1 SAMUEL 4:10 - BUKUIT NE TILIL

¹⁰ Ak kiyai Pilistik luget, ak kigibar Israel, ak kimwei chi age tugul kwo emainnyi: ak kibiit baret ne o mising’; amu kibek che bo Israel murenik elfusiek sosomu che bunei kelyek.

Bukuit Ne Tilil

¹⁰ Ki yai Philistiik lugeet ak koterteer Israel, ak ki mwei chii age tugul komwechi emainnyi. Ki piit pareet ne oo miising' amu ki pek kiplugotiniigap Israel eliphuusyek sosomu che punei keelyek.

BUKUIT NE TILIIL Sireet ne Dutero Kanon

¹⁰ Ki yai Philistiik lugeet ak koterteer Israel, ak ki mwei chii age tugul komwechi emainnyi. Ki piit pareet ne oo miising' amu ki pek kiplugotiniigap Israel eliphuusyek sosomu che punei keelyek.

1 SAMUEL 4:10 ပူးပေါင်းရင်းမြစ်များ

2 SAMUEL 18:17

Ak kisut Absalom ak kowirji keringet ne o eng’ osnet, ak korurukyi inendet karurugutiet ne o ne bo koik: ak kimwei Israel tugul, kwo age tugul emainnyi.

2 SAMUEL 18:7

Ak kibar otwogikab Daudi bikab Israel eng’ yoto, ak kibiit barisiet ne o eng’ oloto eng’ betunoto, ne bo bik elfusiek tiptem.

2 SAMUEL 19:8

Kong’eet anyun laitoriat ak kotebe ormarichet. Ak kigimwachi bik tugul kelenji, Ogeero, tebyei ng’ony laitoriat eng’ ormarich: ak kibwa bik tugul taitab laitoriat. Kiga komwei Israel, kwo chi tugul emainnyi.

2 SAMUEL 20:1

Ak kibiit eng’ yoto chi ne bo Belial, ne kainennyi ko ki Sheba, weritab Bikri, Benjaminindet: ak kiguut iriaget, ak kole, Magitinye kebeberta eng’ Daudi, ama kitinye borotet eng’ weritab Jesii: ingwo chi tugul emaisiekyik, ee Israel.

1 LAITORINIK 12:16

Ak kingogeer Israel tugul kole, mata kogasyi laitoriat ichek, kowolji bik laitoriat, kolenji, Nee kebeberta ne ketinye eng’ Daudi? Ama kitinye borotet eng’ weritab Jesii: oba emaisiekwok, ee Israel: rib gong’ung’ anyun Daudi. Koba Israel anyun emaisiekwak.

1 LAITORINIK 22:36

Ak kibiit waagat eng’ luget komugul komachei kororokto asista, kele, Ingwo chi tugul nganasennyi, ak kwo chi tugul emennyi.

2 LAITORINIK 14:12

Ak kigiterter Juda eng’ taitab Israel; ak kimwei chi tugul kwo emainnyi.

2 ATEPTAP PEETUUSYEK 13:17

Ak kibar Abija ak bikyik ichek eng’ baret ne o: kobek anyun bik che kigilewen elfusiek bogol mut.

2 ATEPTAP PEETUUSYEK 25:22

Ak kigiterter Juda eng’ taitab Israel; ak kimwei chi tugul kwo emainnyi.

TIENWOGIKAL 78:9

Kiweektagei let lagokab Epraim eng’ betutab luget, Kotinyei karik ak koiboti kwangok.

JEREMIA 7:12

Ago oba nguno oldanyu ne kimi Silo, ole kiande kainennyu eng’ tai, ak ogeer kit ne kiayachi amu tengekwogikab bikyuk Israel.

ATEPTAP LAWIK 26:17

Ak aboruok neregekyuk, ak kebarak eng’ taitab bunikwok; ak koboiywok che wechok; ak omwei ko maonok chi.

NG'ATUTIK 28:15

Ago ngo meepchi it kutitab Jehovah Kamuktaindeng’ung’, irib iyai ng’atutikyik tugul ak konetisiosiekyik che ang’atin rani; kobwanjin koityin anyun chubisiosiechu tugul.

NG'ATUTIK 28:25

Igoitoin Jehovah koterterin buniguk: ibokyini eng’ oret agenge, ak imwee eng’ tainywa eng’ ortinwek tisab: ak koonatin bororiosiek tugul che bo ng’ony.

1 SAMUEL 3:11

Ak kilenji Jehovah Samuel, Keero, ayae kit eng’ Israel, ne ng’wonegitu itik tuwai che bo chito age tugul ne kasei.

1 SAMUEL 4:2

Kitetgei Pilistik kobargei ak Israel: ak ye kingotuiyo luget, ko kigibar Israel eng’ taitab Pilistik: ak kibar che bo luget eng’ koronoto ole bo bik elfusiek ang’wan.