2 ATEPTAP PEETUUSYEK 30:9 - BUKUIT NE TILIL

⁹ Amu ngoweekyige Jehovah, kosichei tupchosiekwok ak lagokwok rirenet eng’ taitab icheget che kiluul ichek, ak koweek kogeny kobwa emoni: amu tinyei Jehovah Kamuktaindeng’wong’ mieindo ak rirenet, ama ituktochinok batai, ngot oweekyige inendet.

Bukuit Ne Tilil

⁹ Amu ngo weekyigei Kamuktaindet ne Toroor, kosichei tupchosyekwok ak lagokwok rireenet eng' taitap icheeget che kiluul icheek, ak koweek kogeny kobwa emoni. Amu tinyei Kamuktaindet ne Toroor Kamuktaindeng'wong' myeeindo ak rireenet, ama ituktochinok patai ngot oweekyigei ineendet.”

BUKUIT NE TILIIL Sireet ne Dutero Kanon

⁹ Amu ngo weekyigei Kamuktaindet ne Toroor, kosichei tupchosyekwok ak lagokwok rireenet eng' taitap icheeget che kiluul icheek, ak koweek kogeny kobwa emoni. Amu tinyei Kamuktaindet ne Toroor Kamuktaindeng'wong' myeeindo ak rireenet, ama ituktochinok patai ngot oweekyigei ineendet.”

2 ATEPTAP PEETUUSYEK 30:9 ပူးပေါင်းရင်းမြစ်များ

1 LAITORINIK 8:50

ak inyochi kaat biguk che kigoyaun tengekto, ak bistaosiekwak tugul che kigobistaenen; ak irire ichek eng’ taitab bik che kiimut ichek koluul:

2 ATEPTAP PEETUUSYEK 15:2

ak kiwa kotorokta Asa, kolenji, Ogasa okwek, inye Asa ak Juda tugul ak Benjamin: mi Jehovah kobotok, ye otebye ak inendet; ak ngot ocheng’ inendet, onyoru; ago ngot omete inendet, kometok.

2 ATEPTAP PEETUUSYEK 7:14

ngot koming’ingei bikyuk, che kemwaitoe kainennyu, ak kosa, ak kocheng’a, ak kolakta ortinwekwak che bo yaitiet; agas anyun eng’ kipsengwet, ak anyochi kaat eng’ tengektanywa, ak asoob emenywa.

NEEMIA 9:17

ak koesio kogas it, amata kobwat kwong’utiguk che kiiyai eng’ kwenunywa, ago kiiuuiit kaatinywa, ak eng’ ngelelnatenywa ko kilewen kiptaiyat komut ichek koweekyigei otwoknatenywa: ago i Kamuktaindet ne i chobot inyochi kaat, i bo mieindo ak ko nyiitat rirenet, ne ma sib konerechi, ak itinye chang’indab rirenet, ama imete ichek.

NEEMIA 9:31

Ago eng’ rirenosieguk che chang’ ko ma igesu ichek, anan imete, amu i Kamuktaindet ne bo mieindo, ak ko nyiitat rirenet.

TIENWOGIKAL 106:46

Kiigochi bik tugul che kiluulei ichek, Korirge.

TIENWOGIKAL 111:4

Kiyai Jehovah boisionikyik che kikwong’e, si kibwataat: Bo Jehovah mieindo ak ko nyiitat rirenet.

TIENWOGIKAL 86:15

Ago inye, ee Kiptaiyat, ko i Kamuktaindet ne nyiitat rirenet ak ko bo mieindo, Ne masib konerechi, ne tinyei chang’indab rirenetab ge ak imanit.

TIENWOGIKAL 86:5

Amu i mie inye Kiptaiyat, ak i chobot inyochi kaat, Ak itinye chang’indab rirenetab ge eng’ ichek che kuurin.

KALEWANAIK 28:13

Manyoru berurto inendet ne unyei bistaosiekyik: Ago nyoru rirenet age tugul ne ng’anyei ak kometo.

ISAIAH 55:7

ingometo kiptengekyot orennyi, ak ingometo inendet ne ma bo iman, kabwatutikyik: ak ingoweekyigei Jehovah, si korire; ak ingoweekyigei Kamuktaindennyo, amu nyochin kaat iman.

JEREMIA 18:17

Aseeri ichek eng’ taitab bunyot ko u ye iseerisiei usonetab kong’asis; ageere bataikwak, mageere togochikwak, eng’ betutab nyalildanywa.

JONAH 4:2

Ak kisa Jehovah kole, Asain, ee Jehovah, tos ma ng’olyondonito ne kigamwa ye kingota ami emennyu? Kiamwei anyun achakte awe Tarsis: amu kiangen ale i Kamuktaindet ne bo mieindo, ak ne nyiitat rirenet, ne ma sib konerechi, ak kotinyei chang’indab rirenet, ak iwale kabwatutiguk agobo yaitiet.

MIKAH 7:18

Ng’o Kamuktaindet ne u inye, ne nyochin kaat bik amu tengekto, ak kosiirtoe bistoetab bik che king’et che bo borotennyi? Magonori neregekyik agoi, amu baibaitune rirenet.

NG'ATUTIK 30:1

Ak ye bwanjin tukchu tugul, berurto ak chubisiet, che kiande taing’ung’, ak ibwat anyun eng’ kwenutab bororiosiek tugul, ole kigoonjin Jehovah Kamuktaindeng’ung’,

NG'ATUTIK 4:31

amu Jehovah Kamuktaindeng’ung’ ko Kamuktaindet ne bo rirenet; mametoin, anan kowong’un, anan koutie kayomisetab kwanisieguk ne kiiyosiechi.