2 ATEPTAP PEETUUSYEK 15:2 - BUKUIT NE TILIL

² ak kiwa kotorokta Asa, kolenji, Ogasa okwek, inye Asa ak Juda tugul ak Benjamin: mi Jehovah kobotok, ye otebye ak inendet; ak ngot ocheng’ inendet, onyoru; ago ngot omete inendet, kometok.

Bukuit Ne Tilil

² ak ki wo kotorookta Asa, koleenji, “Ogasa okweek, inyee Asa ak Judah tugul ak Benjamin! Mi Kamuktaindet ne Toroor kobootok koteen otebye ak ineendet. Ye ocheeng' ineendet, onyooru, ago ngot omete ineendet, kometook.

BUKUIT NE TILIIL Sireet ne Dutero Kanon

² ak ki wo kotorookta Asa, koleenji, “Ogasa okweek, inyee Asa ak Judah tugul ak Benjamin! Mi Kamuktaindet ne Toroor kobootok koteen otebye ak ineendet. Ye ocheeng' ineendet, onyooru, ago ngot omete ineendet, kometook.

2 ATEPTAP PEETUUSYEK 15:2 ပူးပေါင်းရင်းမြစ်များ

1 LAITORINIK 11:25

Ak kiek inendet bunyotab Israel eng’ betusiek tugul che bo Solomon, ko ma kiitito yaitiet ne kiyai Hadad: ak kiwech Israel, ak kolaitoran eng’ Suria.

1 LAITORINIK 18:18

Ak kiwol kole, Ma anyalil Israel; inye ne kiinyalil, ak gotab kwandang’ung’, amu kiomete ng’atutikab Jehovah, ak kiisub Baal.

2 LAITORINIK 21:14

Ak atoortoi che kang’et che bo borotennyu, ak ande ichek eunekab bunikwak; ak koek luulenik che luulei bunikwak tugul;

1 ATEPTAP PEETUUSYEK 28:9

Nai anyun inye Solomon werinnyu, Kamuktaindetab kwandang’ung’, ak iboisiechi inendet eng’ muguleldo ne igesunotgei, ak eng’ kabwatutik che tinyei chamet: amu isiachi Jehovah mugulelwek tugul, ak koguitos kabwatutik tugul che bo metit: ngot icheng’ inendet, inyoru: ago ngot imete inendet, kowirtoin koigeny.

2 ATEPTAP PEETUUSYEK 11:12

Ak kiinde nganaset age tugul long’onik ak ng’otwek, ak kogimit mising’. Ak kibunji inendet Juda ak Benjamin.

2 ATEPTAP PEETUUSYEK 12:5

Konyo maotiot Semaia oldab Reoboam, ak bounikab Juda, che kiga koyumjigei Jerusalem, komwee Sisak, ak kolenji ichek, Kamwa Jehovah ko u ni, kole, Kiometa, eng’ noto ko kabagakyok anyun agane eutab Sisak.

2 ATEPTAP PEETUUSYEK 13:12

Ogeero, mi Kamuktaindet kobotech, kondoiywech, ak tisiikyik che tinyei iriagok che bo waagat si koguutwak ne bo waagat. Ee lagokab Israel, amat obarge ak Jehovah Kamuktaindetab kwanisiekwok: amu mobore.

2 ATEPTAP PEETUUSYEK 13:4

Ak kitonon Abija eng’ tulwetab Semaraim, ne mi emetab tulonok ne bo Epraim, ak kole, Ogasa, ee Jeroboam ak Israel tugul;

2 ATEPTAP PEETUUSYEK 15:15

Ak kiboiboitu Juda tugul amu kayosionoto: amu kigayosio eng’ mugulelwekwak tugul, ak kocheng’ inendet eng’ magenywa tugul; ak kinyor inendet: ak kiigochi Jehovah ichek kamuung’et eng’ tabanwekwak tugul.

2 ATEPTAP PEETUUSYEK 15:4

ago kingoweekyigei Jehovah, Kamuktaindetab Israel, eng’ nyalildanywa, ak kocheng’ inendet, konyor inendet.

2 ATEPTAP PEETUUSYEK 20:15

ak kile, Oeb it okwek tugul gab Juda, ak che omenye Jerusalem, koboten inye laitoriat Jeosapat: kamwawok Jehovah ko u ni, kole, Amoiywei, anan oarogense amu lugoni o; amu ma neng’wong’ luget, bo Kamuktaindet.

2 ATEPTAP PEETUUSYEK 20:17

Ma okwek che oyae lugoni: otetge, otononse, si ogeer yetunetab Jehovah ne mi kobotok, ee Juda ak Jerusalem: amoiyweisie, anan oarogense: oba obokyi mutai; amu mi Jehovah kobotok.

2 ATEPTAP PEETUUSYEK 20:20

Ak king’eetyo karon mising’, komusta ong’atetab Tekoa; ak ye kingota kobendi, kotonon Jeosapat ak kole, Ogasa, ee Juda, ak che omenye Jerusalem; oyan Jehovah Kamuktaindeng’wong’, si kobiit ogimegitu; oyan maotikyik, si obor.

2 ATEPTAP PEETUUSYEK 24:20

Kinyonji Tamirmirietab Jehovah Sekaria weritab Jeoiada tisiindet; ak kitonon eng’ ole toror, ak kolenji bik, Kale Kamuktaindet, Amu nee si obistoe ng’atutikab Jehovah, si mobor? Amu kiomete Jehovah, kagometok ak okwek.

2 ATEPTAP PEETUUSYEK 26:5

Ak kiigiil muguleldanyi kocheng’ Kamuktaindet eng’ betusiekab Sekaria, ne kitinyei kaguiyet agobo ng’ang’utietab Kamuktaindet: ak eng’ betusiek tugul che kicheng’ Jehovah, ko kiiberur Kamuktaindet inendet.

2 ATEPTAP PEETUUSYEK 32:8

Mi koboto inendet eut ne bo borto; ago mi kobotech Jehovah Kamuktaindennyo kotoretech, ak koyai lugosiekyok. Ak kitiiegei bik ng’alekab Hesekia laitoriatab Juda.

2 ATEPTAP PEETUUSYEK 33:11

Komutyi anyun Jehovah ichek kiptainikab luget ne bo laitoriatab Asuria che kiimut Manase ko ratat eng’ sirimwek ak mugurek, ak komut inendet kwo Babulon.

2 ATEPTAP PEETUUSYEK 33:12

Ak kingomi eng’ nyalilda kosa Jehovah Kamuktaindennyi, ak koming’ingei mising’ eng’ taitab Kamuktaindetab kwanisiekyik.

2 ATEPTAP PEETUUSYEK 34:3

Amu eng’ kenyitab sisiit ne bo laitornatennyi, ye kita ko ming’in, kotoi kocheng’ Kamuktaindetab Daudi kwandanyi: ak eng’ kenyitab taman ak aeng’ kotoi kotilil Juda ak Jerusalem koisto komoswek che tororen, ak Aserik, ak kanamonik che kigiwai ak kanamonik che kigitany.

EZRAH 8:22

Amu kialilan asom laitoriat kweanet ne bo askarik, ak bik che lanyei mbartanyisiek si kotoretech kegirinde bunik che mi oret: amu kiga kemwachi laitoriat, kelenji, Mi eutab Kamuktaindennyo koboto ichek tugul che cheng’ei inendet, koyachi ne mie; ago kirindoi kimnatennyi ak nereknatennyi bik tugul che metoi inendet.

TIENWOGIKAL 34:4

Kiacheng’ Jehovah ak kiwolwa, Ak kisorua eng’ kaiyweisiosiekyuk tugul.

TIENWOGIKAL 53:2

Kiing’urur Kamuktaindet eng’ kipsengwet werikab bik, Kole kogeer ngo mi ne ng’om, Ne cheng’ei Kamuktaindet.

ISAIAH 45:19

Tom ang’alal eng’ ung’ot, eng’ komostab emet ne bo mesundeito; ma alenji iyotetab Jakobo, Ocheng’a buch; amwae ane Jehovah imanda, amwae tuguk che litit.

ISAIAH 51:1

Oepcha it, okwek che osubi imanda, okwek che ocheng’e Jehovah: ogeer ruandet ne kigimoong’unenok eng’ waet, ak ogeer keringet ne kigibalunenok.

ISAIAH 7:13

Ak kimwa kole, Ogas anyun, ee gotab Daudi; tos kit ne ming’in eng’ okwek ogochi bik kong’etyo, kot ogochi Kamuktaindennyu kong’et agine?

JEREMIA 2:17

Tos kima icheng’jige nito, amu kiimete Jehovah Kamuktaindeng’ung’, ye kiimutin eng’ oret?

AMOS 5:14

Ocheng’ che miach, amocheng’ yaitiet, si osopche: si koteb kobotok Jehovah, Kamuktaindet ne bo lugosiek, ko u ye omwae.

SEKARIA 1:3

Mwachi anyun ichek ilenji, Mwaei Jehovah ne bo lugosiek ko u ni kole: Oweekyage, mwaei Jehovah ne bo lugosiek, si aweekyoge, mwaei Jehovah ne bo lugosiek.

KAITOSYEK 14:42

Amat otogoste, amu mami Jehovah kobotok; si mabarak eng’ taitab bunikwok.

KAITOSYEK 14:43

Amu mi taing’wong’ eng’ oloto Amalegik ak Kananik, ak kibarok eng’ rotwetab chok; amu kioweige let ama osub Jehovah, mami anyun Jehovah kobotok amu noto.

MATAYO 13:9

Inendet ne tinyei itik che kastoi, kogas.

NG'ATUTIK 20:1

Ye iwe obarge ak buniguk, ak iro mbartanyisiek, ak karisiek, ak bik che chang’ kosiirok, ko mat iywei: amu mi Jehovah Kamuktaindeng’ung’ koboten, ne kiimutun imong’u eng’ emetab Misri.

NG'ATUTIK 31:17

Kolal anyun nereknatennyu eng’ betunoto agobo ichek, yeityo abagakte, ak auny togennyu, ak kiwong’ ichek, ak kobwanji yaitwogik ak nyalilwogik che chang’; ak kole eng’ betunoto, Tos mabwanjech yaitwogtichu amu mami Kamuktaindennyo kobotech?

NG'ATUTIK 4:29

Ago ngocheng’ eng’ oloto Jehovah Kamuktaindeng’ung’, inyoru inendet ngicheng’ eng’ muguleldang’ung’ tugul ak eng’ sobondang’ung’ tugul.

HEBRANIK 10:38

Ago sobei nenyu ne bo imanda eng’ kayanet, Ak ngot kochuchuigei ko mabaibaitu muguleldanyu eng’ inendet.

HEBRANIK 12:25

Ogeer, amoesie inendet ne ng’alali. Amu ngot ko kima chililyo ichek ye kingoesio inendet ne kiga koteeita eng’ ng’ony, kesiire ne tia anyun achek ngot keistoege inendet ne iteu eng’ kipsengwet:

JAKOBO 4:8

Orikyi Jehovah, si korikyok. Oun eunekwok, okwek kiptengeginik; ak otilil mugulelwekwok, okwek che o bo kabwatutik aeng’.

JOSHUA 22:31

Ak kilenji Pineas weritab Eleasar tisiindet lagokab Reuben ak lagokab Gad, ak lagokab Manase, Kaginai rani kele mi Jehovah kwenunnyo, amu mata ochalwogenji Jehovah eng’ kiito: kaosoru anyun lagokab Israel eng’ eutab Jehovah.

JOSHUA 24:20

Ngot omete Jehovah ak oot kanamonik che too, koweeksei anyun ak koyaiywok ne ya, ak kogeswok, ago kiga koyaiywok ne mie.

NG'ANG'UTYET 2:11

Inendet ne tinyei itit, kogas kit ne mwachin Tamirmiriet kanisosiek. Inendet ne iterteri ko manyoru ng’wanindo eng’ meet ne bo aeng’.

NG'ANG'UTYET 2:17

Inendet ne tinyei itit, kogas kit ne mwachin Tamirmiriet kanisosiek. Inendet ne iterteri, agochini che bo mana che ung’otin, ak agochi koita ne leel, ak kigisirji koyata kainet ne leel, ne maingen chi kobate inendet ne taachei.

NG'ANG'UTYET 2:29

Inendet ne tinyei itit, kogas kit ne mwachin Tamirmiriet kanisosiek.

NG'ANG'UTYET 2:7

Inendet ne tinyei itit, kogas kit ne mwachin Tamirmiriet kanisosiek. Inendet ne iterteri, agochini koam che bo ketitab sobondo ne mi Paradis ne bo Jehovah.

NG'ANG'UTYET 3:13

Inendet ne tinyei itit, kogas kit ne mwachin Tamirmiriet kanisosiek.

NG'ANG'UTYET 3:22

Inendet ne tinyei itit, kogas kit ne mwachin Tamirmiriet kanisosiek.

NG'ANG'UTYET 3:6

Inendet ne tinyei itit, kogas kit ne mwachin Tamirmiriet kanisosiek.

KIRUOGIK 10:13

Ago kiometa, ak oot kanamonik: noto anyun, ma asoruok kogeny.

KIRUOGIK 9:7

Ak ye kingemwachi Jotam, kwo kotonone tulwet barak ne bo Gerisim, ak komwa eng’ kutit ne o, kowaach, kolenji, Ogasa, okwek bikab Sekem, si kobiit kogasak Kamuktaindet.

1 SAMUEL 12:14

Ngot oiywei Jehovah, ak oot inendet, ak ogas it kutinnyi, amobistoe ng’atutietab Jehovah, ak ngot oegu okwek ak laitoriat agine ne koboiywok, kasubikab Jehovah Kamuktaindeng’wong’, komieitu anyun:

1 SAMUEL 12:15

ago ngot ko mogas it kutitab Jehovah, ago ngot obistoe ng’atutietab Jehovah, konyalilok eutab Jehovah anyun, ko u ye kiinyalil kwanisiekwok.