1 SAMUEL 25:31 - BUKUIT NE TILIL

³¹ ko maegu nito arogenet eng’ inye, ama egu kanagutietab muguleldo eng’ kiptaiyandennyu, ngot ko kiitumde korotik buch, anan ngot ko kigoyaaktochigei mugetut kiptaiyandennyu: ak ye tun kagoyachi Jehovah kiptaiyandennyu kit ne mie, ibwat anyun cheptang’ung’ ne otwogindet.

Bukuit Ne Tilil

³¹ koma egu niito arageneet eng' inyee, ama egu kanagutyetap muguleldo eng' kiptaiyandennyu, ngot ko ki itumde korotiik puch, anan ngot ko ki koyaaktochigei mugetuut kiptaiyandennyu. Ak ye tuun kagoyachi Kamuktaindet ne Toroor kiptaiyandennyu kiit ne myee, ibwaat anyun cheptong'ung' ne otwogindet.”

BUKUIT NE TILIIL Sireet ne Dutero Kanon

³¹ koma egu niito arageneet eng' inyee, ama egu kanagutyetap muguleldo eng' kiptaiyandennyu, ngot ko ki itumde korotiik puch, anan ngot ko ki koyaaktochigei mugetuut kiptaiyandennyu. Ak ye tuun kagoyachi Kamuktaindet ne Toroor kiptaiyandennyu kiit ne myee, ibwaat anyun cheptong'ung' ne otwogindet.”

1 SAMUEL 25:31 ပူးပေါင်းရင်းမြစ်များ

TAUNET 40:14

Ago mie tun ibwata ye tun kagomieit atebeng’ung’, ak irirena anyun, kaigai, ak imwaite eng’ gab Parao, si kimaanda eng’ goi:

2 SAMUEL 22:48

Kamuktaindet ne yaaktoiywa mugetut, Ak koming’ini bik kogasa it,

TIENWOGIKAL 94:1

Ee Jehovah, inye Kamuktaindet ne bo yaaktaetab mugetut, Iluu, inye Kamuktaindet ne bo yaaktaetab mugetut.

LUKA 23:42

Ak kile, Jesu, ibwata ye tun inyone eng’ bounateng’ung’.

ROMANIK 12:19

Chamanichu, amoyaakte mugetut, ago ogochi boroindo neregek: amu sirat kole, Nenyu yaaktaetab mugetut; ayaaktoi, mwaei Kiptaiyat.

ROMANIK 14:21

Mie ngot ko magiam banyek, anan kee maiyek, anan keyai kiy age tugul ne inachi ne otupche.

2 KORINTOEK 1:12

Amu kalosunennyo ko ni, baornatetab kabwatennyo, kele kigiteptoi tililindo ak atepto ne matinyei kenisiet, ne bo Jehovah, eng’ ng’ony, ma eng’ ng’omnatetab borto ago eng’ mieindab Jehovah, ak ne siirei mising’ ko eng’ komostang’wong’.

1 SAMUEL 24:15

Ingoek Jehovah kiruogindet, kotilwech kiruoget eng’ kwenunnyo, ane ak inye, ak kogeer, ak kong’alal agobo ane, ak kosorua eng’ eung’ung’.

1 SAMUEL 25:30

Ak ye kagoyachi Jehovah kiptaiyandennyu ko u mieindo tugul ne kimwaitaenen, ak kondein iegu bounindetab Israel;

1 SAMUEL 25:33

ak iberurot ng’omnateng’ung’, ak iberurot aginye, ne kaetena rani si matumde korotik, amayaaktochigei mugetut eng’ eunnyu.

1 SAMUEL 25:40

Ak kingoit otwogikab Daudi ole mi Abigail eng’ Karmel, kong’alalji, kolenji, Kagoyokwech Daudi kebwa ole imi, si kimutin iegu osotiondennyi.

1 SAMUEL 26:23

Ak yaakyin Jehovah chi age tugul imandanyi ak mieindanyi: amu kagondein Jehovah eunnyu rani, ak ma acham achuul eunnyu abar ne iilat ne bo Jehovah.