1 SAMUEL 30:8 - BUKUIT NE TILIL

⁸ Ak kiteebe Daudi Jehovah kolenji, Ngot asub lugoni, aname? Ak kiwolji kolenji, Isub: amu iname iman, ak ne matiny imutu tugul.

Bukuit Ne Tilil

⁸ Kingo ip koteebe `Daudi Kamuktaindet ne Toroor koleenji, “Tos ngot asup lugoni, aname?” Kowolji Kamuktaindet ne Toroor koleenji, “Isup, amu iname iman, ak ne matiny isaru tuguuk tugul.”

BUKUIT NE TILIIL Sireet ne Dutero Kanon

⁸ Kingo ip koteebe `Daudi Kamuktaindet ne Toroor koleenji, “Tos ngot asup lugoni, aname?” Kowolji Kamuktaindet ne Toroor koleenji, “Isup, amu iname iman, ak ne matiny isaru tuguuk tugul.”

1 SAMUEL 30:8 ပူးပေါင်းရင်းမြစ်များ

TAUNET 14:16

Ak kisor tuguk tugul, ak koweech Lot ne bo ornywa, ak tugukyik, ak kobogorisiek agichek, ak bik.

2 SAMUEL 5:19

Ak kiteebe Daudi Jehovah kolenji, Awe kebargei ak Pilistik? Indoi ichek eunnyu? Ak kilenji Jehovah Daudi, Togoste: amu andoi iman Pilistik eung’ung’.

2 SAMUEL 5:23

Ak ye kiteebe Daudi Jehovah, kolenji, Metogoste: alagu batenywa, ak iche ichek eng’ ye itoorjingei ketikab logoek.

TIENWOGIKAL 50:15

Ak iguura eng’ betutab nyalilda; Asi asorun, ak iloswa.

TIENWOGIKAL 91:15

Kuura, ak aitenji; Kitebye tuwai eng’ nyalilda: Asoru inendet, ak agonyit.

KOMONG'U 15:9

Kile bunyondet, Asubi, aname, ak apchei che kagiluul: Ak kobiyong’e magennyu ichek; Ang’usu rotwennyu bo chok, ak kobar eunnyu ichek.

KAITOSYEK 27:21

Ak kotonon inendet eng’ taitab Eleasar tisiindet, si koteepchi inendet kandoiset eng’ taitab Jehovah eng’ kiruogetab Urim: mandoi eng’ ng’olyondennyi, ak komong’u eng’ ng’olyondennyi, inendet ak lagokab Israel tugul, agot tuiyet komugul:

KIRUOGIK 20:18

Ak king’eetyo lagokab Israel kotogosta Bet-el, ak kiteebe Kamuktaindet kit ne kanyol koyai; ak kile, Ng’o ne sib kotogostoi koba kobargei ak lagokab Benjamin? Ak kile Jehovah, Juda ne indoi.

KIRUOGIK 20:23

(Ak kitogosta lagokab Israel koba koririo eng’ taitab Jehovah agoi koskoleny; ak kiteebe Jehovah, kole, Arikte kogeny ayai luget ak lagokab Benjamin tupchennyu? Ak kile Jehovah, Togoste obarge ak inendet.)

KIRUOGIK 20:28

ak kitonone taitab moingonoto Pineas, weritab Eleasar, weritab Aron, eng’ betusiechoto,) kolenji, Ta awe kogeny kebarge ak lagokab Benjamin tupchennyu, anan atebi? Ak kile Jehovah, Togoste; amu andoi inendet eung’ung’ mutai.

KIRUOGIK 8:4

Ak kiit Gideon Jordan, ak kolanda, inendet ak murenik bogol somok che kimi koboto inendet, ko kagong’etyo, ago kita koonei.

1 SAMUEL 10:22

Kota koteebe Jehovah anyun kogeny, kolenji, Ta komi chi ne ta konyonei yu? Ak kiwol Jehovah kole, Kaung’egei tuguk.

1 SAMUEL 14:37

Ak kiteebe Saul Kamuktaindet kit ne yaei, kole, Achortege asub Pilistik? Tos indoi ichek eutab Israel? Ago ma wolji inendet eng’ betunoto.

1 SAMUEL 23:2

Koteebe anyun Daudi Jehovah kolenji, Awe abar Pilistichuto? Ak kilenji Jehovah Daudi, Ui ak ibar Pilistik, ak isoru Keila.

1 SAMUEL 23:4

Koteebe anyun Daudi Jehovah kogeny. Ak kiwolji Jehovah inendet kolenji, Ng’eet, chortege Keila; amu andoi Pilistik euneguk.

1 SAMUEL 28:6

Ak ye kingolen koteebe Saul Jehovah, ko ma kowolji Jehovah, eng’ karuotitaosiek, anan eng’ Urim, anan eng’ maotik.

1 SAMUEL 30:18

Ak kisor Daudi tugul che kiga luul Amalegik: ak kisor Daudi osotikyik tuwai.

1 SAMUEL 30:19

Ak kima bete kiy ichek, ngo ne ming’in anan ngo ne o, anan werik anan ko tibik, anan ko barunenik, anan ko kiy age tugul ne kiga ib: kiib Daudi tugul koweek.