1 SAMUEL 6:14 - BUKUIT NE TILIL

¹⁴ Ak kiit karinato mbaretab Josua Bet-semindet, kitonon eng’ yoto, ole kimi koita ne o: ak kibet ketikab karinato, ak kogoito tuchato koek kagochinet ne kibeeljin Jehovah.

Bukuit Ne Tilil

¹⁴ Ki it chepkichutinooto mbareetap Joshua ne po Beth-shemesh, ak ki tonon eng' yooto, eng' ole ki mi koita ne oo. Ki pet keetiigap chepkichutinooto ak kogoito tuuga chooto koek kagoochinet ne kibeeljin Kamuktaindet ne Toroor.

BUKUIT NE TILIIL Sireet ne Dutero Kanon

¹⁴ Ki it chepkichutinooto mbareetap Joshua ne po Beth-shemesh, ak ki tonon eng' yooto, eng' ole ki mi koita ne oo. Ki pet keetiigap chepkichutinooto ak kogoito tuuga chooto koek kagoochinet ne kibeeljin Kamuktaindet ne Toroor.

1 SAMUEL 6:14 ပူးပေါင်းရင်းမြစ်များ

2 SAMUEL 24:18

Ak kinyo Gad betunoto ole mi Daudi kolenji inendet, Togoste, iteekyi Jehovah kaptisisiet eng’ ruanyut ne kiborse ne bo Arauna Jebusindet.

2 SAMUEL 24:22

Ak kilenji Arauna Daudi, Ingoib kiptaiyandennyu laitoriat ak kogoito kit ne keerei kole mie eng’ inendet: keero tuga che bo kagochinet ne kibeelei, ak tuguk che kiborse, ak chogisiekab tuga che egu kwenik:

2 SAMUEL 24:25

Ak kiteekyi Daudi Jehovah kaptisisiet eng’ yoto, ak kogoito kagochinoik che kibeelei ak kagochinoikab kalyet. Kigasyi anyun Jehovah ichek rirek agobo emet, ak kigirany koroitab ng’ony kosis eng’ Israel.

1 LAITORINIK 19:21

Ak kiweek, mata kosub inendet, ak konam eik aeng’ che bo chogit, ak koyoe banyekwak tuguk che kiboisie eik, ak kogochi bik, ak kiam. Kingobata kong’eet, ak kwo kosub Elija, koboisiechi inendet.

KOMONG'U 20:24

Teekwa kaptisiet ne bo ng’ung’unyek, ak ieng’wa eng’ kaptisisionoto kagochinoiguk che kibeelei, ak kagochinoiguk che bo kalyet, kechireguk, ak tuga cheguk: anyonjinin ak aberurin eng’ komosta age tugul ole andoi kainennyu kibwate.

KIRUOGIK 21:4

Ak ki eng’ mutai kong’eetyo bik kota ko karon, ak koteech kaptisisiet eng’ yoto, ak kogoito kagochinoik che kibeelei ak kagochinoikab kalyet.

KIRUOGIK 6:26

ak iteekyi Jehovah Kamuktaindeng’ung’ kaptisisiet eng’ baragutab irimonito, kotetak komie, ak ikweri kirgit ne bo aeng’ ak igoite kagochinet ne kibeelei koboto kwenikab Asera che iebe.

1 SAMUEL 11:5

Ak ogeero, kinyo Saul kosubu eik eng’ mbar; ak kile Saul, Kaam nee bik si koririo? Ak kimwachi inendet ng’alekab bikab Jabes.

1 SAMUEL 20:29

ak kole, Asomin ale, Chamwa awa; amu enyei bikab orennyo tiseiywot eng’ nganaset; ak kong’ata werit ne ketupche awa: ak nguno anyun, ko ngot ko kaanyoru chamet eng’ taing’ung’, asomin ale chamwa awa, ak awe ageer che kitupche. Koma nyo anyun mesetab laitoriat amu noto.

1 SAMUEL 6:13

Ak kigesei nganokwak bikab Bet-semes eng’ atebwet: ak kitobendo, kogeer moinget, ak koboiboitu ko kageer.

1 SAMUEL 6:18

koboto murek che kigiyae tahabu, ko u koitetab nganasok tugul che bo Pilistik che ki bo kiptainik mut, che ki bo nganasok che ng’ototin ak ko bo nganasok che mengechen eng’ emet: agoi koyato o, ne kiginde moingetab Jehovah kotonone, mi koyato agoi rani koretab Josua Bet-semindet.