2 ATEPTAP PEETUUSYEK 16:6 - BUKUIT NE TILIL

⁶ Komut anyun laitoriat Asa Juda tugul; ak koba koib koik che bo Rama, koboto ketik, che kiga teekse Baasa; ak koteege Geba ak Mispa.

Bukuit Ne Tilil

⁶ Ki imut anyun laitoryat `Asa Judah tugul, ak koba koip koik che po Ramah, kobooto keetiik, che kiga teekse Baasha. Kiboisyee chooto koteege Geba ak Mispa.

BUKUIT NE TILIIL Sireet ne Dutero Kanon

⁶ Ki imut anyun laitoryat `Asa Judah tugul, ak koba koip koik che po Ramah, kobooto keetiik, che kiga teekse Baasha. Kiboisyee chooto koteege Geba ak Mispa.

2 ATEPTAP PEETUUSYEK 16:6 ပူးပေါင်းရင်းမြစ်များ

1 LAITORINIK 15:16

Ak kicham komi luget eng’ kwenutab Asa ak Baasa laitoriatab Israel eng’ betusiekwak tugul.

1 LAITORINIK 15:22

Komwaita anyun laitoriat Asa eng’ Juda tugul, ma kituuch chi: ak kiib koikab Rama, ak ketik che kimi yoto, che kiga koteekse Baasa; ak kiteege laitoriat Asa Geba ne bo Benjamin, ak Mispa.

1 ATEPTAP PEETUUSYEK 6:60

ak kiigochi eng’ che bo bororietab Benjamin: Geba ak emotinwekyik che kiyagisie, ak Alemet ak emotinwekyik che kiyagisie, ak Anatot ak emotinwekyik che kiyagisie. Kiek nganasokwak tugul eng’ ortinwekwak tugul nganasok taman ak somok.

2 ATEPTAP PEETUUSYEK 16:5

Ak kingogas Baasa, ko mata koteech Rama, kobagakta boisiennyi ne kiyaei.

2 ATEPTAP PEETUUSYEK 16:7

Ak kinyo eng’ betusiechoto Hanani keerindet ole mi Asa laitoriatab Juda, ak kolenji, Amu koitiiege laitoriatab Suria, ma itiiege Jehovah Kamuktaindeng’ung’, ko kachilil lugetab laitoriatab Suria eng’ eung’ung’ amu noto.

2 ATEPTAP PEETUUSYEK 21:17

ak kitogos kobokyi Juda, ak kobut koba orit, ak koib tuguk tugul che kinyor eng’ gotab laitoriat, ak koluul werikyik agichek, ak osotikyik; kot ko ma ng’etyi werit agot agenge, kobate Jeoahas, werit ne ming’in eng’ tugul.

ISAIAH 10:29

kagoba kosiir ole kibunei; kagoru Geba: botani Rama; kamwei Gibea ne bo Saul.

JEREMIA 40:6

Kiwa anyun Jeremia oldab Gedalia weritab Aikam eng’ Mispa, ak komeng’is koboto inendet eng’ kwenutab bik che kiga ng’et eng’ emet.

SEKARIA 14:10

Kiwalei emet tugul koigei Araba, koboch Geba agoi Rimon murot ne bo tai ne bo Jerusalem; ak kieeti, ak komeny oldanyi, koboch ormarichetab Benjamin, agoi komostab ormarichet ne bo tai, agoi ormarichetab luita, koboch teekset ne koi ne bo Hananel, agoi komoswekab laitoriat ole kitue sabibuk.

JOSHUA 15:38

ak Dilan, Mispe, ak Jokteel;

1 SAMUEL 10:17

Ak kiguur Samuel bik koyumgei eng’ taitab Jehovah eng’ Mispa;

1 SAMUEL 7:16

Ak kiwendi eng’ kenyit age tugul komuutoti Bet-el, ak Gilgal, ak Mispa; ak kiiruokyi Israel eng’ komoswechoto tugul.

1 SAMUEL 7:6

Ak kiiyumjigei tugul Mispa, ak kiram beek, ak kotumda eng’ taitab Jehovah, ak kiirugutgei betunoto, ak kimwa eng’ yoto kole, Kigeyachi Jehovah tengekto. Kiiruokyi Samuel lagokab Israel eng’ Mispa.