1 SAMUEL 25:38 - BUKUIT NE TILIL

³⁸ Ak kingogesgei olo bo betusiek taman, kobir Jehovah Nabal, ak kime.

Bukuit Ne Tilil

³⁸ Kingo keskei olo po peetuusyek taman, kobir Kamuktaindet ne Toroor Nabal, ak kime.

BUKUIT NE TILIIL Sireet ne Dutero Kanon

³⁸ Kingo keskei olo po peetuusyek taman, kobir Kamuktaindet ne Toroor Nabal, ak kime.

1 SAMUEL 25:38 ပူးပေါင်းရင်းမြစ်များ

2 SAMUEL 6:7

Ak kilalyo neregekab Jehovah agobo Usa; ak kibir Kamuktaindet inendet eng’ yoto amu lelutiennyi; ak kimechi yoto kimi moingetab Kamuktaindet.

2 LAITORINIK 15:5

Ak kibir Jehovah laitoriat, ak kinam mogondosik agoi betutab meennyi, ak kimeny got ne itabanat. Ak kibou got Jotam weritab laitoriat, koruokyin bik eng’ emet.

2 LAITORINIK 19:35

Ak kimanda malaikaiyatab Jehovah kemounoto, ak kobar bik elfusiek bogol ak tamanwogik sisiit ak mut eng’ nganasetab Asuriek: ak kingong’eetyo bik karon, ogeero, ki muswek tugul, che kogobek.

2 ATEPTAP PEETUUSYEK 10:15

Koma kasyi anyun laitoriat bichoto; amu ki kit ne kibunu Kamuktaindet, si kobiit kogimit Jehovah ng’olyondennyi, ne kimwa eng’ Aija Silonindet komwachi Jeroboam weritab Nebat.

2 ATEPTAP PEETUUSYEK 13:20

Mata konyor kimnatet kogeny Jeroboam eng’ betusiekab Abija: kibar Jehovah inendet, ak kime.

TIENWOGIKAL 104:29

Ye keuny togeng’ung’, kotoptobenso; Inemu kabusenywa, si kobek, Ak koweektagei temburiekwak.

TIENWOGIKAL 73:19

Katepto ano kot kosib kong’emogis ichek ngunoto! Kagowong’gei eng’ kamuisosiek.

KOMONG'U 12:29

Ak kingoit kemoi kwen, kobar Jehovah taiywek tugul eng’ emetab Misri, koboch taita ne bo Parao ne kitebe ng’echerennyi ne bo bounatet, agoi taita ne bo luulenet ne ki ratat eng’ keringet; ak tugul che kitwatei tiong’ik.

POISYONIGAP CHE KIYOKTOI 12:23

Eng’ sainato anyun kobir inendet malaikaiyatab Kiptaiyat, amu ma konyit Jehovah: ak kiam inendet kutik, ak kime.

1 SAMUEL 25:33

ak iberurot ng’omnateng’ung’, ak iberurot aginye, ne kaetena rani si matumde korotik, amayaaktochigei mugetut eng’ eunnyu.

1 SAMUEL 25:37

Ak karon, ko kagogesgei bogitetab Nabal, komwachi osotiondennyi inendet tuguchuto tugul, ak kime muguleldanyi, ak koigei inendet koita.

1 SAMUEL 26:10

Ak kile Daudi, ko u ye sobei Jehovah, kobarei Jehovah inendet; anan koityi betunnyi ne meei; anan kwo luget kwo komechi oloto.

1 SAMUEL 6:9

Ak ogeer, ngot kotogosta kobun kiwotennyi kowendi Bet-semes, ko kaga ko inendet ne kiyaiywech yaitioni o: ago ngot ko ma bun, kenai anyun kele, ma eunnyi ne kobirech; kaga kiy ne koityech buch.