2 ATEPTAP PEETUUSYEK 17:3 - BUKUIT NE TILIL

³ Ak kimi Jehovah ak Jeosapat, amu kiwendote ortinwek che bo tai che bo kwandanyi Daudi, ama cheng’ Baalik;

Bukuit Ne Tilil

³ Ki mi Kamuktaindet ne Toroor ak Jehoshaphat amu kiwendote ortinwek che po tai che po kwandanyi Daudi. Ki ma cheeng' `ineendet Baalik,

BUKUIT NE TILIIL Sireet ne Dutero Kanon

³ Ki mi Kamuktaindet ne Toroor ak Jehoshaphat amu kiwendote ortinwek che po tai che po kwandanyi Daudi. Ki ma cheeng' `ineendet Baalik,

2 ATEPTAP PEETUUSYEK 17:3 ပူးပေါင်းရင်းမြစ်များ

TAUNET 39:21

Ago kimi Jehovah koboto Josep, ak kiriregei inendet, ak kiigochi konyor chamet eng’ bounindetab korgoret.

2 SAMUEL 5:10

Ak kieet Daudi kotesak; amu kimi Jehovah Kamuktaindetab lugosiek koboto inendet.

2 SAMUEL 8:15

Ak kilaitoran Daudi eng’ Israel tugul; ak kiiruokyi Daudi bikyik tugul eng’ lititindo ak iman.

1 LAITORINIK 11:6

Ak kiyai Solomon yaitiet eng’ taitab Jehovah, ama isub Jehovah konyi, ko u ye kiyai Daudi kwandanyi.

1 LAITORINIK 22:43

Ak kiwendote ortinwek tugul che bo Asa kwandanyi; ma masta eng’ ortinwechato, kiyai ne mie eng’ taitab Jehovah: agos kima kiisto komoswek che tororen; kita koenyei bik tiseiywek, ak kobeelei nyamdutik eng’ komoswechato tororen.

1 LAITORINIK 3:3

Ak kicham Solomon Jehovah, kowendote ng’atutikab Daudi kwandanyi; ago kienyei tiseiywek ak kobeelei nyamdutik eng’ komoswek che tororen.

2 LAITORINIK 14:3

Ak kiyai ne mie eng’ taitab Jehovah, ago ma igei Daudi kwandanyi: kiyai ko u tugul che kiga yai kwandanyi Joas.

2 LAITORINIK 16:2

Ki bo kenyisiek tiptem Ahas ye kitau kolaitorani; ak kilaitoran kenyisiek taman ak lo eng’ Jerusalem: kima yai ne mie eng’ taitab Jehovah Kamuktaindennyi, ko u ye kiyai Daudi kwandanyi.

2 LAITORINIK 18:3

Ak kiyai ne mie eng’ taitab Jehovah, ko u tugul che kiga yai Daudi kwandanyi.

2 LAITORINIK 22:2

Ak kiyai ne mie eng’ taitab Jehovah, ak kowendote ortinwek tugul che bo Daudi kwandanyi, ama masta kwo tai anan ko katam.

1 ATEPTAP PEETUUSYEK 22:18

Tos mami kobotok Jehovah Kamuktaindeng’wong’? Ak ma konok kamuung’et eng’ komoswek tugul? Amu kiinde eunnyu bik che menyei emoni; ak kigiterter emet eng’ taitab Jehovah, ak eng’ taitab bikyik.

2 ATEPTAP PEETUUSYEK 14:11

Ak kirirji Asa Jehovah Kamuktaindennyi, kole, Jehovah, mami age kobatenen ne imuchi kotoretis eng’ kwenutab ne kim ak ne matinyei kimnatet: toretech, ee Jehovah Kamuktaindennyo; amu kimang’un, ak kagibwa kebarge ak tuiyoni eng’ kaineng’ung’. Ee Jehovah, i Kamuktaindennyo; amat koterterin chi.

2 ATEPTAP PEETUUSYEK 15:2

ak kiwa kotorokta Asa, kolenji, Ogasa okwek, inye Asa ak Juda tugul ak Benjamin: mi Jehovah kobotok, ye otebye ak inendet; ak ngot ocheng’ inendet, onyoru; ago ngot omete inendet, kometok.

2 ATEPTAP PEETUUSYEK 17:2

Ak kiinde lugosiek nganasok tugul che ng’ototin che bo Juda, ak kiinde ribik emetab Juda, ak nganasokab Epraim, che kiga reb kwandanyi Asa.

2 ATEPTAP PEETUUSYEK 17:4

ago kicheng’ Kamuktaindetab kwandanyi, ak kowendote ng’atutikyik, ama isub tuguk che kiyai Israel.

2 ATEPTAP PEETUUSYEK 20:32

Ak kiwendote ortinwekab kwandanyi Asa, ma masta kometo, kiyai ne mie eng’ taitab Jehovah.

2 ATEPTAP PEETUUSYEK 21:12

Kinyonji inendet baruet ne kibunu maotiot Elija, kolenji, Kamwa ko u ni Jehovah, Kamuktaindetab Daudi kwandang’ung’, kole, Amu ma iwendote ortinwekab Jeosapat kwandang’ung’, anan ortinwekab Asa laitoriatab Juda;

2 ATEPTAP PEETUUSYEK 22:9

Ak kicheng’ Aasia, ak kinam inendet, (kiga ung’egei Samaria,) ak kigimutyi Jeu, ak kibar inendet, ak kitub, amu kile inendet ko weritab Jeosapat, ne kicheng’ Jehovah eng’ muguleldanyi tugul. Ak ma sich gotab Aasia kimnatet konam bounatet.

2 ATEPTAP PEETUUSYEK 27:6

Kigimit anyun Jotam, amu kichob ortinwekyik eng’ taitab Jehovah Kamuktaindennyi.

2 ATEPTAP PEETUUSYEK 29:2

Ak kiyai ne mie eng’ taitab Jehovah, ko u tugul che kiyai Daudi kwandanyi.

2 ATEPTAP PEETUUSYEK 34:2

Ak kiyai ne mie eng’ taitab Jehovah, ak kiwendote ortinwekab Daudi kwandanyi, ama masta kwo eutab tai anan ne bo katam.

TIENWOGIKAL 46:11

Mi Jehovah ne bo lugosiek kobotech; Ole kimwechini Kamuktaindetab Jakobo.

TIENWOGIKAL 46:7

Mi kobotech Jehovah ne bo lugosiek: Ole kimwechini Kamuktaindetab Jakobo.

KOMONG'U 3:12

Ak kile Jehovah, Amu ami koboten iman; ni kaborunet ne inae ile kayokten: ye kaimoong’u bik eng’ Misri, oboisiechi Kamuktaindet eng’ tulwoni.

KOMONG'U 4:12

Ui anyun, ami koboto kuting’ung’, ak anetin che kanyol imwa.

ISAIAH 41:10

ameiyweisie, amu ami koboten; amearogen, amu a Kamuktaindeng’ung’: agimitin; ee, atoretin; ee, anamin eng’ eunnyu ne bo tai ne bo imandanyu.

ISAIAH 8:10

Oruoch tugul, si koek buch; omwa ng’olyot, ama tononi: amu mi Kamuktaindet kobotech.

JEREMIA 2:23

Imuktoi ano anyun ile, Ma a muruon, ma asub Baalik? Keer oreng’ung’ eng’ atebwet, nai kit ne kaiyai: i moitab tambesiet ne chepcheb ne isubi ortinwekyik;

MATAYO 1:23

Ogeero, manachi bergeiyat, ak kosich werit, ak keguure kainennyi Imanuel; ye kiweech ko ni, Mi Jehovah kobotech.

MATAYO 18:20

Amu ole katuiyechi aeng’u anan somok eng’ kainennyu, ami kwenunywa eng’ oloto.

MATAYO 25:16

Kiwa anyun inendet ne kitaach talentaisiek mut kwo koboisie, ak kinyor talentaisiek alak mut.

MATAYO 28:20

onet ichek kosub tuguk tugul che kaang’atak: ak ogeero, ami kobotok eng’ betusiek tugul, agoi kagesunetab ng’ony.

2 TIMOTEO 4:22

Ingoteb Kiptaiyat koboto tamirmirieng’ung’. Ingoteb mieindo kobotok.

JOSHUA 1:5

Mabiitu chi ne imuchi kotonon eng’ taing’ung’ betusiek tugul kote isobe: ko u ye kiami koboto Musa, ko u noto ami koboten: mametoin, anan abagakten.

JOSHUA 1:9

Tos ma ane ne kiang’atin? Kimitu ak inyiganitu mising’; ameiywei, anan itoptoben: amu mi Jehovah Kamuktaindeng’ung’ koboten eng’ ui tugul ole iwendi.

KIRUOGIK 2:11

Ak kiyai lagokab Israel yaitiet eng’ taitab Jehovah, koot Baalik:

KIRUOGIK 2:18

Ak kingong’eetyi Jehovah kiruogik, ko kimi Jehovah koboto kiruogindet, ak kosor ichek eng’ eunekab bunikwak eng’ betusiek tugul che bo kiruogindonoto: kirire Jehovah amu tigenenywa amu ichek che kiinyalili ichek ak koiimi.

KIRUOGIK 6:12

Ak kimong’ji inendet malaikaiyatab Jehovah, ak kolenji, Mi Jehovah koboten, inye chito ne i kim ak ko i nyigan.

KIRUOGIK 8:33

Ak kingobata meetab Gideon, koweek kogeny lagokab Israel, koibotgei ak Baalik, ak koyai Baal-berit koek cheptalelinywa.

1 SAMUEL 18:12

Ak kiiywei Saul Daudi, amu kimi Jehovah koboto inendet, ak kiga kobagakta Saul.

1 SAMUEL 18:14

Ak kitebi Daudi eng’ ng’omnatet eng’ ortinwekyik tugul; ak kimi Jehovah koboto inendet.

1 SAMUEL 18:5

Kiwa Daudi oldo age tugul ole kiiyokto Saul, ak kitebi eng’ ng’omnatet: ak kiinde Saul inendet koboi murenikab luget, ak kimieit kioto eng’ taitab bik tugul, ak eng’ taitab otwogikab Saul agichek.