1 SAMUEL 25:17 - BUKUIT NE TILIL

¹⁷ Nai anyun ak ibwat kit ne iyae; amu kigetilji yaitiet kiptaiyandennyo, ak gonnyi tugul: amu inendet ko weritab Belial ne siirtoot, kot ko maimuchi chi kotwekyi.

Bukuit Ne Tilil

¹⁷ Nai anyun ak ibwaat kiit ne iyae, amu kigetilji yaityet kiptaiyandennyo ak koonnyi tugul. Amu ineendet ko chii ne ya, ne uui met ak ma imuuchi chii kotwekyi.”

BUKUIT NE TILIIL Sireet ne Dutero Kanon

¹⁷ Nai anyun ak ibwaat kiit ne iyae, amu kigetilji yaityet kiptaiyandennyo ak koonnyi tugul. Amu ineendet ko chii ne ya, ne uui met ak ma imuuchi chii kotwekyi.”

1 SAMUEL 25:17 ပူးပေါင်းရင်းမြစ်များ

2 SAMUEL 24:13

Kinyo anyun Gad ole mi Daudi, ak komwachi inendet kolenji, Mie koamin rubet kenyisiek tisab eng’ emeng’ung’? Anan imweote eng’ arawek somok eng’ taitab buniguk koonotin? Anan biit koroitab ng’ony eng’ emeng’ung’ betusiek somok? Til anyun nguno, ak ibwat kit ne awoljini inendet ne kaiyokwa.

1 LAITORINIK 21:10

ak onde bik aeng’ tainnyi, werikab Belial, ak ongobaorian kotaam inendet, kole, Kechub inye Kamuktaindet ak laitoriat. Yeityo omut inendet kwo sang’, ak olach eng’ koik, kome.

1 LAITORINIK 21:13

Ak kibwa go bik aeng’u, werikab Belial, ak kotebi ng’ony eng’ tainnyi: ak kobaorian kotaam inendet, bichoto bo Belial, kogen agobo Nabot eng’ taitab bik, kole, Kachub Nabot Kamuktaindet ak laitoriat. Komut anyun inendet komaanda eng’ nganaset, ak kolach inendet eng’ koik, kome.

2 ATEPTAP PEETUUSYEK 13:7

Ak kiiyumjigei inendet bik che yaach, werikab Belial, che kiigimitgei kobargei ak Reoboam weritab Solomon, ye kita ko ming’in Reoboam ak kotinyei rirge, ak ma imuch kogirinda ichek.

2 ATEPTAP PEETUUSYEK 25:16

Ak ye kita kong’alaldos ak inendet, kolenji laitoriat, Tos kogindein iegu kiruogindetab laitoriat? Muite; amu nee si imache kebarin? Kimuita anyun maotiot, ak kile, Angen ale, kagotil Kamuktaindet kole kong’emin, amu kaiyai ni, ama igas ng’alekyuk.

ESTA 7:7

King’eet laitoriat eng’ neregek kwo eng’ igorato bo divaik, kwo mbaretab gotab laitoriat: ak kotonon Haman kole kosom Esta osotiotab laitoriat kesor sobondanyi; amu kigeer kole kagobegechi laitoriat koyachi inendet yaitiet.

KALEWANAIK 12:8

Kilosu chi ko u kit ne te ng’omnatennyi: Ago kisasei inendet ne tinyei muguleldo ne imaasat.

NG'ATUTIK 13:13

Kamong’une kwenung’ung’ bik alak che yaach, ak koba komaas bik che menyei nganasenywa, kolenji, Ongebe keot cheptalelisiek, che mongen;

KIRUOGIK 19:22

Ak ye kiiboiboi mugulelwekwak, ogeero, kibwa murenikab nganasanato, werikab Belial, koyiem got, ak kobir kurget; ak king’alalji chitab kobo got, boiyondonoto, kolenji, Imoong’u chichi kanyo gong’ung’, si kobiit kesuub.

1 SAMUEL 10:27

Ago kile werik alak che bo Belial, Sorundoech ano chichi? Ak kisas inendet, ama ipchi kagochinet. Ago kisis Saul.

1 SAMUEL 2:12

Werikab Eli ko ki werikab Belial; kima nai ichek Jehovah.

1 SAMUEL 20:7

Ngot komwa ko u noto, kole, Mie; konyoru anyun otwogindeng’ung’ kalyet; ago ngot konerech, inai anyun ile kagotil kole yaei kit ne ya.

1 SAMUEL 20:9

Ak kile Jonatan, Ingolooit eng’ inye: amu ndangen ale kagotil baba kole koyaun kit ne ya, ko tos mamwaun?

1 SAMUEL 25:16

ak kiek ichek ng’otwennyo eng’ achek kemoi ak bet, betusiek tugul ye kigimitei tugul ak ichek, kiyagi kechirek.

1 SAMUEL 25:18

Kichirjiren anyun Abigail, ak konam makatinik bogol aeng’ ak sotonik aeng’ che bo divaik, ak kechirek mut che kageeny che chobotin, ak kerutik mut che nyiitotin bek che kagegel, ak temenik bogol che mi sabibuk che yaamnyotin, ak makatinik bogol aeng’ che bo mogoonik, ak kiratyi sigirok.

1 SAMUEL 25:25

Asain kiptaiyandennyu ale, mat iit chichi bo Belial, inendet Nabal: amu ko u kit ne u kainennyi, ko u noto inendet; kainennyi ko Nabal, ak tinyei abusnatet; ago ma ageer ane cheptang’ung’ ne otwogindet, murenjoto bo kiptaiyandennyu che kigeyogu.