1 SAMUEL 3:17 - BUKUIT NE TILIL

¹⁷ Ak kile, Nee kit ne komwaun Jehovah? Asomin ale, ameung’ena ng’olyondonoto: ingoyaun ko u noto Kamuktaindet, ak ne siirei noto, ngot iung’ena kiy age tugul eng’ tuguk tugul che komwaun inendet.

Bukuit Ne Tilil

¹⁷ Ak kiteepsee Eli kole, “Nee kiit ne komwaun Kamuktaindet ne Toroor? Asoomin ale ameung'ena ng'olyoondonooto. Ingoyaun Kamuktaindet ak ngo yaun ne siirei nooto, ngot iung'ena kiy age tugul eng' tuguuk tugul che komwaun ineendet.”

BUKUIT NE TILIIL Sireet ne Dutero Kanon

¹⁷ Ak kiteepsee Eli kole, “Nee kiit ne komwaun Kamuktaindet ne Toroor? Asoomin ale ameung'ena ng'olyoondonooto. Ingoyaun Kamuktaindet ak ngo yaun ne siirei nooto, ngot iung'ena kiy age tugul eng' tuguuk tugul che komwaun ineendet.”

1 SAMUEL 3:17 ပူးပေါင်းရင်းမြစ်များ

2 SAMUEL 14:18

Kiwolji anyun laitoriat kwonyoto kolenji, Asomin ale, ameung’ena kiy age tugul ne ateebenen. Ak kile kwonyoto, Ingong’alal kiptaiyandennyu laitoriat nguno.

2 SAMUEL 19:13

Ak olenji Amasa, Tos ma i kowekyuk ak banyekyuk? Ingoyaiywa Kamuktaindet ko u noto, ak kotes, ngot ko meegu kiptaiyatab luget eng’ tainnyu kotugul igeer Joab.

2 SAMUEL 3:35

Ak kibwa bik tugul komwachi Daudi koamis ye kita ko bet; ago kiiyosio Daudi, kole, Ingoyaiywa Kamuktaindet ko u noto, ak kotes, ngot achamjam amitwogik, anan ko kiy age, agoi kororokto asista.

2 SAMUEL 3:9

Ingoyachi Kamuktaindet ko u noto Abner, ak kotes, ngot ko mayachi ane Daudi ko u ye kiiyosiechi Jehovah inendet;

1 LAITORINIK 22:16

Ak kilenji laitoriat, Ayosieun konyil ata ale, amat imwawa kiy age kobate imanit eng’ kainetab Jehovah?

2 LAITORINIK 6:31

Yeityo komwa kole, Ingoyaiywa Kamuktaindet ko u noto ak kotes, ngot kotebi metitab Elisha weritab Sapat rani.

TIENWOGIKAL 141:5

Ingobira ne bo iman, si koek noto ne mie; Ak ingogera kong’, kogergeit anyun noto ak mwaita ne mi metinnyu; Amat koesio metinnyu: Amu mametoi asa agot eng’ kwenutab tengekwogikwak.

JEREMIA 38:14

Kiiyokto anyun Sedekia laitoriat kimut maotiot Jeremia, kwo ole mi inendet agoi ole kimandoe ne bo somok ne kimi gotab Jehovah: ak kimwachi laitoriat Jeremia kolenji, Amache ateebenen kiy; ameung’ena kiy.

JEREMIA 42:4

Kolenji anyun maotiot Jeremia ichek, Kaagasak; ogeero, asae Jehovah Kamuktaindeng’wong’ ko u ng’alekwok; ak kit age tugul ne wolwok Jehovah amwawok kioto; maung’enok kiy.

DANIEL 4:19

Kitoptoben anyun ne matia Daniel, ne kigiguure Beltesasar, ak kiim inendet kabwatutikyik. Kiwolji laitoriat inendet kolenji, Beltesasar, amatingoiimin karuotitoet, anan ko kaweeksennyi. Kowolji Beltesasar kolenji, Ingobunji karuotitoet ichek che wechin, ak ingobunji kaweeksennyi buniguk.

MIKAH 2:7

Ee gotab Jakobo, tos kimwae kele, Tos rartaat Tamirmirietab Jehovah? Tos boisionikyik chuto? Tos mayachin ng’alekyuk ne mie inendet ne wendote imanda?

KAITOSYEK 23:17

Ak kiwa anyun ole mi inendet, ak ogeero, kitononi eng’ ole negite kagochinennyi ne kibeelei, koboto bounikab Moab. Ak kiteebe Balak kolenji, Kale nee Jehovah?

MATAYO 26:63

Ago kisis Jesu. Ak kilenji tisiindet ne o, Ayosieun eng’ Jehovah ne sobei, ale, mwawech ngo i Kristo, Weritab Jehovah.

RUTH 1:17

ole imechini, amechini agane, ak ketupcha yoto: ingoyaiywa Jehovah ko u noto, ak kotes, kobate meet inegei ne ibestosech ane ak inye.

1 SAMUEL 14:44

Ak kile Saul, Ingoyai Kamuktaindet ko u noto, ak koyai kotes kora: amu imee iman, Jonatan.

1 SAMUEL 20:13

Ingoyachi Jehovah Jonatan ko u noto, ak kosiir, ngot kochamei baba koyaun ne ya, ama aborun, ak amwaun, si kobiit iwe eng’ kalyet: ak ingotebi Jehovah koboten, ko u ye kimi koboto baba.

1 SAMUEL 25:22

Ingoyachi Kamuktaindet ko u noto bunikab Daudi, ak kotes, ngot abagakte kiy age tugul ne nenyi mutai kaeech, agot lakwet agenge ne ng’etet.

1 SAMUEL 3:16

Kiguur Eli Samuel anyun, ak kolenji, Werinnyu, Samuel. Ak kile, Ami yu.