2 ATEPTAP PEETUUSYEK 14:7 - BUKUIT NE TILIL

⁷ Amu kimwachi bikab Juda kolenji, Ongeteech nganasochu, ak kiyieme irimoik, ak teeksosiek che koen, ak ormarichok, ak temeleiywek; ta komi emet tainnyo, amu kigecheng’ Jehovah Kamuktaindennyo; kigecheng’ inendet, ak kigogonech kamuung’et eng’ komosta age tugul. Koteekso anyun ak kibor.

Bukuit Ne Tilil

⁷ Ki mwachi piigap Judah koleenji, “Ongeteech nganasochu, ak kiyieme irimoik ak teeksosyek che kooen, ormariichok ak temeleiywek; ta komi emet tainnyo amu kigecheeng' Kamuktaindet ne Toroor, Kamuktaindennyo; kigecheeng' ineendet ak ki kogoonech kamuung'et eng' komosta age tugul.” Ara kiteekso anyun ak koboor.

BUKUIT NE TILIIL Sireet ne Dutero Kanon

⁷ Ki mwachi piigap Judah koleenji, “Ongeteech nganasochu, ak kiyieme irimoik ak teeksosyek che kooen, ormariichok ak temeleiywek; ta komi emet tainnyo amu kigecheeng' Kamuktaindet ne Toroor, Kamuktaindennyo; kigecheeng' ineendet ak ki kogoonech kamuung'et eng' komosta age tugul.” Ara kiteekso anyun ak koboor.

2 ATEPTAP PEETUUSYEK 14:7 ပူးပေါင်းရင်းမြစ်များ

1 LAITORINIK 15:23

Ak boisionik tugul che ng’etunotin che bo Asa, ak kimnatennyi tugul, ak tuguk tugul che kiyai, ak nganasok che kiteech, kotos ma kisirji bukuitab ateptab betusiek ne bo laitorinikab Juda? Ak kinam miando kelyekyik eng’ betusiekab osindanyi.

1 ATEPTAP PEETUUSYEK 28:9

Nai anyun inye Solomon werinnyu, Kamuktaindetab kwandang’ung’, ak iboisiechi inendet eng’ muguleldo ne igesunotgei, ak eng’ kabwatutik che tinyei chamet: amu isiachi Jehovah mugulelwek tugul, ak koguitos kabwatutik tugul che bo metit: ngot icheng’ inendet, inyoru: ago ngot imete inendet, kowirtoin koigeny.

2 ATEPTAP PEETUUSYEK 14:4

ak king’at Juda kocheng’ Jehovah, Kamuktaindetab kwanisiekwak, ak koyai ng’atutik ak kayomisutik.

2 ATEPTAP PEETUUSYEK 14:6

Ak kiteech nganasok che ng’ototin eng’ Juda: amu kimi kalyet emet, ak kima kotinyei luget eng’ kenyisiechoto; amu kiga kogochi Jehovah inendet kamuung’et.

2 ATEPTAP PEETUUSYEK 15:15

Ak kiboiboitu Juda tugul amu kayosionoto: amu kigayosio eng’ mugulelwekwak tugul, ak kocheng’ inendet eng’ magenywa tugul; ak kinyor inendet: ak kiigochi Jehovah ichek kamuung’et eng’ tabanwekwak tugul.

2 ATEPTAP PEETUUSYEK 17:13

Ak kitinye boisionik che chang’ eng’ nganasokab Juda; koboto bikab luget, bik che kimen, che nyigonen, eng’ Jerusalem.

2 ATEPTAP PEETUUSYEK 17:17

ak che bo gab Benjamin ko ki Eliada ne kim ak ko nyigan, ak kitinyei bik elfusiek bogol aeng’ che kitinyei kwangok ak long’onik:

2 ATEPTAP PEETUUSYEK 20:30

Kiimuuny anyun bounatetab Jeosapat: amu kiigochi Kamuktaindennyi kamuung’et eng’ tabanwek tugul.

2 ATEPTAP PEETUUSYEK 25:5

Kogeny, ko kiiyum Amasia bikab Juda, ak kotet ichek kobee gorikab kwanisiekwak, kondochin kiptainikab elfusiek ak kiptainikab bogolwogik Juda tugul ak Benjamin: ak kiit ichek koboch che bo kenyisiek tiptem ak che siirei, ak kiek bik elfusiek bogol somok che kigilewen, che imuchi koba luget, che kiimuchi konam ng’otwek ak long’onik.

2 ATEPTAP PEETUUSYEK 26:13

Ak kimi eunekwak askarik che inetotin, elfusiek bogol somok ak tisab ak bogol mut, che kiyai luget eng’ kimnatet ne o, si kotoret laitoriat kobargei ak bunik.

2 ATEPTAP PEETUUSYEK 32:5

Ak kinyiganit, ak koteech irimet tugul ne kiga kobutok, ak kiteech koaechin ak teeksosiek che koen, koboto irimet age ne kitobonu sang’, ak kogimit Milo eng’ nganasetab Daudi, ak kiyai karik ak long’onik che chang’.

2 ATEPTAP PEETUUSYEK 8:5

Kiteech kogeny Bet-horon ne bo meto, ak Bet-horon ne rektoot, nganasok che ng’ototin, che kitinyei irimoik, ak ormarichok, ak temeleiywek;

JOHANA 9:4

Kanyol keyai boisiosiekab inendet ne kiiyokwa, ko ta ko bet: nyonei kemout, ye ma komuchi chi kobois.

POISYONIGAP CHE KIYOKTOI 9:31

Konyor anyun kamuung’et kaniset ne mi Judea komugul ak Galili ak Samaria, koteegak; ak ye kibendoti eng’ kaiyweisietab Kiptaiyat ak eng’ kagaigaet ne bo Tamirmiriet ne Tilil, kotesak.

JOSHUA 23:1

Ak kingobata betusiek che chang’, kingo kagogochi Jehovah Israel kamuung’et eng’ bunikwak tugul eng’ komoswek tugul, ak kiga koosit Josua, kiga kotar kenyisiek che chang’;

1 PETERO 3:12

Amu tokyingei konyekab Kiptaiyat che bo imanda, Ak kogasei itikyik somenywa: Ago kirindoi togetab Kiptaiyat che yaei yaitio.