1 SAMUEL 27:9 - BUKUIT NE TILIL

⁹ Ak kibar Daudi emonoto, ama bagakta muren anan kwony kosob, ak kinyaban kechirek ak tuga, ak sigirok, ak tambesik, ak ngoroik; ak kiweek kwo oldab Akis.

Bukuit Ne Tilil

⁹ Ki par `Daudi emonooto, ama pagaakta muren anan kwony kosap. Ki nyaban keechiirek, tuuga, sigiroik, tambeesik ak ngoroik ak koweek kwo kap Akis.

BUKUIT NE TILIIL Sireet ne Dutero Kanon

⁹ Ki par `Daudi emonooto, ama pagaakta muren anan kwony kosap. Ki nyaban keechiirek, tuuga, sigiroik, tambeesik ak ngoroik ak koweek kwo kap Akis.

1 SAMUEL 27:9 ပူးပေါင်းရင်းမြစ်များ

TAUNET 16:7

Kinyorji anyun malaikaiyatab Jehovah inendet ole negite kondab beek eng’ ong’atet, noto ko kondab beek ne mitei oret ne wendi Sur.

TAUNET 25:18

Ak kimeng’ot koboch Abila agoi Sur ne tokyingei Misri, eng’ oret ne wendi Asuria: kiwa komeny oloto eng’ taitab tupchosiekyik tugul.

Kitabuutap JOB 1:3

ak tugukyik ko ki kechirek elfusiek tisab, ak tambesik elfusiek somok, ak eik elfut agenge, che bo chogit, ak sigirok che iyuogik bogol mut, ak bik che chang’ che bo gonnyi; ki o anyun chichoto mising’ kosiir bik tugul che bo kong’asis.

KOMONG'U 15:22

Ak kiindochi Musa Israelik koba eng’ Nyanjet ne Birir, ak kiit ong’atetab Sur; ak kiba bandab betusiek somok eng’ ong’atet, ak kimanyor beek.

JOSHUA 6:21

Ak kibare rotwetab chok tugul che kimi nganaset koges, muren ak kwony, ne ming’in ak ne os, ak tany, ak kechir, ak sigirio.

1 SAMUEL 15:3

Ui anyun nguno ak ibar Amalek, ak ing’em igesu tuguk tugul che tinyei, amat ibagakte; ago bar muren ak kwony, lakwet ak ne reriei, teta ak kechiriet, tambesiet ak sigiriet.

1 SAMUEL 15:7

Ak kibar Saul Amalegik, koboch Abila ne mi oret ye kibendi Sur, ne tokyingei Misri.

1 SAMUEL 15:8

Ak kinam Agag laitoriatab Amalegik kosobei, ak kobar bik tugul koges eng’ rotwetab chok.