2 ATEPTAP PEETUUSYEK 30:14 - BUKUIT NE TILIL

¹⁴ Kong’eetyo anyun ak koisto kaptisisiosiek che kimi Jerusalem, ak kapkorosusiek tugul che bo nyamdutik, ak kowirji kererutab Kidron.

Bukuit Ne Tilil

¹⁴ Kong'eetyo anyun ak koisto kaptisisyosyek che ki mi Jerusalem, ak kapkorosusyek tugul che po nyamdutik ak kowiirchi kererutap Kidron.

BUKUIT NE TILIIL Sireet ne Dutero Kanon

¹⁴ Kong'eetyo anyun ak koisto kaptisisyosyek che ki mi Jerusalem, ak kapkorosusyek tugul che po nyamdutik ak kowiirchi kererutap Kidron.

2 ATEPTAP PEETUUSYEK 30:14 ပူးပေါင်းရင်းမြစ်များ

2 SAMUEL 15:23

Ak kiwaach emet komugul eng’ kutit ne o, ak kilanda bik tugul: ak kilandae laitoriat inendet agine kererutab Kidron, ak kilanda bik tugul, kotokyigei ong’atet.

2 LAITORINIK 18:22

Ago ngot olenja, Kimang’u Jehovah Kamuktaindennyo: ko ma inendet, ne kiisto Hesekia komoswekyik che tororen ak kapkorosusiekyik, ak kolenji Juda ak Jerusalem, Osae eng’ taitab kaptisisioni eng’ Jerusalem?

2 ATEPTAP PEETUUSYEK 15:16

Ak kiisto Maaka agine, kametab Asa laitoriat, si mata koek laitoriat ne kwondo, amu kiga koyai kanamwet ne kiwechei ne bo Asera; kibut Asa kanamwennyi, ak kotui koek temburiek, ak kobeel eng’ ole negite kererutab Kidron.

2 ATEPTAP PEETUUSYEK 28:24

Ak kiiyum Ahas terenikab gotab Kamuktaindet, ak kotui terenichoto bo gotab Kamuktaindet, ak koger kurgotikab gotab Jehovah; ak kiyachigei kapkorosusiek eng’ luita age tugul ne bo Jerusalem.

2 ATEPTAP PEETUUSYEK 29:16

Ak kiba tisiik komosta ne bo orit mising’ eng’ gotab Jehovah, koba kotilil, ak komaanda tugul che bo simdo che kiganyorji hekalutab Jehovah, ak koib koba seremutab gotab Jehovah. Ak kinam Lawik, ak koib koba timin, kowirji kererutab Kidron.

2 ATEPTAP PEETUUSYEK 32:12

Tos ma Hesekia nito ne kiisto komoswek che tororen ak kapkorosusiekyik, ak kong’atei Juda ak Jerusalem kolenjin, Osae eng’ taitab kapkorosut agenge, ak obeele nyamdutik eng’ yoto?

2 ATEPTAP PEETUUSYEK 34:3

Amu eng’ kenyitab sisiit ne bo laitornatennyi, ye kita ko ming’in, kotoi kocheng’ Kamuktaindetab Daudi kwandanyi: ak eng’ kenyitab taman ak aeng’ kotoi kotilil Juda ak Jerusalem koisto komoswek che tororen, ak Aserik, ak kanamonik che kigiwai ak kanamonik che kigitany.

2 ATEPTAP PEETUUSYEK 34:4

Ak kibut kapkorosusiekab Baalik eng’ tainnyi; ak koluul kanamonik che bo asista che kimitei baragunywa; ak kituatui Aserik, ak kanamonik che kigiwai ak kanamonik che kigitany, ak kong’a koek temburiek ak koseerji kererisiekab icheget che kieng’ji.

2 ATEPTAP PEETUUSYEK 34:7

Ak kibut kapkorosusiek, ak kong’a Aserik ak kanamonik che kigiwai ak kanamonik che kigitany, koek temburiek, ak koluul kanamonik tugul che bo asista eng’ emet komugul ne bo Israel, yeityo koweek Jerusalem.

ISAIAH 36:7

Ago ngot ilenja, Kimang’u Jehovah Kamuktaindennyo: ko tos ma inendet ne chechik komoswek che tororen ak kapkorosusiek che kigoisto Hesekia, ak kolenji Juda ak Jerusalem, Osae eng’ taitab kaptisisioni?

JOHANA 18:1

Ye kingo kagomwa Jesu ng’alechu, koba ak alamalyennyi kolanda eng’ kererut ne kiguure Kedron, ole kimi mbaret, ole kiwa inendet, koboto alamalyennyi.