2 ATEPTAP PEETUUSYEK 26:8 - BUKUIT NE TILIL

⁸ Ak kiigochi Amonik Usia kagochinoik: ak kiyom kainennyi agoi ole kibunei kebendi Misri; amu kitesak kimnatennyi kot.

Bukuit Ne Tilil

⁸ Ki igoochi Amonik Uzziah kagoochinoik, ak ki yom kainennyi agoi kiwotosyegap Misiri; amu kitesak kimnateennyi kot.

BUKUIT NE TILIIL Sireet ne Dutero Kanon

⁸ Ki igoochi Amonik Uzziah kagoochinoik, ak ki yom kainennyi agoi kiwotosyegap Misiri; amu kitesak kimnateennyi kot.

2 ATEPTAP PEETUUSYEK 26:8 ပူးပေါင်းရင်းမြစ်များ

TAUNET 12:2

ak ayain iegu bororiet ne o, ak aberurin, atoror kaineng’ung’ koeet; ak iegu kaberuret.

TAUNET 19:38

Ak kisich ne ming’in agine werit, ak kiguure kainennyi Ben-ami: inendet ko kwandab Amonik agoi ra.

2 SAMUEL 8:13

Ak kieet kainetab Daudi ye kiweeksei kobunu baret ne kibarei Suriek eng’ Atebwetab Munyuk, ole kibare murenik elfusiek taman ak sisiit.

2 SAMUEL 8:2

Ak kibar Moab, ak kiikwa ichek eng’ borowet, king’at koruiyo eng’ ng’ony, ak kiikwa eng’ boroonik aeng’ bik che kibarei kobek, ak kichamji kosopcho che bo borowet ne nyiitat. Ak kiek Moabik otwogikab Daudi, ak kiib kagochinoik.

1 LAITORINIK 4:31

Amu ki ng’om kosiir bik tugul; kosiir Etan Esraindet, ak Heman, ak Kalkol, ak Darda, weritab Maol: ak kiyom toogunatennyi bororiosiek tugul che kiga yiem inendet.

1 ATEPTAP PEETUUSYEK 14:17

Ak kiyom emotinwek tugul toogunatetab Daudi; ak kiigochi Jehovah bororiosiek tugul koiywei inendet.

2 ATEPTAP PEETUUSYEK 17:11

Ak kiipchi Pilistik alak kagochinoik Jeosapat, ak kiipchi feda koek aisurut; kigetyi Marabuk agichek akwotisiekab kechirek, mengichik elfusiek tisab ak bogol tisab, ak kwesik elfusiek tisab ak bogol tisab.

2 ATEPTAP PEETUUSYEK 20:1

Ak kingobata nito, kobok lagokab Moab, ak lagokab Amon, ak kimi koboto ichek Amonik alak kobwa kobargei ak Jeosapat.

2 ATEPTAP PEETUUSYEK 26:9

Kogeny, ko kiteech Usia teeksosiek che koen eng’ Jerusalem eng’ ormarichetab luita, ak eng’ ormarichetab atebwet, ak eng’ ole weegegei irimet, ak kogimit.

2 ATEPTAP PEETUUSYEK 27:5

Kibargei kogeny ak laitoriatab lagokab Amon, ak koterter ichek. Ak kiigochi lagokab Amon inendet eng’ kenyinoto talentaisiek bogol che bo feda, ak kerutik elfusiek taman che bo nganok, ak kerutik elfusiek taman che bo sairik. Kiigochi ko u noto lagokab Amon inendet, eng’ kenyit ne bo aeng’ kogeny, ak ne bo somok.

MATAYO 4:24

Ak kiyesta ng’alek agobo inendet eng’ Suria komugul, ak kigimutyi inendet bik tugul che miandos, che kinam korotwek ak ng’woninwek che terotin, ak che kitinyei oik, ak che kitanuitos, ak che ki meiyotin borwek; ak kiisoob ichek.

NG'ATUTIK 2:19

ak ye irikte ole negite lagokab Amonik, ko meiim anan omoiye kiy ak bichoto: amu magonin emetab lagokab Amonik kobunjin: amu kiagochi lagokab Lot kobunji.

1 SAMUEL 11:1

Kitogos anyun Nahas Amonindet, konyo koteech taitab Jabes-gilead: ak kilenji bik tugul che bo Jabes Nahas, Ongiyomisge, si keotin.