1 SAMUEL 20:17 - BUKUIT NE TILIL

¹⁷ Ak kiiyosiechi Jonatan Daudi ne bo aeng’, amu chamnyet ne o ne kiting’e inendet: amu kichamei inendet ko u ye kichamei sobondanyi.

Bukuit Ne Tilil

¹⁷ Ki iyasyechi `Jonathan Daudi ne po aeng', amu chamyet ne oo ne kiting'e ineendet, amu ki chamei ineendet ko uu ye ki chamei saboondanyi.

BUKUIT NE TILIIL Sireet ne Dutero Kanon

¹⁷ Ki iyasyechi `Jonathan Daudi ne po aeng', amu chamyet ne oo ne kiting'e ineendet, amu ki chamei ineendet ko uu ye ki chamei saboondanyi.

1 SAMUEL 20:17 ပူးပေါင်းရင်းမြစ်များ

2 SAMUEL 1:26

Aarogeni amu inye, tupchennyu Jonatan: Kiigona abaibait mising’: Ki bo kwong’et chamnyeng’ung’ ne kiichama, Kisiirei chamnyetab kwonyik.

KALEWANAIK 17:17

Tinyei choruet chamnyet kotugul, Ak kisichei ne tupcho agobo nyalilda.

KALEWANAIK 18:24

Cheng’jingei ng’emisiet inendet ne cheng’ei choronok che chang’: Ago mi choruet ne namegei kosiir ng’etab kamet.

JEREMIA 40:9

Ak kiiyosiechi Gedalia weritab Aikam weritab Sapan bichoto ak murenikwak, kolenji, Amoiywei oot Kaldeik: omeng’isie eng’ emet, ak oot laitoriatab Babulon, si komieit eng’ okwek.

NG'ATUTIK 13:6

Ngo kaigain eng’ ung’ot ng’etab komet, anan wering’ung’, anan cheptang’ung’, anan osotiondeng’ung’ ne ichame, anan chorueng’ung’ ne ichame ko u ye ichame sobondang’ung’, kolenjin, Ngebe keot kanamonik, che kima ingen, inye, anan kwanisieguk;

1 SAMUEL 18:1

Ak kingo kagoges inendet ng’alaljinetab Saul, konamgei sobondab Jonatan ak sobondab Daudi, ak kicham Jonatan inendet ko u sobondanyi.

1 SAMUEL 18:3

Kiiyomisgei anyun Jonatan ak Daudi, amu kicham Jonatan inendet ko u sobondanyi.