2 ATEPTAP PEETUUSYEK 12:14 - BUKUIT NE TILIL

¹⁴ Ak kiyai yaitiet, amu ma igiilgei eng’ muguleldanyi kocheng’ Jehovah.

Bukuit Ne Tilil

¹⁴ Ki yai yaityet, amu ma igiilgei kocheeng' Kamuktaindet ne Toroor eng' muguleldanyi.

BUKUIT NE TILIIL Sireet ne Dutero Kanon

¹⁴ Ki yai yaityet, amu ma igiilgei kocheeng' Kamuktaindet ne Toroor eng' muguleldanyi.

2 ATEPTAP PEETUUSYEK 12:14 ပူးပေါင်းရင်းမြစ်များ

1 LAITORINIK 14:22

Ak kiyai bikab Juda ne ya eng’ taitab Jehovah; kiigochi inendet ng’etkonda eng’ tengekwogikwak kosiir tugul che kiga koyai kwanisiekwak.

1 ATEPTAP PEETUUSYEK 29:18

Ee Jehovah, Kamuktaindetab Abraham, ak ko bo Isak, ak ko bo Israel, kwanisiekyok, rib ng’olyondonito koigeny eng’ kabwatutik che ibwati mugulelwekab biguk, ak ichopchige mugulelwekwak:

2 ATEPTAP PEETUUSYEK 11:16

Ak kibwa Jerusalem, bik alak eng’ ortinwek tugul che bo Israel, ichek che kiga igiilgei eng’ mugulelwekwak kocheng’ Jehovah Kamuktaindetab Israel, kosub bichoto, kobwa koeng’ji Jehovah Kamuktaindetab kwanisiekwak.

2 ATEPTAP PEETUUSYEK 19:3

Ago kigigeerjin tuguk che miachen, amu kiiste Aserot eng’ emet, ak kiigiil muguleldang’ung’ icheng’ Kamuktaindet.

2 ATEPTAP PEETUUSYEK 30:19

ne chobei muguleldanyi kocheng’ Kamuktaindet, Jehovah, Kamuktaindetab kwanisiekyik, agot ngo tomo kianyiny ko u kaanyinyetab ole tilil.

TIENWOGIKAL 57:7

Igiilotgei muguleldanyu, ee Kamuktaindet, igiilotgei muguleldanyu: Atieni, ee atieni kalosunoik.

TIENWOGIKAL 78:37

Amu kima ko lititen mugulelwekwak eng’ inendet, Ak kimaek che kiyani agobo kayomisennyi.

TIENWOGIKAL 78:8

Ak si matun igei kwanisiekwak, Ibinda ne uui met ak ko ngelelio; Ibinda ne kima chob mugulelwekwak, Ak che kima litititu tamirmirikwak eng’ Kamuktaindet.

ISAIAH 45:19

Tom ang’alal eng’ ung’ot, eng’ komostab emet ne bo mesundeito; ma alenji iyotetab Jakobo, Ocheng’a buch; amwae ane Jehovah imanda, amwae tuguk che litit.

EZEKIEL 33:31

Ak kobwanjin ko u ye bwanei bik, ak koteb ng’ony eng’ taing’ung’ ko u bikyuk, ak kogas ichek ng’aleguk, ago mayaei: amu ibortoi chamnyet ne o eng’ ng’alekwak, ago isubi mugulelwekwak kelunenywa.

MATAYO 7:7

Osom, si kegonok; ocheng’, si onyoru; ogongony, si keyatwok:

1 KORINTOEK 15:58

Noto anyun, che kitupche che achame, ogimegitu, among’ king’eak, oyae otese kotugul boisietab Kiptaiyat, amu ongen ole ma bo buch boisieng’wong’ ne uui eng’ Kiptaiyat.

1 KORINTOEK 16:13

Oripse, olumdege mising’ eng’ kayanet, otebi ko u murenik, ogimegitu.

NG'ATUTIK 5:29

Kata mie nda katinyei muguleldo ne u noto, si koiywea, ak korib kotugul ng’atutikyuk tugul, si komieit eng’ ichek, ak eng’ lagokwak agoi!

1 SAMUEL 7:3

Ak king’alalji Samuel got tugul ne bo Israel, kolenji, Ngot oweekyinige Jehovah eng’ mugulelwekwok tugul, oiste anyun kanamonik che too ak Astarot eng’ kwenung’wong’ ak otokyi mugulelwekwok Jehovah ak oot inendet inegei: si kosoruok eng’ eunekab Pilistik.