1 SAMUEL 3:19 - BUKUIT NE TILIL

¹⁹ Ak kieet Samuel, ak kimi Jehovah koboto inendet, ama cham kobutyi ng’ony ng’olyo age tugul eng’ ng’alekyik.

Bukuit Ne Tilil

¹⁹ Ki eet Samuel ak ki mi Kamuktaindet ne Toroor kobooto ineendet, ak ki ma komi kiy eng' ng'aleek che kiga komwa Samuel ne ma isulda.

BUKUIT NE TILIIL Sireet ne Dutero Kanon

¹⁹ Ki eet Samuel ak ki mi Kamuktaindet ne Toroor kobooto ineendet, ak ki ma komi kiy eng' ng'aleek che kiga komwa Samuel ne ma isulda.

1 SAMUEL 3:19 ပူးပေါင်းရင်းမြစ်များ

TAUNET 21:22

King’alalji eng’ betusiechoto Abimelek ak Pikol inendet ne ki kiptaiyatab askarikyik, Abraham, kolenji, Mitei Kamuktaindet koboten eng’ tuguk tugul che iyae:

TAUNET 28:15

Ak keero, ami koboten, ak aribotin eng’ oldo tugul ole iwendi, ak tun amutun inyo emoni kogeny; amu mametoin agoi tun ayai tugul che kaamwaun.

TAUNET 39:2

Ak kimi Jehovah koboto Josep, ak ki chito ne iberurot; ak kimi gotab kiptaiyandennyi Misrindet.

TAUNET 39:3

Ak kigeer kiptaiyandennyi kole, mi Jehovah koboto inendet, ak kiiberur Jehovah tuguk tugul che kiyaei.

1 LAITORINIK 8:56

Iberurot Jehovah, ne kigogochi kamuung’et bikyik Israel, ko u tuguk tugul che kiga koaror: ma bet ng’olyot agot agenge eng’ arorutiennyi tugul ne mie, ne kiiaror eng’ otwogindennyi Musa.

2 LAITORINIK 10:10

Onai anyun nguno ole mabetei kiy eng’ ng’olyotab Jehovah, ne kimwa Jehovah agobo gotab Ahab: amu kagoyai Jehovah kit ne kimwa eng’ otwogindennyi Elija.

2 LAITORINIK 15:12

Nito ko ng’olyot ne kimwachi Jehovah Jeu, kolenji, Tebe weriguk ng’echeretab laitornatet ne bo Israel agoi ibinda ne bo ang’wan. Ak kiyaak ko u noto.

2 LAITORINIK 22:16

Kamwa Jehovah ko u ni kole, Keero, aibu yaitiet konyo koroni, ak konyonji bik che menyei koronito, ee, ng’alek tugul che bo bukuinoto kasomani laitoriatab Juda:

ISAIAH 43:2

Ami koboten ye ibune beek che chang’; ak ye ibune ainosiek, ko maimaluuchin; ye ibune mat, ko mabeelin; ama imelin liblibenetab mat.

ISAIAH 44:26

ne igimiti ng’olyotab otwogindennyi, ak kosuldoi kiruogetab chechik che kiyoktoi; ne mwaei agobo Jerusalem kole, Tun kimenyei; ak komwaei agobo nganasokab Juda kole, Tun kiteechei, ak ang’eet komoswekyik che kigoek karatwek:

ISAIAH 55:11

u noto ng’olyondennyu ne mong’une kutinnyu: maweekyinagei buch, ago yaei kosulda kit ne amache, ak koborei eng’ kit ne kiayoktochine.

MATAYO 1:23

Ogeero, manachi bergeiyat, ak kosich werit, ak keguure kainennyi Imanuel; ye kiweech ko ni, Mi Jehovah kobotech.

LUKA 1:28

Ak kinyo ole mi cheboto, ak kolenji, Chamge, inye ne i chamat mising’, mi Kiptaiyat koboten.

LUKA 1:80

Ak kiner lakwanato, ak kotesak kimnatet eng’ tamirmiriet, ak kimeng’oti surkwen agoi betut ne kiiborjigei Israel.

LUKA 2:40

Ak kiner lakwet, ak kotesak kimnatet, ak kinyi ng’omnatet: ak kimi mieindab Jehovah koboto inendet.

LUKA 2:52

Kitesak ng’omnatetab Jesu, ak etunatet, ak mieindo eng’ Jehovah ak eng’ bik.

2 KORINTOEK 13:11

Ne bo let anyun, che kitupche, ko saisere. Oegu che chobotin; oegu che bo kagaigaet; oegu che bo kabwatet agenge; otebi eng’ kalyet: ak mi Jehovah ne bo chamnyet ak kalyet kobotok.

2 KORINTOEK 13:14

Ingotebi ak okwek tugul mieindab Kiptaiyat Jesu Kristo, ak chamnyetab Jehovah, ak yamdaetab Tamirmiriet ne Tilil.

NG'ATUTIK 18:22

Ye kang’alal maotiot eng’ kainetab Jehovah, ngo mayaak kioto, anan kosulda, ko noto ne ma mwa Jehovah: kimwa maotiot eng’ losetab ge amat iywei inendet.

2 TIMOTEO 4:22

Ingoteb Kiptaiyat koboto tamirmirieng’ung’. Ingoteb mieindo kobotok.

JOSHUA 21:45

Ma bet ng’olyo agot agenge ne mie ne kiga komwachi Jehovah gotab Israel; kiisulda tugul.

KIRUOGIK 13:24

Ak kisich kwonyoto werit, ak koguure kainennyi Samson: ak kieet lakwet, ak kiiberur Jehovah inendet.

1 SAMUEL 10:7

Ak ye bwanjin kaborunoichu, iyai ko u ye kenyoru boroindo; amu mitei Kamuktaindet koboten.

1 SAMUEL 12:2

Ak ogeero, wendoti laitoriat eng’ taing’wong’: ak koaositu, ak koabunji kalwalek; ak ogeero, mi werikyuk kobotok: ak kiawendote eng’ taing’wong’ koboch ming’inatennyu agoi betuni.

1 SAMUEL 16:18

Kowolji anyun age eng’ murenjoto chiget, kolenji, Keero, kiageer werit age ne bo Jesii Bet-lehemindet, ne butin, ak ko chito ne kim ne tinyei nyiganatet, ak ko chitab luget, ak ko ng’om eng’ ng’alalet, ak ko chito ne kararan, ak komi Jehovah koboto inendet.

1 SAMUEL 18:12

Ak kiiywei Saul Daudi, amu kimi Jehovah koboto inendet, ak kiga kobagakta Saul.

1 SAMUEL 18:14

Ak kitebi Daudi eng’ ng’omnatet eng’ ortinwekyik tugul; ak kimi Jehovah koboto inendet.

1 SAMUEL 18:5

Kiwa Daudi oldo age tugul ole kiiyokto Saul, ak kitebi eng’ ng’omnatet: ak kiinde Saul inendet koboi murenikab luget, ak kimieit kioto eng’ taitab bik tugul, ak eng’ taitab otwogikab Saul agichek.

1 SAMUEL 2:21

Ak kirutochi Jehovah Hana, ak kimanach, ak kisich werik somok ak tibik aeng’. Ak kieet lakwet Samuel eng’ taitab Jehovah.

1 SAMUEL 2:26

Kieet anyun lakwanato Samuel, ak ki chamat eng’ Jehovah, ak eng’ bik agichek.

1 SAMUEL 9:6

Ak kilenji inendet, Keero, mitei nganasani chitab Kamuktaindet, ak inendet ko chito ne kigonyiti; ak tuguk tugul che mwaei kosuldoi iman: ngebe anyun yoto; tamangab komuch komwawech agobo bandanyo ne kibendi.