1 SAMUEL 8:3 - BUKUIT NE TILIL

³ Ak ma bendate werikyik ortinwekyik, ago kimasta kosub magornotet eng’ oret ne ya, ak kitaach tuguk che kigoigoisie, ak komaas kiruoget.

Bukuit Ne Tilil

³ Ma pendate weeriikyik ortinwekyik, ago kimasta kosup mogornateet eng' ooreet ne ya. Kitaach asoya ak komaas kirwooget.

BUKUIT NE TILIIL Sireet ne Dutero Kanon

³ Ma pendate weeriikyik ortinwekyik, ago kimasta kosup mogornateet eng' ooreet ne ya. Kitaach asoya ak komaas kirwooget.

1 SAMUEL 8:3 ပူးပေါင်းရင်းမြစ်များ

2 SAMUEL 15:4

Kile kogeny Absalom, Eiye, nda kiga kiyaa aek kiruogindet eng’ emet, ko ngo nyo ole ami chi age tugul ne tinyei ng’olyo anan kiruoget, ayachini imanda!

TIENWOGIKAL 15:5

Mabesendoi fedaisiekyik si kosige che siirtoot, Ama taachei tugukab kagoigoisiet agobo ne matinyei tengek. Inendet ne yaei tuguchuto ko magiistoi koigeny.

TIENWOGIKAL 26:10

Mi eunekwak kolgoliet, Ak nyiitotin eunekwak che bo tai tuguk che kigoigoisie.

KOMONG'U 18:21

Nyolu kogeny ilewenote, eng’ bik tugul, bik che kimen, che iywei Kamuktaindet, bikab imanit, che wechei tugukab ng’wen, ak inde ichek koboi bik, koek bounikab elfusiek, ak che bo bogolwogik, ak che bo konomusiek, ak che bo tamanusiek:

KOMONG'U 23:6

Amat imaas kiruogetab kibananiandeng’ung’ eng’ ng’alekyik.

KOMONG'U 23:8

Ametaach tuguk che bo kagaigaet: amu tuchei konunoik, icheget che ng’omen, ak kogunuri ng’alekab che bo imanda.

AMDOINDET 2:19

Ak ng’o ne ingen ngo tun egu chito ne ng’om anan ko ne berber? Nganda u noto, ko tun bou boisiennyu tugul ne koabirtochige, ak ne abartae ng’omnatet eng’ kureretab asista. Buch nito agine.

ISAIAH 1:23

Ngelelik bouniguk, ak ko choronokab chorik; chamei age tugul tugukab kagaigaet, ak kosuboti tuguk che kigeerjin: maibesiechin ne matinyei kwanda, ama kiipchin ichek ng’alekab mosoget.

ISAIAH 33:15

Inendet ne wendote imanda, ak kong’alali che lititen; inendet ne sasei kelunetab sastaet, ne manamei tugukab kagaigaet, ne timei itikyik si magas agobo korotik, ak ne tuchei konyekyik si mageer yaitiet;

MIKAH 3:11

Iruochi kandoik amu tuguk che kigoigoisie ak inetisiei tisiik amu melekto, ak kong’orsei maotikyik amu siling’isiek: nganda u noto kotiiegei Jehovah ak kolen, Tos mami Jehovah kwenunnyo? Mami yaitiet ne nyonjinech.

NG'ATUTIK 16:19

Amemaas kiruoget: ametiytii bik: anan itaach che bo kagaigaet; amu kerei konyekab che ng’omen tuguk che bo kagaigaet, ak kogunuri ng’alekab che bo imanda.

1 TIMOTEO 3:3

ne ma kimaiya, ne ma birisiei; ago ne tala, ne ma chi ne bo boriot, ne machamei siling’isiek;

1 TIMOTEO 6:10

Amu chametab siling’isiek ko tigitiot agenge ne bo yaitwogik alak tugul: che kigong’asyigei alage kot kometo kayanet ak kigotorgei eng’ arogenosiek che chang’.

1 SAMUEL 12:2

Ak ogeero, wendoti laitoriat eng’ taing’wong’: ak koaositu, ak koabunji kalwalek; ak ogeero, mi werikyuk kobotok: ak kiawendote eng’ taing’wong’ koboch ming’inatennyu agoi betuni.

1 SAMUEL 2:35

Ak ang’eetyige tisiindet ne kiyani, ne tun yaei kit ne mi muguleldanyu ak eng’ kabwatutikyuk: ak ateekyi inendet got ne kim; ak kowendote taitab nenyu ne iilat koigeny.