2 ATEPTAP PEETUUSYEK 23:11 - BUKUIT NE TILIL

¹¹ Komong’ anyun weritab laitoriat, ak kolaakyi nariet, ak kogochi baornatet, ak konde inendet koek laitoriat: ak kiil Jeoiada ak werikyik, inendet; ak kole, Ingosob laitoriat.

Bukuit Ne Tilil

¹¹ Komong' anyun weeriitap laitoryat, ak kolaakyi naaryeet, ak kogoochi paornateet, ak konde ineendet koek laitoryat: ak ki iil Jehoiada ak weeriikyik, ineendet; ak kole ingosap laitoryat.

BUKUIT NE TILIIL Sireet ne Dutero Kanon

¹¹ Komong' anyun weeriitap laitoryat, ak kolaakyi naaryeet, ak kogoochi paornateet, ak konde ineendet koek laitoryat: ak ki iil Jehoiada ak weeriikyik, ineendet; ak kole ingosap laitoryat.

2 ATEPTAP PEETUUSYEK 23:11 ပူးပေါင်းရင်းမြစ်များ

2 SAMUEL 1:10

Atonone anyun yoto kimitei, ak abar, amu kianai eng’ iman ale ma komuchi kosob ko kagobut: ak kianemu kutwetab laitornatet ne kimi metinnyi, ak karnet ne kimi eunnyi, ak kaibu kobwa yu aipchi kiptaiyandennyu.

2 SAMUEL 16:16

Ak kingoit Husai Arkindet, choruetab Daudi, ole mi Absalom, kolenji Husai Absalom, Ingosob laitoriat, ingosob laitoriat.

2 SAMUEL 5:3

Kibwa anyun boisiek tugul che bo Israel ole mi laitoriat eng’ Hebron; ak kiyai laitoriat Daudi arorutiet koboto ichek eng’ Hebron eng’ taitab Jehovah: ak kiil Daudi koek laitoriat koboi Israel.

1 LAITORINIK 1:25

Amu kachortagei rani, ak kagoeny tuga ak che akwaen ak kechirek ng’isiat, ak kagoguur werik tugul che bo laitoriat, ak kiptainikab luget, ak Abiatar tisiindet; ak keero, amisiei ak koeeisei eng’ tainnyi, ak kolen, Ingosob laitoriat Adonija.

1 LAITORINIK 1:34

ak ingoiil inendet eng’ oloto Sadok tisiindet ak maotiot Natan koek laitoriat ne bou Israel: ak koguut iriaget ak ole, Ingosob laitoriat Solomon.

1 LAITORINIK 1:39

Ak kiinem Sadok tisiindet laletab mwaita eng’ Emait, ak koiil Solomon. Ak kiguut iriaget; ak kile bik tugul, Ingosob laitoriat Solomon.

2 LAITORINIK 11:12

Komut anyun weritab laitoriat komong’, ak kolaakyi narietab laitornatet, ak kogochi baornatet; ak koyai inendet koek laitoriat, ak koiil inendet; ak koraprab eunekwak, ak kole, Ingosob laitoriat.

2 ATEPTAP PEETUUSYEK 22:11

Ago kiimut Jeosabeat, cheptab laitoriat, Joas weritab Aasia, kochor inendet komut eng’ ole mi werikab laitoriat, chu kigibarei, ak konde inendet ak cheblakwet got ne kiruei eng’ got orit. Kouny anyun inendet Jeosabeat cheptab laitoriat Jeoram, osotiotab Jeoiada tisiindet, (amu ki chepkametab Aasia,) si mabar Atalia.

2 ATEPTAP PEETUUSYEK 23:10

Ak kitet bik tugul, kotinyei chi tugul karikyik eng’ eunekyik, koboch komostab tai ne bo got agoi komostab katam ne bo goyoto, ye negite kaptisisiet, ak got, koyiem laitoriat.

2 ATEPTAP PEETUUSYEK 23:12

Ak kingogas Atalia bolatetab bik che ruaoti ak kolosu laitoriat, konyo ole mi bik eng’ gotab Jehovah:

TIENWOGIKAL 132:18

Alaakyini bunikyik kalilanet: Ago tuneni eng’ inendet mariennyi ne bo bounatet.

TIENWOGIKAL 21:3

Amu isib igochini kaberuroikab mieindo: Igerjine metit narietab tahabu ne kararan.

TIENWOGIKAL 78:5

Amu kiigimit baornatet eng’ Jakobo, Ak kiinde ng’atutiet eng’ Israel, Ne king’at kwanisiekyok, kole, Konet lagokwak:

TIENWOGIKAL 89:20

Kianyoru Daudi kiboitiondennyu; Kiaiile inendet mwaitanyu ne tilil:

TIENWOGIKAL 89:39

Kiisas kayomiset ne bo kiboitiondeng’ung’: Ak kiing’wanit nariennyi ne bo laitornatet kot iwirji ng’ony.

KOMONG'U 25:16

Ak inde moingonoto orit baornatet ne agonin.

KOMONG'U 25:21

Ak inde keruanato bo rirenet baragutab moinget; ak inde moinget orit baornatet ne tun agonin.

KOMONG'U 31:18

Ak ye kingo kagoges Jehovah ng’alalet ne king’alali ak Musa eng’ tulwetab Sinai, kogochi Musa koik aeng’ che lebelen che bo baornatet, che kigisire mornetab Kamuktaindet.

ISAIAH 49:23

Ak koek laitorinik kwanisieguk che iguin, ak koek osotikab laitorinik kametwogiguk che iguin: kutung’jinin ichek kot koit togochikwak ng’ony, ak komel temburiek che mi kelyeguk; ak inai ile a Jehovah, maililandos ichek che igena.

ISAIAH 8:16

Rat anyun baornatet, ng’och ng’atutik eng’ kwenutab alamalyennyu.

ISAIAH 8:20

Onamge ak ng’atutik ak baornatet! Ngot ko mang’alal ichek kosub ng’olyondonito, ko amu mami lapkeiyet eng’ ichek.

MATAYO 21:9

Ak kimwaoti eng’ kutit ne o tuiyosiek che kiindoe inendet, ak che kiisubi, kolen, Hosanna weritab Daudi: iberurot inendet ne nyonei eng’ kainetab Kiptaiyat; Hosanna eng’ ole toror mising’.

HEBRANIK 2:9

Ago kigeere inendet ne kigiyai koming’init kitigin eng’ malaikaisiek, inendet Jesu, ne kigilaakyi kutwet ne bo torornatet ak teegisto amu nyalilda ne bo meet, si kobiit kochamjam meet eng’ mieindab Jehovah agobo chi age tugul.

JAKOBO 1:12

Baibai chito ne muitoi eng’ yomset: amu ye kagoterter, kotaachei kutwet ne bo sobondo, ne kiiarorji Kiptaiyat ichek che chamei inendet.

JAKOBO 2:5

Ogaso, tupchosiekyuk ak ko chamanikyuk; tos kima lewen Jehovah che bonondos eng’ ng’ony koek magorek eng’ kayanet, ak koek che nyoru bounatet ne kigoarorji ichek che chamei inendet?

NG'ANG'UTYET 19:12

Ak ki u konyekyik liblibenetab mat, ak kimi metinnyi nariosiek che chang’; ak kotinyei kainet ne kigisir, ne mami chi ne ingen kobate inendet inegei.

NG'ANG'UTYET 4:10

kobutyi anyun boisiechoto tiptemu ak ang’wan taitab inendet ne tebe ng’echeranato bo laitornatet, ak kogutung’ji inendet ne sobei koigeny ak koigeny, ak kowirji ng’ony kutonokwak che bo tahabu eng’ taitab ng’echeret, kolen,

NG'ANG'UTYET 4:4

Ak kiyiem ng’echeranato bo laitornatet, ng’echerok tiptemu ak ang’wan che bo laitornatet: ak kitebe boisiek tiptemu ak ang’wan ng’echerochoto, kolaachi ngoroik che leelachen; ak kotinyei eng’ metowekwak kutonok che bo tahabu.

NG'ANG'UTYET 5:10

ak kiiyai ichek koek bororiet ak tisiik eng’ Jehovah nenyo; ak kobounisiei eng’ ng’ony.

1 SAMUEL 10:1

Kiinem anyun Samuel chuboitab mwaita, ak korong’ji metinnyi mwaita, ak kong’utut inendet, ak kolenji, Ma inye ne kagoiilin Jehovah iegu bounindet ne bo borotennyi?

1 SAMUEL 10:24

Ak kilenji Samwel bik tugul, Ogeer inendet ne kogolewen Jehovah, ole mami ne kergei ak inendet eng’ bik tugul? Ak kimwa bik tugul eng’ kutit ne o kole, Ingosob laitoriat.