2 ATEPTAP PEETUUSYEK 32:25 - BUKUIT NE TILIL

²⁵ Ago ma yai Hesekia kogeny ko u ye kiga kiyachi ko mie; amu kimen: konyonji anyun nereknatet inendet, ak Juda ak Jerusalem.

Bukuit Ne Tilil

²⁵ Ago ma yai Hezekiah ko uu ye kiga kiyachi ne myee; amu kiimeen. Ki nyoonji anyun nereeknateet ineendet ak Judah ak Jerusalem.

BUKUIT NE TILIIL Sireet ne Dutero Kanon

²⁵ Ago ma yai Hezekiah ko uu ye kiga kiyachi ne myee; amu kiimeen. Ki nyoonji anyun nereeknateet ineendet ak Judah ak Jerusalem.

2 ATEPTAP PEETUUSYEK 32:25 ပူးပေါင်းရင်းမြစ်များ

2 SAMUEL 24:1

Ak kilalyo kogeny neregekab Jehovah agobo Israel, ak king’eetyi Daudi kosich kabwatet ne ya agobo ichek, kolenji, Ui, iit Israel ak Juda.

2 LAITORINIK 14:10

Kiibar iman Edom, ak kigotororin muguleldang’ung’: baibaitune noto anyun, ak itebe gong’ung’; amu nee si icheng’jige nyalilda, si ibut, inye koboto Juda?

2 LAITORINIK 20:12

Kiiyokyi Berodak-baladan weritab Baladan, laitoriatab Babulon, baronok ak kagochinet Hesekia eng’ betusiechoto: amu kiga kogas kole kigomian Hesekia.

2 LAITORINIK 20:13

Ak kigas Hesekia ichek, ak koborji ichek got tugul ne bo tugukyik che bo kamanutiet ne o, feda, ak tahabu, ak nyamdutik, ak mwanik che bo kamanutiet ne o, ak gotab karikyik che bo luget, ak tuguk tugul che kimi ole mi konoraikyik: ma ng’et kiy eng’ gonnyi anan ko bounatennyi tugul ne ma iborji Hesekia ichek.

1 ATEPTAP PEETUUSYEK 21:1

Ak king’eet Setani kogirinda Israel, ak kiigochi Daudi koiit Israel.

2 ATEPTAP PEETUUSYEK 19:2

Ak kiwa Jeu weritab Hanani keerindet, kotorokta inendet, ak kolenji laitoriat Jeosapat, Tos yamin itoret kiptengekyot, ak icham che wechei Jehovah? Kabwanjin neregek, che bunu taitab Jehovah, amu kiito.

2 ATEPTAP PEETUUSYEK 24:18

Kometo anyun gotab Jehovah, Kamuktaindetab kwanisiekwak, ak koot Aserik ak kanamonik: ak kinyonji neregek Juda ak Jerusalem agobo ng’ogiswechuchuak.

2 ATEPTAP PEETUUSYEK 25:19

Imwae ile, Keero, kiibar Edom; ak itororin muguleldang’ung’ si ilosuge: tebe gong’ung’; amu nee si icheng’jige nyalilda, si ibut inye, koboto Juda?

2 ATEPTAP PEETUUSYEK 26:16

Ago ye kingo kagogimit, kolosgei eng’ muguleldanyi kot koyai ne ya, ak kiingelelji Jehovah Kamuktaindennyi; amu kiwa hekalutab Jehovah kobeel nyamdutik eng’ kapkorosutab nyamdutik.

2 ATEPTAP PEETUUSYEK 32:31

Ago eng’ ng’alekab bik che kiiyok bounikab Babulon, che kibwa koteepse agobo kwong’utiet ne kiyaak eng’ emet, ko kibagakta Kamuktaindet inendet, kotiem si konai tuguk tugul che kimi muguleldanyi.

ISAIAH 39:1

Kiiyokyi eng’ betusiechoto Merodak-baladan weritab Baladen laitoriatab Babulon baronok ak kagochinet, Hesekia: amu kigas kole kiga komian, ak kigosob.

ISAIAH 39:2

Ak kibaibait Hesekia agobo tuguchoto, ak kiiborji ichek gotab tugukyik che bo kamanutiet ne o, feda, ak tahabu, ak nyamdutik, ak mwanik che kororon mising’, ak got tugul ne bo karikyik, koboto tugukyik tugul che konorotin: ma ng’et kiy eng’ gonnyi, anan eng’ bounatennyi, ne ma iborji Hesekia bichoto.

EZEKIEL 28:17

Kiitororge eng’ muguleldang’ung’ amu kororonindang’ung’, kiing’em ng’omnateng’ung’ amu kakweng’eng’ung’: kaawirjin ng’ony kaandein taitab laitorinik, si kobiit kogeerin.

EZEKIEL 28:2

Ee, weritab chi, mwachi bounindetab Turo, ilenji, Mwaei Kiptaiyat Jehovah ko u ni kole: Amu kiitororge eng’ muguleldang’ung’, ak imwa ile, A cheptalelit, atebe ng’echeretab Kamuktaindet, eng’ kwenutab nyanjosiek; ago i chito, ma i Kamuktaindet, agot nganda kiiyaige eng’ muguleldang’ung’ iige Kamuktaindet:

EZEKIEL 28:5

kiites magornatosieguk eng’ ng’omnateng’ung’ ne o ak eng’ mung’areng’ung’, ak kiitororgei eng’ muguleldang’ung’ amu magornatosieguk:

EZEKIEL 31:10

Kamwa anyun Kiptaiyat Jehovah ko u ni kole: Amu kiitororge eng’ koindang’ung’, ak kiitei walinnyi bolik, ak kitororit muguleldanyi amu koindanyi;

DANIEL 11:12

Ak ye kagimut tuiyet, koeetgei eng’ muguleldanyi: ak kobar tamanusiekab elfusiek, ago maiterteri.

DANIEL 5:20

Ago ye kingoeetgei eng’ muguleldanyi, ak kouuiit tamirmiriennyi koboisie menotet, kechoor eng’ ng’echerennyi ne bo laitornatet, ak kerebe torornatennyi:

DANIEL 5:23

ago kiietge obelge ak Kiptaiyat ne bo kipsengwet; ak kogeib terenikab gonnyi kobwa taing’ung’, ak kooee divaik, inye ak kiptainiguk, osotiguk ak chebaigeiniguk; ak koilosu kanamonikab feda, ak che bo tahabu, che bo sugunwet, che bo karik, che bo ketik, ak che bo koik, che mageertoi, ama kastoi, amaingen kiy: ama itoror Kamuktaindet ne tinyei kabuseng’ung’ eng’ eunnyi, ak chechik ortinweguk tugul:

HOSEA 14:2

Ib ng’alek, ak iweekyige Jehovah: ilenji inendet: Iste tengekwogik tugul, ak itaach che miach: kigoitoi anyun kagochinetab kutuswekyok ne kata kigoitoi kirugik.

HABAKUK 2:4

Ogeero, kagomen muguleldanyi, ma litit inendet: ago sobei ne bo imanda eng’ kayanennyi.

2 KORINTOEK 12:7

Ak eng’ oindo ne siirtoot ne bo ng’ang’utik - si ma kitorora mising’, ko kigigona katet eng’ borto, ne otwoget ne bo Setani kobira, si ma kitorora mising’.

NG'ATUTIK 32:6

Tos kongoi ne ogochini Jehovah ni, Okwek bik che o abusotin che ma o ng’omen? Tos ma kwandang’ung’ inendet, ne kialin? Kiyain, ak kogimitin.

NG'ATUTIK 8:17

ak ile eng’ muguleldang’ung’, Kagona kimnatennyu ak kamugetab eunnyu magornatoni.

1 TIMOTEO 3:6

Ama chi ne kota koyani, si ye men kobutyi kiruogetab oindet.