1 SAMUEL 9:16 - BUKUIT NE TILIL

¹⁶ Ayogun mutai chito ne bunu emetab Benjamin koteni asis, si iil inendet koek bounindet eng’ bikyuk Israel, ak soru bikyuk eng’ eunekab Pilistik: amu kiageer bikyuk, amu kigoit oldanyu rirekwak.

Bukuit Ne Tilil

¹⁶ “Koteni asiis mutai, ayoogun chii ne punu emetap Benjamin, si iil koek pounindetap piikyuk Israel. Saru piikyuk eng' eunegap Philistiik amu ko ageer piikyuk ak ko kogoityo riirekwak.”

BUKUIT NE TILIIL Sireet ne Dutero Kanon

¹⁶ “Koteni asiis mutai, ayoogun chii ne punu emetap Benjamin, si iil koek pounindetap piikyuk Israel. Saru piikyuk eng' eunegap Philistiik amu ko ageer piikyuk ak ko kogoityo riirekwak.”

1 SAMUEL 9:16 ပူးပေါင်းရင်းမြစ်များ

2 SAMUEL 3:18

ara anyun oyai: amu kigomwa Jehovah agobo Daudi kole, Asoru bikyuk Israel eng’ otwogindennyu Daudi eng’ eunekab Pilistik, ak eng’ eunekab bunikwak tugul.

2 LAITORINIK 20:5

Weege kogeny, ak ilenji Hesekia bounindetab bikyuk, Kamwa Jehovah, Kamuktaindetab kwandang’ung’ Daudi, ko u ni kole, Kaagas saeng’ung’, kaageer beeguk bo kong’: keero, asoobin: itogostoi gotab Jehovah eng’ betutab somok.

TIENWOGIKAL 102:1

Kas saennyu, ee Jehovah, Ak ingobwanjin rirekyuk.

TIENWOGIKAL 106:44

Ago kigeer bichiindanywa, Ye kingogas rirekwak:

TIENWOGIKAL 25:18

Keer nyalildanyu ak arogenennyu; Ak nyoiywa kaat tengekwogikyuk tugul.

KALEWANAIK 16:9

Chobei muguleldab chi orennyi: Ago indochin Jehovah kakwautikyik.

JEREMIA 32:8

Kinyonja anyun Hanamel weritab imamennyu eng’ seremutab ribik ko u ng’olyotab Jehovah, ak kolenja, Asomin ale, al mbarennyu ne mi Anatot, ne mi emetab Benjamin: amu neng’ung’ imanitab borotet, ak neng’ung’ katiaget; aljige noto. Kianai anyun ale bo Jehovah ng’olyondonito.

1 SAMUEL 10:1

Kiinem anyun Samuel chuboitab mwaita, ak korong’ji metinnyi mwaita, ak kong’utut inendet, ak kolenji, Ma inye ne kagoiilin Jehovah iegu bounindet ne bo borotennyi?

1 SAMUEL 14:20

Ak kiiyumgei bik tugul che kimi ak Saul koboto inendet, ak kobwa luget: ak ogeero, kibar chi tugul chito ne kitokyigei, ak kieet mising’ barisiet.

1 SAMUEL 14:23

Kosor anyun Jehovah Israel eng’ betunoto: ak kilanda luget kwo Bet-aben.

1 SAMUEL 15:1

Ak kilenji Samuel Saul, Kiiyokwa Jehovah anyo aiilin iegu laitoriatab bikyik, ibou Israel: kas anyun ng’alekab Jehovah.

1 SAMUEL 16:1

Ak kimwachi Jehovah Samuel kolenji, Irirjini Saul agoi kotianit amu koaesie inendet si mata koek laitoriat eng’ Israel? Inde mwaita laleng’ung’ konyi, ak iwe, ayoktoin iwe oldab Jesii Betlehemindet: amu kaalewenjige laitoriat eng’ werikyik.

1 SAMUEL 16:3

Ak iguur Jesii konyo ole itisisie, si aborun kit ne iyae: ak iilwa chito ne amwaun.