1 SAMUEL 20:5 - BUKUIT NE TILIL

⁵ Ak kilenji Daudi Jonatan, Keero, leelei arawet mutai, ak kama kota nyoljina atebi, ama kitebi ak laitoriat mutai eng’ amisiet: ago chamwa awa, si awa aung’ge eng’ timin agoi betutab somok koskoleny.

Bukuit Ne Tilil

⁵ Ki leenji `Daudi Jonathan, “Leelei arawet mutai ago magaat atebi ak laitoryat eng' amisyet. Kaigai chamwo awo si aunygei eng' timiin agoi peetuutap somok koskoleny.

BUKUIT NE TILIIL Sireet ne Dutero Kanon

⁵ Ki leenji `Daudi Jonathan, “Leelei arawet mutai ago magaat atebi ak laitoryat eng' amisyet. Kaigai chamwo awo si aunygei eng' timiin agoi peetuutap somok koskoleny.

1 SAMUEL 20:5 ပူးပေါင်းရင်းမြစ်များ

2 LAITORINIK 4:23

Ak kile manong’otiondennyi, Amu nee si iwe ole mi inendet ra? Ama betut ne kaleel arawet, anan ko sabato. Ak kile, Ma ya.

TIENWOGIKAL 55:12

Amu kima ko bunyot ne kirosya: Nda ki bunyot ta kiamuitoi: Ama inendet ne kiwecha ne kiilosunenagei; Amu ta kiaung’egei inendet:

TIENWOGIKAL 81:3

Oguut iriaget ko kaleel arawet, Ye kagoeet arawet, eng’ betunnyo ne bo igorta ne o.

KALEWANAIK 22:3

Keerei chito ne ng’om yaitiet ak kounygei: Ago siirtoi abusanik, ak konyor nyalilda.

AMOS 8:5

olen, Meei au arawet ne kaleel, si kobiit kealde bek? Ak igesugei au sabato, si kobiit kimarte bek? Si keyai epah koming’init, ak keyai sekel koeet, si keyai kaberberisiet eng’ tuguk che kirogendoisie che bo ng’alset;

KAITOSYEK 10:10

Ak eng’ betut ne bo kagaseng’wong’ bo ge, ak eng’ igorwekwok che kiging’at, ak ye leeldos arawekwok, oguut anyun igondisiek eng’ baragutab kagochinoikwok che kibeelei, ak eng’ baragutab tiseiywek che bo kagochinoikwok che bo kalyet; ak egu kabwatet eng’ okwek eng’ taitab Kamuktaindeng’wong’: a Jehovah Kamuktaindeng’wong’.

KAITOSYEK 28:11

Ak eng’ taunaikab arawekwok, ogochini kagochinet ne kibeelei, kirugik aeng’ che mengechen, ak mengit agenge, arek tisab che mengichik che libwoben, che masiirei kenyit agenge.

JOHANA 8:59

Kiinem anyun koik komachei kowire inendet: ago kiung’gei Jesu, ak komanda eng’ hekalut.

POISYONIGAP CHE KIYOKTOI 17:14

Koyokto anyun ngunoto tupchosiek Paulo kot koit nyanjet: ak kita kotebi eng’ oloto Sila ak Timoteo.

KOLOSAIK 2:16

Noto anyun amat koruokwok chi age tugul agobo amitwogik, anan agobo che kieei, anan agobo betutab igorta anan agobo arawet ne kaleel anan betutab sabato:

1 SAMUEL 19:2

Ago kibaibai mising’ Jonatan weritab Saul agobo Daudi. Ak kimwachi Jonatan Daudi, kolenji, Cheng’ei baba Saul kobarin: noto anyun asain mising’ ale, ripge karon, ak itebi eng’ ung’ot, iunyge:

1 SAMUEL 20:18

Kilenji anyun Jonatan inendet, Leelei arawet mutai: ak tun kigeerei kele memi, amu mi ng’echereng’ung’ buch.

1 SAMUEL 20:19

Ak ye kaibeni betusiek somok, ichortege ichakte, ak iit ole kigeung’ege ye kigimwaei ng’alechato, ak itebe ole negite koitab Esel.

1 SAMUEL 20:24

Kiunygei Daudi anyun eng’ timin: ak kingoleel arawet, koteb laitoriat koamis.

1 SAMUEL 20:27

Ak ki mutai, ko kagoleel arawet, eng’ betut ne bo aeng’, ko kimi buch komostab Daudi: ak kilenji Saul Jonatan werinnyi, Amu nee si ma nyo weritab Jesii amisiet, amut, ak raini?

1 SAMUEL 20:4

Kolenji anyun Jonatan Daudi, Kit age tugul ne machei sobondang’ung’, ayaun kioto.

1 SAMUEL 20:6

Ngot kogeer kwandang’ung’ kole mami ane, imwachi anyun ilenji, Kosoma Daudi mising’ kole achamji kolabat kwo Bet-lehem nganasennyi: amu mi oloto tiseiywotab kenyit age tugul ne bo orenywa tugul.