1 SAMUEL 22:10 - BUKUIT NE TILIL

¹⁰ Ak kiteepsechi eng’ Jehovah agobo inendet, ak kogochi inendet amitwogik, ak kogochi rotwetab chok ne ki bo Goliat Pilistindet.

Bukuit Ne Tilil

¹⁰ Kiteepsechi Ahimelek eng' Kamuktaindet ne Toroor agobo ineendet yeityo kogoochi amitwogik ak rotwetap chok ne ki po Goliat Philistindet.”

BUKUIT NE TILIIL Sireet ne Dutero Kanon

¹⁰ Kiteepsechi Ahimelek eng' Kamuktaindet ne Toroor agobo ineendet yeityo kogoochi amitwogik ak rotwetap chok ne ki po Goliat Philistindet.”

1 SAMUEL 22:10 ပူးပေါင်းရင်းမြစ်များ

KAITOSYEK 27:21

Ak kotonon inendet eng’ taitab Eleasar tisiindet, si koteepchi inendet kandoiset eng’ taitab Jehovah eng’ kiruogetab Urim: mandoi eng’ ng’olyondennyi, ak komong’u eng’ ng’olyondennyi, inendet ak lagokab Israel tugul, agot tuiyet komugul:

1 SAMUEL 10:22

Kota koteebe Jehovah anyun kogeny, kolenji, Ta komi chi ne ta konyonei yu? Ak kiwol Jehovah kole, Kaung’egei tuguk.

1 SAMUEL 21:10

Ak king’eet anyun Daudi, komwei betunoto amu kiiywei Saul, ak kwo oldab Akis laitoriatab Gat.

1 SAMUEL 22:11

Kiiyokto anyun laitoriat keguur tisiindet Aimelek, weritab Aitub, ak bik tugul che bo gotab kwandanyi, tisiik che kimi Not: ak kibwa ichek tugul ole mi laitoriat.

1 SAMUEL 22:13

Ak kimwachi Saul inendet kolenji, Amu nee si ochaama, inye, ak weritab Jesii, kiigochi inendet makatinik, ak rotwetab chok, ak kiiteepsechi inendet eng’ Kamuktaindet, si kong’eetya, koboriena, kosapcha, ko u rani?

1 SAMUEL 22:15

Tos katau rani ateepsechi inendet eng’ Kamuktaindet? Ingolooit eng’ ane: amat koiityi laitoriat kiy age tugul otwogindennyi, anan got tugul ne bo baba: amu maingen otwogindeng’ung’ agobo ng’alechu tugul che ng’ering’ anan ngo che chang’.

1 SAMUEL 23:12

Komwa Daudi anyun kole, Tos indea eutab Saul bikab Keila, ane ak bikyuk? Ak kile Jehovah, Indein.

1 SAMUEL 23:2

Koteebe anyun Daudi Jehovah kolenji, Awe abar Pilistichuto? Ak kilenji Jehovah Daudi, Ui ak ibar Pilistik, ak isoru Keila.

1 SAMUEL 23:4

Koteebe anyun Daudi Jehovah kogeny. Ak kiwolji Jehovah inendet kolenji, Ng’eet, chortege Keila; amu andoi Pilistik euneguk.

1 SAMUEL 30:8

Ak kiteebe Daudi Jehovah kolenji, Ngot asub lugoni, aname? Ak kiwolji kolenji, Isub: amu iname iman, ak ne matiny imutu tugul.