2 ATEPTAP PEETUUSYEK 13:15 - BUKUIT NE TILIL

¹⁵ Kowaach anyun bikab Juda; ak ye kita kowaachei bikab Juda, kobar Kamuktaindet Jeroboam ak Israel tugul eng’ taitab Abija ak Juda.

Bukuit Ne Tilil

¹⁵ ak kowaach anyun piigap Judah. Ak ye kita kowaachei piigap Judah, kobar Kamuktaindet Jeroboam ak Israel tugul eng' taitap Abijah ak Judah.

BUKUIT NE TILIIL Sireet ne Dutero Kanon

¹⁵ ak kowaach anyun piigap Judah. Ak ye kita kowaachei piigap Judah, kobar Kamuktaindet Jeroboam ak Israel tugul eng' taitap Abijah ak Judah.

2 ATEPTAP PEETUUSYEK 13:15 ပူးပေါင်းရင်းမြစ်များ

2 LAITORINIK 5:1

Ak ki chito ne o Naaman, kiptaiyatab luget ne ki bo laitoriatab Suria, eng’ taitab kiptaiyandennyi, ak ki konyitot, amu kiga kogochi Jehovah Suria katerteret eng’ inendet: ki chito inendet kogeny ne kim ak ko nyigan, ago kitinyei mogondosik.

2 ATEPTAP PEETUUSYEK 14:11

Ak kirirji Asa Jehovah Kamuktaindennyi, kole, Jehovah, mami age kobatenen ne imuchi kotoretis eng’ kwenutab ne kim ak ne matinyei kimnatet: toretech, ee Jehovah Kamuktaindennyo; amu kimang’un, ak kagibwa kebarge ak tuiyoni eng’ kaineng’ung’. Ee Jehovah, i Kamuktaindennyo; amat koterterin chi.

2 ATEPTAP PEETUUSYEK 14:12

Kobar anyun Jehovah Etiopik eng’ taitab Asa, ak eng’ taitab Juda; ak kimwei Etiopik.

2 ATEPTAP PEETUUSYEK 18:31

Ak kingogeer kiptainichoto bo karisiek Jeosapat, komwa kole, Nito ko laitoriatab Israel. Koweekyigei anyun kole kobargei ak inendet: ago kiwaach Jeosapat, ak kitoret Jehovah inendet; ago kiigochi Kamuktaindet ichek kobagakta inendet.

2 ATEPTAP PEETUUSYEK 20:21

Ak kingo kagong’alal ak bik, kolewen che tienjin Jehovah, ak kolosu kororonindab tililindo, komandoi kondoe luget, kolen, Oweekyi Jehovah kongoi; amu bo koigeny rirenennyi.

2 ATEPTAP PEETUUSYEK 20:22

Ak kingotoi kotienso ak kolosu, konde Jehovah bik che ribistos si kobargei ak lagokab Amon, ak Moab, ak tulwetab Seir, che kigobwanji Juda; ak kigibar.

TIENWOGIKAL 47:1

Oraprab eunekwok, okwek bik tugul; Ooren eng’ Kamuktaindet eng’ cheetab katerteret.

TIENWOGIKAL 47:5

Kitogosta Kamuktaindet eng’ tulet, Kitogosta Jehovah ak cheetab iriaget.

ISAIAH 37:36

Ak kimanda malaikaiyatab Jehovah, ak kobar bik elfusiek bogol ak tamanwogik sisiit ak mut eng’ nganasetab Asuriek: ak kingong’eetyo bik karon, ogeero, ki muswek tugul, che kogobek.

KAITOSYEK 32:4

emonoto kibar Jehovah eng’ taitab tuiyetab Israel, ko emetab akwotisiek, ak tinyei otwogiguk akwotisiek.

JOSHUA 11:8

Ak kiinde Jehovah ichek eunekab Israel, ak kibar, koon agoi Sidon ne o, kot koit Misrepot-maim, agoi atebwetab Mispe ole tokyingei kong’asis; ak kibar ichek kot ko ma bagakta agot agenge.

JOSHUA 6:16

Ak eng’ ne bo tisab, ko kiguutei tisiik igondisiek, kolenji Josua bik, Owaach anyun: amu kagogonok Jehovah nganasani.

JOSHUA 6:20

Kowaach anyun bik, ak koguut tisiik igondisiek, ak kingogas bik cheetab igondit, kowaach bik eng’ waagat ne o, ak kolul irimet kobutyi ng’ony, kot kolany bik koba nganaset orit, kwo chi tugul tai kotoorjigei ye kageerei, ak kinam nganaset.

KIRUOGIK 4:15

Ak kiiseer Jehovah Sisera, koboto karisiekyik tugul, ak lugennyi tugul eng’ rotwetab chok eng’ taitab Barak; ak kichorgei Sisera eng’ karinnyi, ak komwei eng’ keldo.