2 ATEPTAP PEETUUSYEK 12:5 - BUKUIT NE TILIL

⁵ Konyo maotiot Semaia oldab Reoboam, ak bounikab Juda, che kiga koyumjigei Jerusalem, komwee Sisak, ak kolenji ichek, Kamwa Jehovah ko u ni, kole, Kiometa, eng’ noto ko kabagakyok anyun agane eutab Sisak.

Bukuit Ne Tilil

⁵ Ki nyo `maotyot Semaiah kap Reoboam, ak pounigap Judah, che kiga koyumjigei Jerusalem, komwee Sisak, ak koleenji icheek, “Kamwa Kamuktaindet ne Toroor ko uu ni, kole, ‘Ki ometa, eng' nooto ko kabagakyok anyun agane eutap Sisak.’ ”

BUKUIT NE TILIIL Sireet ne Dutero Kanon

⁵ Ki nyo `maotyot Semaiah kap Reoboam, ak pounigap Judah, che kiga koyumjigei Jerusalem, komwee Sisak, ak koleenji icheek, “Kamwa Kamuktaindet ne Toroor ko uu ni, kole, ‘Ki ometa, eng' nooto ko kabagakyok anyun agane eutap Sisak.’ ”

2 ATEPTAP PEETUUSYEK 12:5 ပူးပေါင်းရင်းမြစ်များ

2 SAMUEL 24:14

Ak kilenji Daudi Gad, Ami eng’ bichindo ne o: ngibutyi eutab Jehovah; amu chang’ rirenosiekyik: ameng’abutyi eutab chi.

1 LAITORINIK 12:22

Ago kinyonji ng’olyotab Kamuktaindet Semaia chitab Kamuktaindet, kolenji,

1 ATEPTAP PEETUUSYEK 28:9

Nai anyun inye Solomon werinnyu, Kamuktaindetab kwandang’ung’, ak iboisiechi inendet eng’ muguleldo ne igesunotgei, ak eng’ kabwatutik che tinyei chamet: amu isiachi Jehovah mugulelwek tugul, ak koguitos kabwatutik tugul che bo metit: ngot icheng’ inendet, inyoru: ago ngot imete inendet, kowirtoin koigeny.

2 ATEPTAP PEETUUSYEK 11:2

Ago kinyonji ng’olyotab Jehovah Semaia chitab Kamuktaindet, kolenji,

2 ATEPTAP PEETUUSYEK 12:15

Ak boisionikab Reoboam, che bo tai ak che bo let, tos ma kisir eng’ ng’alekab Semaia maotiot, ak che bo Ido keerindet, kobee tetutikab ibinwek che kigosiirto? Ak kimi lugosiek kwenutab Reoboam ak Jeroboam kotugul.

2 ATEPTAP PEETUUSYEK 15:2

ak kiwa kotorokta Asa, kolenji, Ogasa okwek, inye Asa ak Juda tugul ak Benjamin: mi Jehovah kobotok, ye otebye ak inendet; ak ngot ocheng’ inendet, onyoru; ago ngot omete inendet, kometok.

2 ATEPTAP PEETUUSYEK 24:20

Kinyonji Tamirmirietab Jehovah Sekaria weritab Jeoiada tisiindet; ak kitonon eng’ ole toror, ak kolenji bik, Kale Kamuktaindet, Amu nee si obistoe ng’atutikab Jehovah, si mobor? Amu kiomete Jehovah, kagometok ak okwek.

TIENWOGIKAL 37:33

Ago mametochin Jehovah inendet eutab kiptengekyot, Anan kogiikyi ye iruokyin.

JEREMIA 2:19

Itigonin yaitieng’ung’: ak kogerin kong’ mastaeng’ung’; nai anyun ile kit ne ya ak ko ng’wan, amu kiimete Jehovah Kamuktaindeng’ung’, ametinye kaiyweisiet ne iywea, mwaei Kiptaiyat, Jehovah ne bo lugosiek.

JEREMIA 23:33

Ak ye teebenen bichu, anan ko maotiot, anan ko tisiindet, kolenjin, Nee lautietab Jehovah? Imwachi anyun ilenji, Okwek lautiet! Atimdook, mwaei Jehovah.

JEREMIA 4:18

Kagoibun oreng’ung’ ak boisioniguk tuguchuto; nito ko yaitieng’ung’; amu ng’wan, amu itei muguleldang’ung’.

JEREMIA 5:19

Ak ye tun omwae ole, Amu nee si koyaiywech Jehovah Kamuktaindennyo tuguchuto tugul? Ilenji anyun, Ko u ye kiometa, ak oot kanamonik che ter eng’ emeng’wong’, oote ko u noto toek eng’ emet ne ma neng’wong’.