1 SAMUEL 26:19 - BUKUIT NE TILIL

¹⁹ Noto anyun, asomin ale, ingogas kiptaiyandennyu laitoriat ng’alekab otwogindennyi. Ngot ko Jehovah ne kiing’eetin iyaiywa ne ya, ko ingotaach inendet kagochinet: ago ngot ko werikab bik, ko ingoek ichek che chubotin eng’ taitab Jehovah; amu kagoona ichek rani si ma kinamge ak bororietab Jehovah, kolen, Ui iot kanamonik.

Bukuit Ne Tilil

¹⁹ Nooto anyun asoomin ale, ingogas `kiptaiyandennyu laitoryat ng'aleegap otwogindennyi. Ngot ko Kamuktaindet ne Toroor ne ki ing'eetin iyaiywo ne ya, ko ingotaach ineendet kagoochinet. Ago ngot ko weeriigap piik, ko ingoek icheek che chubootiin eng' taitap Kamuktaindet ne Toroor. Amu kagoona icheek rani si ma ki namgei ak pororyetap Kamuktaindet ne Toroor koleen, ‘Ui ioot kamuktaik alak.’

BUKUIT NE TILIIL Sireet ne Dutero Kanon

¹⁹ Nooto anyun asoomin ale, ingogas `kiptaiyandennyu laitoryat ng'aleegap otwogindennyi. Ngot ko Kamuktaindet ne Toroor ne ki ing'eetin iyaiywo ne ya, ko ingotaach ineendet kagoochinet. Ago ngot ko weeriigap piik, ko ingoek icheek che chubootiin eng' taitap Kamuktaindet ne Toroor. Amu kagoona icheek rani si ma ki namgei ak pororyetap Kamuktaindet ne Toroor koleen, ‘Ui ioot kamuktaik alak.’

1 SAMUEL 26:19 ပူးပေါင်းရင်းမြစ်များ

TAUNET 44:18

Kirikyi anyun Juda Josep, ak kolenji, Bwa kiptaiyandennyu, asain ale, chamwa kiptaiyandennyu ane otwogindeng’ung’ amwaun ng’olyo, amenerekya ane, otwogindeng’ung’, eng’ koromnatet: amu i u aginye Parao.

TAUNET 8:21

Ak king’uuchi Jehovah anyinyindo ne bo nyamdutik; ak kole Jehovah eng’ muguleldanyi, Ma achube ng’ony kogeny agobo chi, amu yaachen kabwatutikab muguleldab chi koboch koming’in; ak ma abare kogeny agoi, tuguk tugul che soptos, ko u ye kiayai.

2 SAMUEL 14:16

Amu kasei laitoriat ak kosorua ane otwogindennyi eng’ eutab chito ne machei kobara ak werinnyu koistoenech borotetab Kamuktaindet.

2 SAMUEL 16:10

Ak kile laitoriat, Kiting’ege nee ak okwek, werikab Seruia? Amu chubisiei, ak amu kamwachi Jehovah inendet kolenji, Chub Daudi; ko ng’o anyun ne mwaei kole, Amu nee si iyai ko u no?

2 SAMUEL 16:11

Ak kilenji Daudi Abisai, koboto otwogikyik tugul, Ogeero, cheng’ei sobondanyu werinnyu ne kibunu bortanyu: ko tam nee anyun Benjaminindoni, obagakte, ak ongochubis; amu kagong’at Jehovah inendet koyai ko u noto.

2 SAMUEL 20:19

A bo ichek che bo kalyet ak che bo iman eng’ Israel: icheng’e ibar nganaset ak ko kamet eng’ Israel: amu nee si imache ilugui borotetab Jehovah?

2 SAMUEL 21:3

ak kilenji Daudi Gibeonik, Ayaiywok nee? Ak ayai kagaigao nee, si kobiit oberur borotetab Jehovah?

2 SAMUEL 24:1

Ak kilalyo kogeny neregekab Jehovah agobo Israel, ak king’eetyi Daudi kosich kabwatet ne ya agobo ichek, kolenji, Ui, iit Israel ak Juda.

1 LAITORINIK 22:22

Ak kimwachi Jehovah inendet kolenji, Iberbertoi ano? Ak kile, Awendi ak aegu tamirmiriet ne kenisiei eng’ kutuswekab maotikyik tugul. Ak kimwa inendet kole, Iberberi inendet, ak iterter: ui anyun, ak iyai ko u noto.

1 ATEPTAP PEETUUSYEK 21:1

Ak king’eet Setani kogirinda Israel, ak kiigochi Daudi koiit Israel.

TIENWOGIKAL 120:5

Bwawe, ane amu kiaegu ononio eng’ Mesek, Amu amenye kwenutab emaisiekab Kedar!

TIENWOGIKAL 20:4

Ingogonin ko u ye machei muguleldang’ung’. Ak ingosuldaun ruchinaiguk tugul.

KALEWANAIK 30:10

Ametaam otwogindet eng’ taitab kiptaiyandennyi, Si machubin, ak konamin ng’ogisto.

ISAIAH 60:5

Igeer anyun ak kikwenyin, ak kobotan muguleldang’ung’ ak kibaraa; amu bwanjinin chang’indab nyanjosiek, bwanjinin magornatosiekab bororiosiek.

ATEPTAP LAWIK 26:31

Ak ayai nganasokwok koek karotwek, ak ayai oldinwekwok che tililen koek kipkuberet; ma achame kong’ucha anyinyindab nyamdutikwok.

KAITOSYEK 36:7

Si ma kiuuto borotet age tugul ne bo lagokab Israel, kong’eete oret age kwo oret age: amu kanyol konamgei lagokab Israel, chi tugul ak borotetab oretab kwanisiekyik.

KAITOSYEK 36:9

Si ma kiuuto borotet age tugul kong’eete bororiet age agoi bororiet age, amu namegei bororiosiekab lagokab Israel, chi tugul ak borotennyi.

ROMANIK 14:15

Amu ngo arogen ne otupche amu amitwogik, koma iwendoti eng’ chamnyet. Amebar inendet eng’ amitwogiguk ne kimechi Kristo.

GALATYEK 5:12

Katamache anyun ale koistogei icheget che iluiluchok.

NG'ATUTIK 13:3

ko meepchi it ng’alekab maotiondonoto, anan karuotitoindonoto: amu tiemok Jehovah Kamuktaindeng’wong’, si konai ngochame Jehovah Kamuktaindeng’wong’ eng’ mugulelwekwok komugul ak eng’ sobonwekwok komugul.

2 TIMOTEO 4:14

Kiyaiywa ne ya mising’ Aleksandro, kitong’oindet ne bo sugunoik: tun yaakyin Kiptaiyat ko u boisionikyik:

1 SAMUEL 18:10

Ak eng’ betut ne kiisubi betunoto, konyonji Saul tamirmiriet ne ya eng’ kimnatet, ne kibunu Kamuktaindet, ak King’alal eng’ go ko u chi ne amei iywek: ak kibut Daudi ketubet eng’ eunnyi, ko u ye kicham koyaei betut age tugul: ak kitinyei Saul ng’otit eng’ eunnyi.

1 SAMUEL 24:9

Kolenji Daudi Saul, Amu nee si igas ng’alekab bik, che mwaei kole, Cheng’ei Daudi koyaun kiy ne ya?

1 SAMUEL 25:24

Ak kiibutyi kelyekyik, ak kolenji, Ingobunja yaitioni, kiptaiyandennyu, ingobunja: ak asain ale, chamji cheptang’ung’ ne otwoget kong’alal igas, ak igasyi cheptang’ung’ ne otwoget, ng’alekyik.

1 SAMUEL 27:1

Ak kimwa Daudi eng’ muguleldanyi kole, Tatun amechini eunekab Saul: mami kiy ne mie kosiir amwechi emetab Pilistik; si kogesgei kamang’unetab Saul, si ma kocheng’a kogeny eng’ kiwotosiek tugul che bo Israel: si achilile eunekyik.