1 SAMUEL 30:6 - BUKUIT NE TILIL

⁶ Ak kiimgei mising’ Daudi, amu kimwa bik kole kilache inendet eng’ koik, amu kiarogenso sobonwekab bik tugul, kiarogen chi age tugul agobo werikyik ak tibikyik: ago kiigimitgei Daudi eng’ Jehovah Kamuktaindennyi.

Bukuit Ne Tilil

⁶ Ki iimgei miising' `Daudi, amu ki mwa piik kole kilache ineendet eng' koik, amu ki aragenso saboonwegap piik tugul ak ki aragen chii age tugul agobo weeriikyik ak tiibiikyik, ago ki igimitkei Daudi eng' Kamuktaindet ne Toroor Kamuktaindennyi.

BUKUIT NE TILIIL Sireet ne Dutero Kanon

⁶ Ki iimgei miising' `Daudi, amu ki mwa piik kole kilache ineendet eng' koik, amu ki aragenso saboonwegap piik tugul ak ki aragen chii age tugul agobo weeriikyik ak tiibiikyik, ago ki igimitkei Daudi eng' Kamuktaindet ne Toroor Kamuktaindennyi.

1 SAMUEL 30:6 ပူးပေါင်းရင်းမြစ်များ

TAUNET 32:7

Kiiywei Jakobo mising’ anyun, ak kiarogen: ak kipchei bik che kimi tugul, ak nego, ak tuga, ak tambesik, kopcheune aeng’;

2 SAMUEL 17:8

Kile kogeny Husai, Ingen kwandang’ung’ ak bikyik, ile bik che nyigonen, ak tinyei ng’wanindo eng’ kabwatutikwak, ko u tiondo ne u keerit ne kagirebe arekyik eng’ timin: kwandang’ung’ ko chitab luget, ak maruitos ak bik.

2 LAITORINIK 4:27

Ak kingoit ole mitei chitab Kamuktaindet eng’ tulwet, konam kelyekyik. Ak kinyo Geasi korik konyo kolen kotoorta inendet; ago kile chitab Kamuktaindet, Mete: amu tinyei ng’wanindo eng’ muguleldanyi; ak kagoung’ena Jehovah, ma mwawa.

Kitabuutap JOB 13:15

Agot ngo bara, ko ta ageni inendet: Ago agimiti ortinwekyuk eng’ tainnyi.

TIENWOGIKAL 116:10

Ayani, noto anyun ang’alali: Kiginyalila mising’:

TIENWOGIKAL 138:3

Kiiwolwa eng’ betut ne kiaguurin, Kiigimita eng’ kimnatet eng’ sobondanyu.

TIENWOGIKAL 18:2

Jehovah ruandennyu, ak irimennyu, ak sorunindennyu; Kamuktaindennyu, ruandennyu ne kim, amang’u inendet; Long’ennyu, ak kuinetab yetunennyu, teeksennyu ne koi.

TIENWOGIKAL 18:6

Kiaguur Jehovah eng’ bichiindanyu, Kiarirji Kamuktaindennyu: Kigas kutinnyu eng’ hekalunnyi, Ak kiit itikyik rirek che kiarirji.

TIENWOGIKAL 25:17

Katesak nyalilwogik che bo muguleldanyu: Imaanda eng’ bichiinwekyuk.

TIENWOGIKAL 27:14

Ingen Jehovah: Kimitu, ingonyiganit muguleldang’ung’; Ee, ingen Jehovah.

TIENWOGIKAL 31:24

Ogimegitu, ak ingonyiganitu mugulelwekwok, Okwek tugul che ogeni Jehovah.

TIENWOGIKAL 42:11

Amu nee si ing’uruge, ee sobondanyu? Amu nee si iimige eng’ ane? Imang’u Kamuktaindet: amu ta alosu inendet. Inendet yetunet ne mi tainnyu, ak Kamuktaindennyu.

TIENWOGIKAL 42:5

Amu nee si ing’uruge, ee sobondanyu? Amu nee si iimge eng’ ane? Imang’u Kamuktaindet: amu ta alosu inendet Amu yetunet ye mi inendet kobota.

TIENWOGIKAL 42:7

Kuurei riret riret age eng’ cheetab beeguk che isururtoi: Kigomaluucha beeguk tugul che mildogei ak che somotitogei.

TIENWOGIKAL 56:11

Kamuktaindet ne amang’u, maiyweisiei; Tos imuchi koita nee chi?

TIENWOGIKAL 62:1

Igeni Kamuktaindet kityo sobondanyu: Bunu yetunennyu inendet.

TIENWOGIKAL 62:5

Ee sobondanyu, igen Kamuktaindet kityo; Amu bunu kamang’unennyu inendet.

TIENWOGIKAL 71:4

Kona achilil, ee Kamuktaindennyu, eng’ eutab kiptengekyot, Eng’ eutab chito ne ma bo imanda, ak ne kolgol.

TIENWOGIKAL 71:5

Amu inye ne agenin, ee Kiptaiyat Jehovah: I kamang’unennyu koboch ko a ming’in.

KOMONG'U 17:4

Ak kirirji Musa Jehovah kolenji, Aitoi nee bichu? Negit kolacha.

KALEWANAIK 18:10

Irimet ne kim kainetab Jehovah: Mwechin ne bo iman, si konyor chametab ge.

ISAIAH 25:4

Amu kiiegu irimetab kibananiat, irimetab ne matinyei kiy eng’ bichiindanyi, i ole kimwechin eng’ usonet ole kiuure eng’ kiptoret, ye igei usonetab che imuisei, usonet ne o ne rusei inat.

JEREMIA 16:19

Ee Jehovah, kimnatennyu, ak ko irimennyu, ak ole amwechini eng’ betutab nyalildanyu, bwanjinin bororiosiek kobunu tabanwek che bo ng’ony, ak komwa kole, Ma nam kiy kwanisiekyok kobate lembechek, tangoita ak tuguk che matinyei kelunet.

JONAH 2:2

Ak kile, Kiaguur Jehovah eng’ nyalildanyu, Ak kiwolwa; Kiaguurse ami oldab che kigobek, Ak kiigas kutinnyu.

KAITOSYEK 14:10

Ago kimwa tuiyet komugul kole, kelach ichek eng’ koik. Ak kitook lilindab Jehovah eng’ emait ne kituiyechin, komong’ji lagokab Israel tugul.

MATAYO 21:9

Ak kimwaoti eng’ kutit ne o tuiyosiek che kiindoe inendet, ak che kiisubi, kolen, Hosanna weritab Daudi: iberurot inendet ne nyonei eng’ kainetab Kiptaiyat; Hosanna eng’ ole toror mising’.

MATAYO 27:22

Kilenji Pilato, Ayachini nee anyun Jesu ne kiguure Kristo? Kole anyun tugul, Ingigartat inendet.

JOHANA 8:59

Kiinem anyun koik komachei kowire inendet: ago kiung’gei Jesu, ak komanda eng’ hekalut.

ROMANIK 4:18

Kiiyan eng’ kamang’unet ye kima komi kiy ne kimang’u, si kobiit koek kwandab bororiosiek che chang’, kiga kemwa ko u noto kele, Tenitu choto iyoteng’ung’.

ROMANIK 4:20

ee, kima sage kobistoe ye kiibwati arorutietab Jehovah, ago kitesak kogimit eng’ kayanet, kotorori Jehovah,

ROMANIK 8:31

Kimwae nee anyun eng’ tuguchuto? Ngo mi Jehovah komostanyo, ko ng’o ne kirindaech?

2 KORINTOEK 1:6

Ago nginyalilech, ko agobo kagaigaeng’wong’ ak yetuneng’wong’; anan ngigoigoech, ko agobo kagaigaeng’wong’, ne boisiei eng’ muitaet ye omuitoi eng’ nyalilwogichoto kinyalili agachek:

2 KORINTOEK 4:8

kinyalilech eng’ komosta age tugul, ago magigiichech; kitobtobeni, ago mabetwech kamang’unet;

2 KORINTOEK 7:5

Amu agot ye kingeitu Makedonia, ko manyor borwekyok kamuung’et, ago kiginyalilech eng’ komosta age tugul; kimi sang’ boriosiek, ak kimi orit kaiyweisiosiek.

HEBRANIK 13:6

Noto anyun kimwae eng’ nyiganatet ne mie kele, Toretindennyu Kiptaiyat; maiyweisiei: Yaiywa nee chi?

KIRUOGIK 18:25

Ak kilenji inendet lagokab Dan, Amengegas kuting’ung’ eng’ kwenunnyo, si mabarin bik che nerektos, ak ibeet sobondang’ung’, koboto sobonwekab bikab gong’ung’.

KIRUOGIK 20:22

Ak kiigimitgei bik, murenikab Israel, ak kotet luget kogeny eng’ yu kinyeta eng’ betut ne bo tai.

1 SAMUEL 1:10

Ak kitinyei inendet ng’wanindo eng’ sobondanyi, ak kisa Jehovah, ak korir eng’ ng’wanindo.

1 SAMUEL 23:16

Ak king’eet Jonatan weritab Saul, ak kwo ole mi Daudi eng’ osnet, ak kogimit inendet eng’ Kamuktaindet.

1 SAMUEL 28:15

Ak kimwachi Samuel Saul kolenji, Amu nee si iima, imutwa atogos? Ak kiwolji Saul kolenji, Atinye nyalilda ne ng’wan; amu kabwa Pilistik kebarge, ak kogometa Kamuktaindet, ama kowolwa kiy, eng’ maotik, anan eng’ karuotitaosiek: noto anyun kaguurin, si kobiit iborua kit ne ayae.