kachilil lugetab laitoriatab Suria eng’ eung’ung’ amu noto.

2 ATEPTAP PEETUUSYEK 20:15

ak kile, Oeb it okwek tugul gab Juda, ak che omenye Jerusalem, koboten inye laitoriat Jeosapat: kamwawok Jehovah ko u ni, kole, Amoiywei, anan oarogense amu lugoni o; amu ma neng’wong’ luget, bo Kamuktaindet.

2 ATEPTAP PEETUUSYEK 20:17

Ma okwek che oyae lugoni: otetge, otononse, si ogeer yetunetab Jehovah ne mi kobotok, ee Juda ak Jerusalem: amoiyweisie, anan oarogense: oba obokyi mutai; amu mi Jehovah kobotok.

NEEMIA 4:8

koruoch tugul kibagenge kole kobwa ak kobargei ak Jerusalem, ak kong’eet boriet eng’ yoto.

TIENWOGIKAL 118:8

Kaigai kimang’u Jehovah Kosiir kimang’u chi.

ISAIAH 35:4

Olenji ichek che arogendos, Ogimegitu, amoiyweisie: ogeero, nyonei Kamuktaindeng’wong’ ak yaaktaetab mugetut, koboto kageeretab Kamuktaindet; nyonei kosoruok.

JEREMIA 42:11

Amoiywei laitoriatab Babulon, ne oiywei; amoiywei inendet, mwaei Jehovah: amu ami kobotok, si asoruok, ak atiachak eng’ eunnyi.

DANIEL 10:19

Ak kile, Ee inye, chito ne i chamat mising’ ameiywei: ingotebenen kalyet, kimitu, ee kimitu. Ak kingong’alalwa, agimitu anyun, ak kiale, Ingong’alal kiptaiyandennyu; amu kaigimita.

SEKARIA 4:6

Yeityo kowol kolenja, Ni ko ng’olyotab Jehovah ne mwachin Serubabel, kolenjin, Ma eng’ kamuktaet, ama eng’ kimnatet, ago eng’ Tamirmiriennyu, mwaei Jehovah ne bo lugosiek.

SEKARIA 8:23

Mwaei Jehovah ne bo lugosiek ko u ni kole: Tun namei bik tamanu eng’ betusiechoto, che bunu kutuswek tugul che bo bororiosiek, ngorietab Yahudiot, kolenji, Kibendi tugul koboten, amu kigegas kele mi Kamuktaindet kobotok.

SEKARIA 8:9

Mwaei Jehovah ne bo lugosiek ko u ni kole: Ingogimegitu eunekwok, okwek che ogase ng’alechu eng’ betusiechu eng’ maotik, che kimi eng’ betut ne kigiluumei lumeiywotab gotab Jehovah ne bo lugosiek, noto ko hekalut, si keteech.

ROMANIK 8:31

Kimwae nee anyun eng’ tuguchuto? Ngo mi Jehovah komostanyo, ko ng’o ne kirindaech?

EPESOEK 6:10

Ne bo let anyun, oegu che kimen eng’ Kiptaiyat, ak eng’ kimnatetab kamugennyi.

NG'ATUTIK 20:1

Ye iwe obarge ak buniguk, ak iro mbartanyisiek, ak karisiek, ak bik che chang’ kosiirok, ko mat iywei: amu mi Jehovah Kamuktaindeng’ung’ koboten, ne kiimutun imong’u eng’ emetab Misri.

NG'ATUTIK 31:23

Kiigochi anyun Josua weritab Nun ng’atutiet, kolenji, Kimitu, nyiganitu: amu imuti lagokab Israel koba emet ne kiayosiechi: ak ami koboten.

2 TIMOTEO 2:1

Kimitu anyun, lakwennyu, eng’ mieindo ne mitei eng’ Kristo Jesu.

1 JOHANA 4:4

O bo Jehovah, lagochu mengech, ak kioterter ichek: amu o inendet ne mi eng’ okwek kosiir inendet ne mi ng’ony.