1 SAMUEL 4:4 - BUKUIT NE TILIL

⁴ Kiiyokto anyun bichoto bik koba Silo, ak kiib eng’ yoto moingetab arorutietab Jehovah ne bo lugosiek, ne tebe kerubisiek: ak kimi yoto werichoto aeng’u bo Eli, Hopni ak Pineas, koboto moingetab arorutietab Kamuktaindet.

Bukuit Ne Tilil

⁴ Ki kiyookto anyun piik koba Shiloh, ak ki ip eng' yooto moingetap arorutyetap Kamuktaindet ne Toroor ne po lugoosyek ne tebee kerubisyek. Ki imi yooto anyun Hopni ak Phineas, weeriichooto aeng'u po Eli kobooto moingetap arorutyetap Kamuktaindet.

BUKUIT NE TILIIL Sireet ne Dutero Kanon

⁴ Ki kiyookto anyun piik koba Shiloh, ak ki ip eng' yooto moingetap arorutyetap Kamuktaindet ne Toroor ne po lugoosyek ne tebee kerubisyek. Ki imi yooto anyun Hopni ak Phineas, weeriichooto aeng'u po Eli kobooto moingetap arorutyetap Kamuktaindet.

1 SAMUEL 4:4 ပူးပေါင်းရင်းမြစ်များ

2 SAMUEL 15:24

Ak ogeero, kinyo Sadok agine, ak Lawik tugul che kimi koboto inendet, koibei moingetab arorutietab Kamuktaindet; ak kiitu moingetab Kamuktaindet, ak kitogosta Abiatar, agoi komanda bik tugul eng’ nganaset.

2 SAMUEL 6:2

Ak king’eet Daudi, kwo koboto bik tugul che kimi ak inendet, eng’ Baale Juda, koba koib moingetab Kamuktaindet, ne kigimwaitae Kainet, kainetab Jehovah ne bo lugosiek, ne tebe kerubisiek.

2 LAITORINIK 19:15

Ak kisa Hesekia eng’ taitab Jehovah kole, Ee Jehovah, Kamuktaindetab Israel, ne tebe kerubisiek, i Kamuktaindet inye inyege, ne bo bounatosiek tugul che bo ng’ony; kiiyai kipsengwet ak ng’ony.

TIENWOGIKAL 80:1

Eb it, ee Mestowotab Israel, Inye ne indochini Josep ko u akwetab kechirek; Iluu, inye ne itebe kerubisiek.

TIENWOGIKAL 80:2

Ing’eet kimnateng’ung’, eng’ taitab Epraim, ak Benjamin, ak Manase, Ak inyo isoruech.

TIENWOGIKAL 99:1

Laitorani Jehovah; ingobotanso bik: Tebe inendet baragutab kerubik; ingobotan ng’ony.

ISAIAH 37:16

Ee Jehovah ne bo lugosiek, Kamuktaindetab Israel, ne tebe kerubisiek, i Kamuktaindet, inye inyege, ne bo bounatosiek tugul che bo ng’ony; kiiyai kipsengwet ak ng’ony.

MALAKI 1:9

Asomok anyun ale, osom chametab Kamuktaindet, si kobiit korirenech: bunwok nito: tos taach age eng’ okwek ye keer? Mwaei Jehovah ne bo lugosiek.

KAITOSYEK 4:15

Ak ye kagoges Aron ak werikyik boisiet ne bo tugetab ole tilil, ak tuguk tugul che bo ole tilil, ye machei nganaset kotoi banda; kobwa anyun werikab Kohat koib; ago amat kotwa ole tilil, si mabek. Tuguchuto che laei werikab Kohat eng’ emait ne kituiyechin.

KAITOSYEK 4:5

Ye katoi bik banda, koba go Aron ak werikyik, kocher anyun anget ne kioiye got konyo ng’ony, ak kotuge anganato moingetab baornatet,

KAITOSYEK 7:89

Ak ye kingwo Musa emait ne kituiyechin kwo kong’alal ak inendet, kogas anyun Kutit kong’alalji ne kimong’une baragutab keruetab rirenet ne kimitei moingetab baornatet kimong’une kwenutab kerubisiechoto aeng’: ak king’alalji inendet.

1 SAMUEL 1:24

Ak kingo kagoluge, komut, ak kikweri kirugik somok, ak epah agenge ne bo busiek, ak sotet agenge ne bo divaik, ak komut inendet kwo gotab Jehovah eng’ Silo: ak kita ko ming’in lakwanato.

1 SAMUEL 14:3

koboto Aija, weritab Aitub, ng’etab kametab Ikabod, weritab Pineas, weritab Eli, tisiindetab Jehovah eng’ Silo, ne kiilaachi epod. Ago kima nai bik kole kakwa Jonatan.

1 SAMUEL 2:22

Kiga koosit Eli mising’; ak kigas tuguk tugul che kiyachin werikyik Israel tugul, ak ko u ye kiibegei ak kwonyik che kiboisiei eng’ kurgetab emait ne kituiyechin.