2 ATEPTAP PEETUUSYEK 12:1 - BUKUIT NE TILIL

¹ Ak kingo kagigimit bounatetab Reoboam, ak kogimit agine, kometo ng’atutikab Jehovah, inendet ak Israel tugul.

Bukuit Ne Tilil

¹ Kingo kagigimit pounatetap Rehoboam ak kogimit agine, kometo ng'atuutigap Kamuktaindet ne Toroor, ineendet ak Israel tugul.

BUKUIT NE TILIIL Sireet ne Dutero Kanon

¹ Kingo kagigimit pounatetap Rehoboam ak kogimit agine, kometo ng'atuutigap Kamuktaindet ne Toroor, ineendet ak Israel tugul.

2 ATEPTAP PEETUUSYEK 12:1 ပူးပေါင်းရင်းမြစ်များ

1 LAITORINIK 12:17

Ago kilaitorane Reoboam lagokab Israel che kimenyei nganasokab Juda.

1 LAITORINIK 14:21

Kilaitoran Reoboam weritab Solomon eng’ Juda. Ki bo Reoboam kenyisiek artam ak agenge ye kitau kolaitorani, ak kilaitoran kenyisiek taman ak tisab eng’ Jerusalem, nganaset ne kilewen Jehovah eng’ ortinwek tugul che bo Israel, si konde kainennyi yoto; ak kigiguure kametab Reoboam Naama che bo Amonik.

1 LAITORINIK 9:9

Ak kowol kole, Amu kimeto ichek Jehovah Kamuktaindenywa, ne kiimut kwanisiekwak komong’ eng’ emetab Misri, ak konamgei ak kanamonik, ak kogutung’ji, ak koot ichek: koipchi anyun Jehovah ichek yaitioni tugul.

2 LAITORINIK 17:19

Ma rib agine Juda ng’atutikab Jehovah Kamuktaindenywa, ago kibendate konetisiosiekab Israel che kiyai.

2 ATEPTAP PEETUUSYEK 11:17

Kiigimit anyun bounatetab Juda, ak kogimit Reoboam weritab Solomon eng’ kenyisiek somok: amu kibandate ortinwekab Daudi ak Solomon eng’ kenyisiek somok.

2 ATEPTAP PEETUUSYEK 11:23

Kiyai eng’ ng’omnatet, kopcheita werikyik tugul koyom emotinwek tugul che bo Juda ak Benjamin, koba nganaset age tugul ne ng’otat, ak kiigochi ichek amitwogik che chang’ kot. Ak kicheng’ji ichek osotik che chang’.

2 ATEPTAP PEETUUSYEK 11:3

Ng’alalji Reoboam weritab Solomon, laitoriatab Juda, koboto Israel tugul eng’ Juda ak Benjamin, ilenji,

2 ATEPTAP PEETUUSYEK 12:13

Kiigimitgei anyun laitoriat Reoboam eng’ Jerusalem, ak kolaitoran: amu ki bo kenyisiek artam ak agenge Reoboam ye kitau kolaitorani, ak kilaitoran kenyisiek taman ak tisab eng’ Jerusalem, nganasanato kiga kolewen Jehovah eng’ ortinwek tugul che bo Israel, konde kainennyi oloto: ak kigiguure kamet Naama Jebamonindet.

2 ATEPTAP PEETUUSYEK 24:18

Kometo anyun gotab Jehovah, Kamuktaindetab kwanisiekwak, ak koot Aserik ak kanamonik: ak kinyonji neregek Juda ak Jerusalem agobo ng’ogiswechuchuak.

ISAIAH 1:4

Bwa, bororiet ne yaei tengekto, bik che laei yaitiet, iyotetab yaikab yaitiet, lagok che yaei ng’emisiet: kigometo Jehovah, kigosas Inendet ne Tilil ne bo Israel, kigotoiyegei kochuchuigei.

JEREMIA 2:31

Ee ibini, ogeer ng’olyotab Jehovah. Tos kiaegu emetab mesundeito ne o? Amu nee anyun si komwa bikyuk kole, Kigitiachech; ma kebwane kogeny ole imi?

HOSEA 13:1

Ye kingong’alal Epraim, kobiit botanet; kiitororgei eng’ Israel: ago kime ye kiingelel eng’ Baal.

MIKAH 6:16

Amu kiorib ng’atutikab Omri, ak boisionik tugul che bo gotab Ahab, ak obendate kiruogutikwak: si kobiit ayain iegu banan, ak ayai bik che menyei oloto koek che kirenyei; ak oib chotisietab bikyuk.

NG'ATUTIK 32:15

Ago kiner Jesurun, ak kotiaris: Kainer, kainyigisitu, kaiakwaitu: Kibagakta anyun Kamuktaindet ne kiyai inendet, Ak kosas Ruandetab yetunennyi.

NG'ATUTIK 32:18

Mebwati Ruandet ne kisichin, Kiiutie Kamuktaindet ne kisichin.

KIRUOGIK 2:15

Komosta age tugul ole kiba, ko kimi eutab Jehovah baragunywa si koyachi ne ya, ko u ye kiga mwa Jehovah, ak ko u ye kiga koyosiechi Jehovah ichek: ak kinyalilso mising’.