2 ATEPTAP PEETUUSYEK 31:5 - BUKUIT NE TILIL

⁵ Ak kingogasak ng’atutiet eng’ emet, kogoito lagokab Israel eng’ chang’indo tongoanikab bek, ak che bo divaik, ak mwanik, ak kumik, ak che bo ruratet tugul ne bo emet; ak kiib kebebertab taman ne bo tuguk tugul eng’ chang’indo.

Bukuit Ne Tilil

⁵ Ak kingo kasak ng'atuutyet eng' emet, kogoito piigap Israel eng' chaang'indo tongoanigap peek, che po divaik, mwanik, kumyat, ak che po rurateet tugul ne po emet; ak ki ip kebebertap taman ne po tuguuk tugul eng' chaang'indo.

BUKUIT NE TILIIL Sireet ne Dutero Kanon

⁵ Ak kingo kasak ng'atuutyet eng' emet, kogoito piigap Israel eng' chaang'indo tongoanigap peek, che po divaik, mwanik, kumyat, ak che po rurateet tugul ne po emet; ak ki ip kebebertap taman ne po tuguuk tugul eng' chaang'indo.

2 ATEPTAP PEETUUSYEK 31:5 ပူးပေါင်းရင်းမြစ်များ

NEEMIA 12:44

Ak kigilewen eng’ betunoto bik korib gorik che bo orit ole kigonore tuguk, kagochinoik che kinamjin barak, ak tongoanik, ak kebeberwekab taman, kiyumji gorjoto, kobee mbarenik che bo nganasok, kebeberwek che kiging’at eng’ ng’atutiet kobunji tisiik ak Lawik: amu kibaibait Juda agobo tisiik ak Lawik che kiboisiei.

NEEMIA 13:12

Kiib anyun Juda tugul kebeberwekab taman che bo bek ak che bo divaik ak che bo mwanik, konde ole kigonore tuguk.

NEEMIA 13:31

Ak che bo kagochinetab kwenik, eng’ betusiek che kiging’at, ak che bo tongoanik. Ibwata, ee Kamuktaindennyu eng’ tuguk che miach.

KOMONG'U 22:29

Amegage si igoitoi eng’ chang’indab tuguguk, ak che kieei. Igona taitang’ung’ ne werit.

KOMONG'U 23:19

Kanyol iibu tuguk che bo tai eng’ tongoanik che bo emeng’ung’ kobwa gotab Jehovah Kamuktaindeng’ung’. Ameyoe aruet chegab kamet.

KOMONG'U 34:22

Ak irib igortab wigisiek, noto ko tongoanikab nganok, ak igortab betusiek che kiyumune tugukab mbar, kogesugei kenyit.

KOMONG'U 34:26

Ibu kobwa gotab Jehovah Kamuktaindeng’ung’, tuguk che bo tai eng’ tongoaniguk che bo emeng’ung’. Ameyoe aruet chegab kamet.

KOMONG'U 35:5

Oib eng’ kwenung’wong’ kagochinet ne kigochin Jehovah: chi age tugul ne tinyei muguleldo ne chamei, ingoib, kagochinet ne kigochin Jehovah: tahabu, feda, ak sugunonik;

KALEWANAIK 3:9

Konyite Jehovah tuguguk, Ak eng’ tongoanikab rurateng’ung’ tugul:

ATEPTAP LAWIK 27:30

Bo Jehovah kebeberwekab taman che bo emet, ngo keswek che bo emet, anan logoekab ketik: itabanotin eng’ Jehovah.

KAITOSYEK 18:12

Kaagonin tugul che miachen che bo mwanik, ak divaik tugul che kororon che bo kesisietab sabibuk, ak che bo bek che miachen, tongoanikwak tugul che kigochin Jehovah.

KAITOSYEK 18:13

Bunjinin tongoanik che bo tuguk tugul che mi emenywa, che ipchin Jehovah; amei age tugul ne ma ng’wan ne bo gong’ung’.

KAITOSYEK 18:8

Ak kilenji Jehovah Aron, Keero, kaagonin ripset ne bo konunoikyuk che kinamjin barak, tuguk tugul che itabanotin che bo lagokab Israel, kiagonin ak weriguk tuguchoto amu kaiilset, koek ng’atutiet ne bo agoi.

ROMANIK 8:23

Ak ma u noto kityo, ago agot achek, che kitinye tongoanikab Tamirmiriet, ketigendosi agachek eng’ orit, kigeni keyaech keegu lagok, noto ko katiagetab borwekyok.

1 KORINTOEK 15:20

Ago kiging’eet anyun Kristo komong’ eng’ che kibek, tongoaniat ne bo icheget che ruitos.

JAKOBO 1:18

Kisichech eng’ magennyi eng’ ng’olyotab imanit, si kobiit keegu che tongoanikab yautikyik.

NG'ANG'UTYET 14:4

Chuto ko icheget che ma imuruongei eng’ kobogorisiek; amu bergeinik icheget. Chuto ko icheget che isubi Aruet eng’ oldo tugul ole wendi. Kigial chuto eng’ kwenutab bik, koek tongoanik eng’ Jehovah ak eng’ Aruet.