1 SAMUEL 7:3 - BUKUIT NE TILIL

³ Ak king’alalji Samuel got tugul ne bo Israel, kolenji, Ngot oweekyinige Jehovah eng’ mugulelwekwok tugul, oiste anyun kanamonik che too ak Astarot eng’ kwenung’wong’ ak otokyi mugulelwekwok Jehovah ak oot inendet inegei: si kosoruok eng’ eunekab Pilistik.

Bukuit Ne Tilil

³ Ki leenji `Samuel koot tugul ne po Israel, “Ngot oweekyinigei Kamuktaindet ne Toroor eng' mugulelwekwok tugul, ko nyolu oiste kamuktaik che pororyosyek alak ak Astarot eng' kwenung'wong' ak otokyi mugulelwekwok Kamuktaindet ne Toroor ak oot ineendet ineegei, si kosarwok eng' eunegap Philistiik.”

BUKUIT NE TILIIL Sireet ne Dutero Kanon

³ Ki leenji `Samuel koot tugul ne po Israel, “Ngot oweekyinigei Kamuktaindet ne Toroor eng' mugulelwekwok tugul, ko nyolu oiste kamuktaik che pororyosyek alak ak Astarot eng' kwenung'wong' ak otokyi mugulelwekwok Kamuktaindet ne Toroor ak oot ineendet ineegei, si kosarwok eng' eunegap Philistiik.”

1 SAMUEL 7:3 ပူးပေါင်းရင်းမြစ်များ

TAUNET 35:2

Kimwachi Jakobo anyun bikab gonnyi, ak tugul che kimi koboto inendet, kolenji, Olakte kanaamonik che mi kwenung’wong’ che bo bororiosiek alak, ak oanyingei, ak owal ngoroikwok:

1 LAITORINIK 11:33

amu kigobagakta, ak kogutung’ji Astoret kanamwet ne kwondo ne bo Sidonik, ak Kemos kanamwetab Moab, ak Milkom kanamwetab lagokab Amon; ama bendote ortinwekyuk, koyai ne mie eng’ tainnyu, ak korib ng’atutikyuk ak kiruogutikyuk, ko u ye kiyai Daudi kwandanyi.

1 LAITORINIK 8:48

ngot koweekiyigei eng’ mugulelwekwak tugul ak eng’ sobonwekwak tugul, eng’ emetab bunikwak che kiluul ichek, ak kosain kotokyigei emenywa, ne kiigochi kwanisiekwak, nganaset ne kiilewen, ak got ne kiateekyi kaineng’ung’;

2 LAITORINIK 17:39

ago oiywei Jehovah Kamuktaindeng’wong’; si kosoruok inendet eng’ eunekab bunikwok tugul.

2 LAITORINIK 23:15

Ak kibut kapkorosut ne kimi Bet-el, ak komosta ne toror ne kiga koyai Jeroboam weritab Nebat, ne kiigochi Israel koyai tengekto, kibut kapkorosunoto ak komosta ne toror; ak kibeel komosta ne toror, ak kotuatui koek busbusik, ak kobeel Asera.

1 ATEPTAP PEETUUSYEK 22:19

Ara anyun, ochob mugulelwekwok ak sobonwekwok, ocheng’ Jehovah Kamuktaindeng’wong’, ong’eetye anyun, oteech ole tilil ne bo Jehovah Kamuktaindeng’wong’, si oibu moingetab arorutietab Jehovah ak tuguk che tililen che bo Kamuktaindet, kobwa got ne kiteekyin kainetab Jehovah.

1 ATEPTAP PEETUUSYEK 28:9

Nai anyun inye Solomon werinnyu, Kamuktaindetab kwandang’ung’, ak iboisiechi inendet eng’ muguleldo ne igesunotgei, ak eng’ kabwatutik che tinyei chamet: amu isiachi Jehovah mugulelwek tugul, ak koguitos kabwatutik tugul che bo metit: ngot icheng’ inendet, inyoru: ago ngot imete inendet, kowirtoin koigeny.

2 ATEPTAP PEETUUSYEK 19:3

Ago kigigeerjin tuguk che miachen, amu kiiste Aserot eng’ emet, ak kiigiil muguleldang’ung’ icheng’ Kamuktaindet.

2 ATEPTAP PEETUUSYEK 20:33

Ago ma kiisto komoswek che tororen; ago kitomo kogiil bik mugulelwekwak kotokyi Kamuktaindetab kwanisiekwak.

2 ATEPTAP PEETUUSYEK 30:19

ne chobei muguleldanyi kocheng’ Kamuktaindet, Jehovah, Kamuktaindetab kwanisiekyik, agot ngo tomo kianyiny ko u kaanyinyetab ole tilil.

KALEWANAIK 16:1

Boisietab chi kochob muguleldanyi: Ago bunu Jehovah wolunetab ng’elyepta.

ISAIAH 55:7

ingometo kiptengekyot orennyi, ak ingometo inendet ne ma bo iman, kabwatutikyik: ak ingoweekyigei Jehovah, si korire; ak ingoweekyigei Kamuktaindennyo, amu nyochin kaat iman.

JEREMIA 24:7

Ak agochi ichek muguleldo ne naena, kole, a Jehovah: ak koek bikyuk, ak aegu Kamuktaindenywa: amu weekyinagei eng’ mugulelwekwak tugul.

JEREMIA 36:3

Abere tamangab kogas gotab Juda yaitiet tugul ne kaatil ale ayachini ichek; si koweek chi tugul eng’ ichek kometo orennyi ne ya, si anyochi kaat amu yaitienywa ak tengektanywa.

JEREMIA 4:1

Ngot iweege, ee Israel, mwaei Jehovah, iweekyinage: ak ngot iiste tuguguk che kiwechei eng’ tainnyu, ko ma keistoin anyun;

EZEKIEL 14:6

Mwachi anyun gotab Israel ilenji, Mwaei Kiptaiyat Jehovah ko u ni kole: Oweege, ak owalage omete kanamonikwok; ak otuktochi batai tugukwok tugul che kiwechei.

EZEKIEL 18:31

Omete bistaosiekwok tugul che kigogonok obistoe; ak ochopchige muguleldo ne leel ak tamirmiriet ne leel: amu nee si obegu, ee gotab Israel?

HOSEA 14:1

Ee Israel, weekyige Jehovah Kamuktaindeng’ung’; amu kiibut eng’ tengektang’ung’.

MATAYO 15:8

Teecha bichu eng’ kutuswekwak: Ago looen mugulelwekwak eng’ ane.

MATAYO 4:10

Kilenji Jesu anyun, Ui eng’ oli, Setani: amu sirat kole, Ilosu Kiptaiyat Jehovah neng’ung’, ak iboisiechi inendet inegei.

MATAYO 6:24

Mami chi ne imuchi koot kiptainik aeng’; amu wechei age, ak kocham age: anan konamgei ak age, ak kosas age. Momuchi oot Jehovah ak magornatosiek.

LUKA 4:8

Ak kiwolji Jesu kolenji, Kigisir kele, Ilosu Kiptaiyat Jehovah neng’ung’, ak iboisiechi inendet inegei.

JOHANA 4:24

Jehovah ko Tamirmiriet: ak kanyol kosa inendet eng’ tamirmiriet ak iman che saei inendet.

NG'ATUTIK 10:20

Iywei anyun Jehovah Kamuktaindeng’ung’; boisiechi inendet; onamgei ak inendet, ak iyosie eng’ kainennyi.

NG'ATUTIK 13:4

Obendate osub Jehovah Kamuktaindeng’wong’, oiywei inendet, ak orib ng’atutikyik, ak ogas it kutinnyi, oboisiechi ak onamge ak inendet.

NG'ATUTIK 4:29

Ago ngocheng’ eng’ oloto Jehovah Kamuktaindeng’ung’, inyoru inendet ngicheng’ eng’ muguleldang’ung’ tugul ak eng’ sobondang’ung’ tugul.

NG'ATUTIK 6:13

Iywei Jehovah Kamuktaindeng’ung’; ak iot, ak iyosie eng’ kainennyi.

JOSHUA 13:31

ak kebebertab Gilead, ak Astarot, ak Edrei, nganasok che eechen che bo bororietab Og eng’ Basan, kibunji chuto lagokab Makir weritab Manase, kebebertab lagokab Makir ko u ortinwekwak.

JOSHUA 24:14

Oiywei anyun Jehovah, ak oboisiechi inendet eng’ muguleldo ne matinyei kenisiet ak eng’ imanit: ak oiste kanamonik che kiotei kwanisiekwok eng’ Ainet bitonin, ak eng’ Misri; ak oboisiechi Jehovah.

JOSHUA 24:23

Ara anyun, oiste kanamonik che too che mi kwenung’wong’, ak otokyi mugulelwekwok Jehovah Kamuktaindetab israel.

KIRUOGIK 10:16

Ak kiisto kanamonik che too eng’ kwenunywa, ak koot Jehovah: ak kiarogen sobondanyi amu nyalildab Israel.

KIRUOGIK 10:6

Ak kiyai lagokab Israel yaitiet kogeny eng’ taitab Jehovah, ak kiot Baalik, ak Astarot, ak kanamonikab Suria, ak kanamonikab Sidon, ak kanamonikab Moab, ak kanamonikab lagokab Amon, ak kanamonikab Pilistik; ak kimeto Jehovah, mata koot inendet.

KIRUOGIK 2:11

Ak kiyai lagokab Israel yaitiet eng’ taitab Jehovah, koot Baalik:

KIRUOGIK 2:13

Ak kimeto Jehovah, ak koot Baal ak Astarot.

1 SAMUEL 31:10

Ak kiinde karikyik gotab Astarot: ak koratyi mustanyi inatutab Bet-san.