2 ATEPTAP PEETUUSYEK 20:20 - BUKUIT NE TILIL

²⁰ Ak king’eetyo karon mising’, komusta ong’atetab Tekoa; ak ye kingota kobendi, kotonon Jeosapat ak kole, Ogasa, ee Juda, ak che omenye Jerusalem; oyan Jehovah Kamuktaindeng’wong’, si kobiit ogimegitu; oyan maotikyik, si obor.

Bukuit Ne Tilil

²⁰ Ki ng'eetyo karon miising', komusta surkwen ne po Tekoa. Ye kingo ta kobendi, kotonon Jehoshaphat ak kole, “Ogasa, ee Judah, ak che omenye Jerusalem! Oyan Kamuktaindet ne Toroor Kamuktaindeng'wong', si kobiit ogimegitu; oyan maotikyik, si oboor.”

BUKUIT NE TILIIL Sireet ne Dutero Kanon

²⁰ Ki ng'eetyo karon miising', komusta surkwen ne po Tekoa. Ye kingo ta kobendi, kotonon Jehoshaphat ak kole, “Ogasa, ee Judah, ak che omenye Jerusalem! Oyan Kamuktaindet ne Toroor Kamuktaindeng'wong', si kobiit ogimegitu; oyan maotikyik, si oboor.”

2 ATEPTAP PEETUUSYEK 20:20 ပူးပေါင်းရင်းမြစ်များ

2 SAMUEL 14:2

Ak kiiyokto Joab keguur kwondo ne ng’om eng’ Tekoa, ak kolenji, Asain ale, yaige ogergeitu ak chito ne rirei, ak asain ale ilaach ngoroikab rirek, amat iilege mwaita, ago ogergeitu ak kwondo ne kigorir keny agobo chito ne kime:

1 ATEPTAP PEETUUSYEK 4:5

Ak kitinyei osotik aeng’ Ashur kwandab Tekoa, Hela, ak Naara.

2 ATEPTAP PEETUUSYEK 11:6

Kiteech Bet-lehem, Etam, ak Tekoa,

2 ATEPTAP PEETUUSYEK 20:19

Ak kitononso Lawik ak che bo lagokab Kohatik, ak che bo lagokab Koraik, kolos Jehovah, Kamuktaindetab Israel, eng’ kutit ne o mising’.

TIENWOGIKAL 125:1

U ichek che imang’u Jehovah Tulwetab Sion, ne magimuchi keisto, ago tebyei koigeny.

KOMONG'U 14:31

Ak kigeer Israel boisiet ne kim ne kiyachi Jehovah eng’ Misrik, ak kiiywei bik Jehovah: ak kiiyan Jehovah, ak Musa otwogindennyi.

ISAIAH 26:3

Iribe inendet kotebe kalyet ne igesunotgei, inendet ne tiienengei kabwautuikyik: amu imang’un.

ISAIAH 28:16

mwaei anyun Kiptaiyat Jehovah kole, Ogeero, andoi Sion koita koek lumeiywot, koita ne kigetiem, koita ne bo kamanutiet ne o ne bo luita, lumeiywot ne kim; maigirgiri ne iyani.

ISAIAH 7:9

ak metitab Epraim ko Samaria, ak metitab Samaria ko weritab Remalia. Ngot ko moyan, ko magigimitok iman.

JEREMIA 38:20

Ago kile Jeremia, Maigoitoin. Kasain ale, kas kutitab Jehovah eng’ chuto amwaun: si kobiit komieit eng’ inye, ak kosob sobondang’ung’.

JEREMIA 6:1

Omwei osoruge, okwek lagokab Benjamin, omong’u eng’ Jerusalem, ak oguut iriaget eng’ Tekoa, ak onamji barak kitab kaborunet eng’ Bet-hakerem: amu itu yaitiet eng’ murot ne bo katam, ak ng’emisiet ne o.

DANIEL 6:23

Kibaibait anyun laitoriat mising’, ak kong’at kole kegonob Daniel eng’ keringet. Kigigonob anyun Daniel eng’ keringet, ama kinyor ole koam kiy eng’ bortanyi, amu kiimang’u Kamuktaindennyi.

LUKA 16:31

Ak kilenji, Ngot ko magas Musa ak maotik, koesioi koyan agot chito ne ng’eetei eng’ che kigobek.

JOHANA 11:40

Kolenji Jesu inendet, Kama amwaun, ale, ngiyani, igeere torornatetab Jehovah?

JOHANA 13:20

Amwawok, iman, iman, ale, Inendet ne taachei age tugul ne ayogu ko kataacha; ak inendet ne taacha ko kataach kinendet ne kiiyokwa.

JOHANA 14:1

Amogochi mugulelwekwok koiimgei: oyani Jehovah, oyana agane.

ROMANIK 8:31

Kimwae nee anyun eng’ tuguchuto? Ngo mi Jehovah komostanyo, ko ng’o ne kirindaech?

HEBRANIK 11:6

ak ngo mami kayanet ko ma imugaksei kibaibai inendet: amu inendet ne rikyin Jehovah konyoljin koyan kole mi inendet, ak kole igochin melekto icheget che cheng’ei inendet.