2 ATEPTAP PEETUUSYEK 24:18 - BUKUIT NE TILIL

¹⁸ Kometo anyun gotab Jehovah, Kamuktaindetab kwanisiekwak, ak koot Aserik ak kanamonik: ak kinyonji neregek Juda ak Jerusalem agobo ng’ogiswechuchuak.

Bukuit Ne Tilil

¹⁸ Kometo anyun kootap Kamuktaindet ne Toroor, Kamuktaindetap kwanisyekwak, ak koot Aserik ak kanamonik. Ki nyoonji anyun nereegek Judah ak Jerusalem agobo ng'oogiswechuchwak.

BUKUIT NE TILIIL Sireet ne Dutero Kanon

¹⁸ Kometo anyun kootap Kamuktaindet ne Toroor, Kamuktaindetap kwanisyekwak, ak koot Aserik ak kanamonik. Ki nyoonji anyun nereegek Judah ak Jerusalem agobo ng'oogiswechuchwak.

2 ATEPTAP PEETUUSYEK 24:18 ပူးပေါင်းရင်းမြစ်များ

2 SAMUEL 24:1

Ak kilalyo kogeny neregekab Jehovah agobo Israel, ak king’eetyi Daudi kosich kabwatet ne ya agobo ichek, kolenji, Ui, iit Israel ak Juda.

1 LAITORINIK 14:23

Amu kiteekyigei agichek komoswek che tororen, ak tolochik, ak Aserik, eng’ tulwet age tugul ne koi, ak eng’ ketit kel eng’ ketit age tugul ne tuon;

1 LAITORINIK 14:9

ago koiyai yaitiet kosiir bik tugul che kiindounenen, ak koiwe iyachige kanamonik, ak che kitanyi, itacha, ak iwirta awa let eng’ inye:

2 ATEPTAP PEETUUSYEK 12:1

Ak kingo kagigimit bounatetab Reoboam, ak kogimit agine, kometo ng’atutikab Jehovah, inendet ak Israel tugul.

2 ATEPTAP PEETUUSYEK 12:2

Ak eng’ kenyit ne bo mut ne bo laitoriat Reoboam, kotogos Sisak laitoriatab Misri, konyo kobar Jerusalem, amu kiga kongelelji Jehovah;

2 ATEPTAP PEETUUSYEK 19:2

Ak kiwa Jeu weritab Hanani keerindet, kotorokta inendet, ak kolenji laitoriat Jeosapat, Tos yamin itoret kiptengekyot, ak icham che wechei Jehovah? Kabwanjin neregek, che bunu taitab Jehovah, amu kiito.

2 ATEPTAP PEETUUSYEK 21:13

ago kiiwendote ortinwekab laitorinikab Israel, ak kiigochi Juda ak che menyei Jerusalem koyai ibetab ge, ko u ye kiyai gotab Ahab; ak kiibar kogeny tupchosieguk che bo gotab kwandang’ung’, che ki koigoi kosiirin:

2 ATEPTAP PEETUUSYEK 22:4

Ak kiyai ne ya eng’ taitab Jehovah, ko u ye kiyai gotab Ahab: amu ki konetikyik che kiineti inendet, agoi ng’emisiennyi, kingo kagome kwandanyi.

2 ATEPTAP PEETUUSYEK 24:17

Kingo kagome Jeoiada kobwa bounikab Juda, ak kogetung’ji laitoriat. Kogasyi anyun laitoriat ng’alekwak.

2 ATEPTAP PEETUUSYEK 24:4

Ak kingobata choto komach Joas koteech gotab Jehovah ole kiga kobutok.

2 ATEPTAP PEETUUSYEK 25:15

Kolalyo anyun neregekab Jehovah agobo Amasia, ak koyokyi maotiot ne kimwachi inendet kolenji, Amu nee si icheng’ kanamonikab bik, che tom kosor bikwak eng’ eung’ung’?

2 ATEPTAP PEETUUSYEK 28:13

ak kolenji ichek, Momuchi omutu luulenik kobwa olito: amu omache oyai kit ne ibwech kachiliilutiet eng’ Jehovah, si kobiit otes tengekwogikyok ak kachiliilutik: amu eechen kachiliilutikyok, ak mitei neregek che ng’wonen agobo Israel.

2 ATEPTAP PEETUUSYEK 29:8

Kinyonji anyun neregekab Jehovah Juda ak Jerusalem, ak kiigoito ichek ketoortaat koba komosi ak komosi, koek kwong’utiet, ak koek che kirenyei ko u ye ogeere eng’ konyekwok.

2 ATEPTAP PEETUUSYEK 32:25

Ago ma yai Hesekia kogeny ko u ye kiga kiyachi ko mie; amu kimen: konyonji anyun nereknatet inendet, ak Juda ak Jerusalem.

2 ATEPTAP PEETUUSYEK 34:25

amu kigometa, ak kigobeelji nyamdutik kanamonik, si kobiit kotacha anerech eng’ boisionik tugul che bo eunekwak; noto anyun, karong’jige neregekyuk yuto, ama kimisi.

KOMONG'U 34:12

Ripge, si meyai arorutiet ak bik che menyei emonoto iwendi, si maek mestet eng’ kwenung’wong’:

KOMONG'U 34:13

ago obut kapkorosusiekwak, ak otuatui kanamonikwak kotonogis, ak oluul Aserikwak:

JEREMIA 17:2

ko ta kobwati lagokwak kapkorosusiekwak ak Aserik che mi ole mi ketik che tuonen eng’ tulonok barak.

HOSEA 5:14

Amu aigeitu ng’etundo eng’ Epraim, ak aigeitu ng’etundo ne neran eng’ gotab Juda: agereri anendet ak awe; amuti, ama biitu chi ne soru.

EPESOEK 5:6

Amat koberberak chi eng’ ng’alek che manamegei ak kiy: amu nyonjin nereknatet ne bo Jehovah werikab ngelelnatet amu tuguchuto.

JOSHUA 22:20

Kima yai Akan weritab Sera chalwokto eng’ kit ne ki itabanat, ak kobutyi neregek tuiyet komugul ne bo Israel? Ak kima lus chichoto inegei eng’ tengektanyi.

KIRUOGIK 5:8

Kilewen cheptalelisiek che taunen; Kibiit luget eng’ kurgotik: Tos kibiit long’et anan ko ng’otit ne kigigeerei Eng’ elfusiek artam eng’ Israel?

KIRUOGIK 8:33

Ak kingobata meetab Gideon, koweek kogeny lagokab Israel, koibotgei ak Baalik, ak koyai Baal-berit koek cheptalelinywa.