1 SAMUEL 5:1 - BUKUIT NE TILIL

¹ Kiga koib anyun Pilistik moingetab Kamuktaindet, ak koib eng’ Eben-eser konyo Asdod.

Bukuit Ne Tilil

¹ Kingo luul Philistiik moingetap Kamuktaindet, koip eng' Eben-haezer kwo Ashdod.

BUKUIT NE TILIIL Sireet ne Dutero Kanon

¹ Kingo luul Philistiik moingetap Kamuktaindet, koip eng' Eben-haezer kwo Ashdod.

1 SAMUEL 5:1 ပူးပေါင်းရင်းမြစ်များ

TIENWOGIKAL 78:61

Ak kiigoito kimnatennyi keluul, Ak kiinde kororonindanyi eutab bunyot.

ISAIAH 20:1

Eng’ kenyit ne kiwa Tartan Asdod, ye kiiyokto Sorgon laitoriatab Asuria, ak kobargei ak Asdod, ak koluul;

AMOS 3:9

Omwaite eng’ gorikab laitoriat eng’ Asdod, ak eng’ gorikab laitoriat che mi emetab Misri, ole, Oyumjige tulonokab Samaria, ak ogeer ole te wasetab ge ne o ne mi oloto, ak ole te sastaosiek che mi kwenunnyi.

POISYONIGAP CHE KIYOKTOI 8:40

Ak kitook Pilipu eng’ Asoto: ak kosiirto, koamjinoti logoiywek che miach nganasok tugul, agoi koit Kaisaria.

JOSHUA 11:22

Ma ng’et agot agenge eng’ Anagichato eng’ emetab lagokab Israel: kobate eng’ Gasa kityo, ak eng’ Gat, ak eng’ Asdod, che king’etune bichoto.

JOSHUA 13:3

koboch Sihor, ne mi taitab Misri, kot koit kiwotetab Ekron ne tokyingei murot ne bo katam, che kiityin Kananik: kiptainik mut che bo Pilistik; Gasaik, Asdodik, Askelonik, Gitik, Ekronik; ak Abik agichek,

1 SAMUEL 4:1

Kinyonji Israel tugul ng’olyotab Samuel. Kimanda Israel koba kobargei ak Pilistik, ak kiteech ole negite Eben-eser: ak kiteech Pilistik Apek.

1 SAMUEL 4:11

Ak kigiib moingetab Kamuktaindet; ak kigibar werichoto aeng’ bo Eli, Hopni ak Pineas.

1 SAMUEL 4:22

Ak kile, Kagoistogei torornatet eng’ Israel; amu kageib moingetab Kamuktaindet.

1 SAMUEL 6:1

Ak kitebe moingetab Jehovah emetab Pilistik arawek tisab.

1 SAMUEL 7:12

Yeityo konam Samuel koita, ak konde kwenutab Mispa ak Sen, ak koguure kainennyi Eben-eser, kole, Kigotoretech Jehovah kot koit rani.