2 ATEPTAP PEETUUSYEK 30:6 - BUKUIT NE TILIL

⁶ Kiib anyun bik che kiga kiyokto, baronok che kibunu laitoriat ak bounikyik, koba Israel tugul ak Juda, ko u ng’atutietab laitortiat, kolenji, Okwek, lagokab Israel, oweekyige Jehovah, Kamuktaindetab Abraham, Isak ak Israel, si komuch inendet koweekyigei bik che king’et, che kichililso eng’ okwek eng’ eunekab laitorinikab Asuria.

Bukuit Ne Tilil

⁶ Ki ip anyun piik che kiga kiyookto, paronok che ki punu laitoryat ak pounikyik, koba Israel tugul ak Judah, ko uu ng'atuutyetap laitoryat, koleenji, “Okweek piigap Israel, oweekyigei Kamuktaindet ne Toroor, Kamuktaindetap Abraham, Isak ak Israel, si komuuch ineendet koweekyigei piik che ki ng'et, che kichililso eng' okweek eng' eunegap laitorinigap Assyria.

BUKUIT NE TILIIL Sireet ne Dutero Kanon

⁶ Ki ip anyun piik che kiga kiyookto, paronok che ki punu laitoryat ak pounikyik, koba Israel tugul ak Judah, ko uu ng'atuutyetap laitoryat, koleenji, “Okweek piigap Israel, oweekyigei Kamuktaindet ne Toroor, Kamuktaindetap Abraham, Isak ak Israel, si komuuch ineendet koweekyigei piik che ki ng'et, che kichililso eng' okweek eng' eunegap laitorinigap Assyria.

2 ATEPTAP PEETUUSYEK 30:6 ပူးပေါင်းရင်းမြစ်များ

1 LAITORINIK 18:36

Ak eng’ sait ne kigoitoe kagochinet, konyo maotiot Elija korik, ak kole, Ee Jehovah, Kamuktaindetab Abraham, ak ko bo Isak, ak ko bo Israel, ingonaak rani kele i Kamuktaindet eng’ Israel; ak a otwogindeng’ung’ ak konaak kele kayai tuguchuto tugul eng’ ng’olyondeng’ung’.

2 LAITORINIK 15:19

Kiset Pul laitoriatab Asuria kolen kobar emet; ak kiigochi Menaem Pul talentaisiek elfut che bo feda, si kobiit kotoret Pul inendet kogimit laitornatet eng’ eunnyi.

2 LAITORINIK 15:29

Kinyo Tiglat-peleser laitoriatab Asuria eng’ betusiekab Peka laitoriatab Israel, ak kinam Ijon, ak Abel-bet-maaka, koboto Janoa, ak Kedes, ak Hasor, ak Gilead, ak Galili, emet tugul ne bo Naptali; ak kiluul ichek komut koba Asuria.

1 ATEPTAP PEETUUSYEK 29:18

Ee Jehovah, Kamuktaindetab Abraham, ak ko bo Isak, ak ko bo Israel, kwanisiekyok, rib ng’olyondonito koigeny eng’ kabwatutik che ibwati mugulelwekab biguk, ak ichopchige mugulelwekwak:

1 ATEPTAP PEETUUSYEK 5:26

Ak kiing’eet Kamuktaindetab Israel tamirmirietab Pul laitoriatab Asuria, ak tamirmirietab Tilgat-pilneser laitoriatab Asuria, ak kiimut, bikab Reuben, ak bikab Gad, ak kebebertab bororietab Manase, ak kiimut koba Hala, Habor, ak Hara, kot koit ainetab Gosan, agoi ra.

2 ATEPTAP PEETUUSYEK 28:20

Ak kinyonji inendet Tilgat-pilneser laitoriatab Asuria, ak konyalil inendet, ma igimit.

ESTA 3:13

Ak kigiyokto baronok, kiyoktae bik koba emotinwek tugul che bo laitoriat, kelenji, keng’em, kebar, kilus, Yahudik tugul, neranik ak che osen, lagok che mengechen ak kwonyik, eng’ betut agenge, eng’ betutab taman ak somok eng’ arawetab taman ak aeng’, noto ko arawetab Adar, ak konam tugukwak koek barunenik.

ESTA 8:14

Kiba anyun bik che kiga kiyokto kobun mbartanyisiek che chepcheb che kiboisiei eng’ boisietab laitoriat, che kigichirjir, ak kigigiil eng’ ng’atutietab laitoriat; ak kigimwaita ng’atutiet eng’ Susan, nganaset ne o.

Kitabuutap JOB 9:25

Ruaei betusiekyuk kosiir ne kiyoktoi: Mweei, mageerei kit ne mie.

ISAIAH 1:9

Nda kima bagakwech Jehovah ne bo lugosiek ng’etunenik che ng’ering’ mising’, ta kiga keige Sodom, ak ta kiga keige Gomora.

ISAIAH 6:13

Ak ngot ko ta komi kebeberta agenge eng’ taman, keamei kogeny: ko u ketit ne kiguure teil, ak ketit age, che ng’etu musugikwak ye kageeb; u noto, iyotet ne tilil ko tigitikyik.

JEREMIA 29:1

Chu ng’alekab baruet ne kiiyokto maotiot Jeremia eng’ Jerusalem, koyokyi boisiek che king’et eng’ che kiga kiluul, ak tisiik, ak maotik, ak bik tugul, che kiga luul Nebukadnesar eng’ Jerusalem koba Babulon,

JEREMIA 3:14

Oweege, okwek lagok che kiogetyige let, mwaei Jehovah; amu a manong’otiot eng’ okwek; ak amut chito agenge eng’ nganaset agenge, ak bik aeng’ che bo oret agenge, ak amutwak obwa Sion.

JEREMIA 4:1

Ngot iweege, ee Israel, mwaei Jehovah, iweekyinage: ak ngot iiste tuguguk che kiwechei eng’ tainnyu, ko ma keistoin anyun;

JEREMIA 51:31

Labati chito ne kiyoktoi koib baronok kwo kotuiyo ak age, ak kolabati chito ne kiyoktoi koib ng’alek kwo kotuiyo ak age, si koborji laitoriatab Babulon kolenji, kagenam nganasennyi eng’ komosta age tugul:

RIREKAB JEREMIA 3:40

Ongisiach ak ketiem ortinwekyok, si keweekyige kogeny Jehovah.

RIREKAB JEREMIA 5:21

Welelech ketokyinge, ee Jehovah, si keweleloge; Wal betusiekyok koigei che bo keny.

EZEKIEL 33:11

Mwachi ichek ilenji, Ko u ye asobe, mwaei Kiptaiyat Jehovah, ko mabaibaitune meetab kiptengekyot; ago abaibai ngo week kiptengekyot kometo orennyi, ak kosob: oweege, oweege, omete ortinwekwok che yaach; amu nee si obegu, ee gotab Israel?

HOSEA 14:1

Ee Israel, weekyige Jehovah Kamuktaindeng’ung’; amu kiibut eng’ tengektang’ung’.

HOSEA 6:1

Obwa, keweekyige Jehovah: amu kigogererech ak konyaech; kigobirech ak inyoech.

SEKARIA 1:3

Mwachi anyun ichek ilenji, Mwaei Jehovah ne bo lugosiek ko u ni kole: Oweekyage, mwaei Jehovah ne bo lugosiek, si aweekyoge, mwaei Jehovah ne bo lugosiek.

SEKARIA 1:4

Amoige kwanisiekwok, che kiga ititenji maotik che bo tai, kolenji, Mwaei Jehovah ne bo lugosiek ko u ni kole, Oweege anyun nguno omete ortinwekwok che yaach, ak boisionikwok che yaach: ago kima kas ichek, anan koepcha it, mwaei Jehovah.

JAKOBO 4:8

Orikyi Jehovah, si korikyok. Oun eunekwok, okwek kiptengeginik; ak otilil mugulelwekwok, okwek che o bo kabwatutik aeng’.