1 SAMUEL 8:7 - BUKUIT NE TILIL

⁷ Ak kilenji Jehovah Samuel, Kas ng’alekab bik agobo tuguk tugul che kamwaun: amu ma inye ne kaesio, ago kaesio ane, kole maegu laitoriat eng’ ichek.

Bukuit Ne Tilil

⁷ ak koleenji `Kamuktaindet ne Toroor Samuel, “Kas ng'aleegap piik agobo tuguuk tugul che kamwaun, amu ma inyee ne kaeesyo ago kaeesyo anee kole ma egu laitoryat eng' icheek.

BUKUIT NE TILIIL Sireet ne Dutero Kanon

⁷ ak koleenji `Kamuktaindet ne Toroor Samuel, “Kas ng'aleegap piik agobo tuguuk tugul che kamwaun, amu ma inyee ne kaeesyo ago kaeesyo anee kole ma egu laitoryat eng' icheek.

1 SAMUEL 8:7 ပူးပေါင်းရင်းမြစ်များ

KOMONG'U 16:8

Ak kile Musa, Egu ko u ni, konok Jehovah banyek oam koskoleny, ak konok karon amitwogik oam obiye; amu kasei Jehovah kang’unyng’unyeng’wong’ ne ong’unyng’ung’jini inendet: achek ko ki ng’o? Ma achek che ong’unyng’ung’jini, ago ong’unyng’ung’jini Jehovah.

ISAIAH 66:4

alewenjini anyun kaberberisiosiekwak, ak aipchi ichek kaiyweisiosiekwak; amu kingaguurse, ko ma wol chi; ye kingang’alal, ko ma kas ichek: ago kiyai tuguk che yaach eng’ tainnyu, ak kolewen tuguk che ma abaibaitune.

JEREMIA 34:14

Ye ibata kenyisiek tisabu, kotiach chi age tugul eng’ okwek tupchennyi ne Yahudiot, ne kigeal, ago kigootin eng’ kenyisiek lo, itiachi inendet kwo: ago kima kasa kwanisiekwok, anan koepcha it.

EZEKIEL 2:3

Ak kimwawa kolenja, Ee, weritab chi, kayokten iwe oldab lagokab Israel, oldab bororiosiek che ngelelik, che kigongelelja; kigongelelja ichek koboto kwanisiekwak, agoi betuni.

EZEKIEL 3:7

Ago magasin gotab Israel; amu mamachei ichek kogasa: amu uuen togochikab got komugul ne bo Israel, ak ko uuen mugulelwekwak.

KAITOSYEK 22:20

Ak kinyonji Kamuktaindet Balaam kemoi, konyo kolenji, Ngo kabwa bichu koguurin, ing’eet, obe tugul; ago iyae kityo ng’olyot ne amwaun.

MATAYO 10:40

Inendet ne taachok ko kataacha, ak inendet ne taacha ko kataach ne kiiyokwa.

LUKA 10:16

Inendet ne kasok kogasa agane; ak inendet ne esiok koesioa agane; ak inendet ne esioa koesioi inendet ne kiiyokwa.

LUKA 19:14

Ago kiwech inendet bikab emennyi, koyokto ng’olyot kosube inendet, kole, Magimache chichi koboiywech.

LUKA 19:27

Ago omutu anyun bunichuchuk kobwa yu, che machamei aboi, si obar eng’ tainnyu.

JOHANA 13:16

Amwawok, iman, iman, ale, Ma o otwogindet kosiir kiptaiyandannyi; ama o inendet ne kigiyok kosiir inendet ne kiiyogu.

KIRUOGIK 8:23

Ak kilenji Gideon ichek, Maboiywok, ama boiywok werinnyu: boiywok Jehovah.

1 SAMUEL 10:19

ago kaoesie ra Kamuktaindeng’wong’, ne inendet ne soruok eng’ bichiinwekwok ak nyalilwogikwok tugul; ak kaolenji inendet, Achicha, ago inde laitoriat koboiywech. Obwa anyun taitab Jehovah obwanune bororiosiekwok ak elfusiekwok.

1 SAMUEL 12:1

Ak kilenji Samuel Israel tugul, Ogeero, kiagas ng’alekwok eng’ tuguk tugul che kiomwawa, ak kiacheng’wok laitoriat ne boiywok.

1 SAMUEL 12:12

Ak kingogeer Nahas laitoriab lagokab Amon, konyo obarge, olenja, Achicha, boiywech laitoriat: ago ki laitoriandeng’wong’ Jehovah Kamuktaindeng’wong’.

1 SAMUEL 8:22

Ak kilenji Jehovah Samuel, Kasyi ng’alekwak, ak icheng’ji ichek laitoriat. Ak kilenji Samuel bikab Israel, Ingowo chi tugul nganasennyi.

1 SAMUEL 8:8

Ko u boisionik tugul che kigoyai koboch betut ne kiamutu kotogos eng’ Misri kot koit ra, kobagaktoa, ak kootot kanamonik che ter, koyaun aginye ko u noto.