1 SAMUEL 20:16 - BUKUIT NE TILIL

¹⁶ Koyai anyun Jonatan arorutiet koboto gotab Daudi kole, Ak tun mage Jehovah kioto eunekab bunikab Daudi.

Bukuit Ne Tilil

¹⁶ Ki yai anyun `Jonathan arorutyet kobooto kootap Daudi kole, Tuun mage Kamuktaindet ne Toroor kioto eunegap puunigap Daudi.”

BUKUIT NE TILIIL Sireet ne Dutero Kanon

¹⁶ Ki yai anyun `Jonathan arorutyet kobooto kootap Daudi kole, Tuun mage Kamuktaindet ne Toroor kioto eunegap puunigap Daudi.”

1 SAMUEL 20:16 ပူးပေါင်းရင်းမြစ်များ

TAUNET 15:18

Ak kiiyomisgei Jehovah betunoto ak Abram, kole, Kiagochi iyoteng’ung’ emoni, koboch ainetab Misri agoi ainet ne o, ne kiguure Euprate:

2 SAMUEL 21:8

Ago kinam laitoriat werik tuwai che bo Rispa cheptab Aia, che kiga sikyi Saul, Armoni ak Mepiboset; ak werik mut che bo Mikal cheptab Saul, che kiga sikyi Adriel weritab Barsilai Meolatindet:

JEREMIA 40:9

Ak kiiyosiechi Gedalia weritab Aikam weritab Sapan bichoto ak murenikwak, kolenji, Amoiywei oot Kaldeik: omeng’isie eng’ emet, ak oot laitoriatab Babulon, si komieit eng’ okwek.

NG'ATUTIK 23:21

Ye iarorji Jehovah Kamuktaindeng’ung’ kaarorunet, ko mat igaegei: amu magenen Jehovah Kamuktaindeng’ung’ kioto iman; si maek tengekto eng’ inye.

JOSHUA 22:23

keteekyige kaptisisiet kemaste eng’ kasubet ne kisubi Jehovah; anan ngot kemache kigoite kagochinet ne kibeelei, anan ngot ko kagochinetab busiek, anan ngot kigoite korosekab kagochinoik che bo kalyet, ko ingoyaakta Jehovah inegei;

1 SAMUEL 18:3

Kiiyomisgei anyun Jonatan ak Daudi, amu kicham Jonatan inendet ko u sobondanyi.

1 SAMUEL 20:42

Ak kilenji Jonatan Daudi, Ui eng’ kalyet, amu ko u ye kagiyosie tuwai eng’ kainetab Jehovah, kele, Tebyei Jehovah eng’ kwenunnyo, ane ak inye, ak kwenutab iyotennyu ak iyoteng’ung’ koigeny. Ak king’eet kwo: ak kiwa Jonatan nganaset.

1 SAMUEL 22:8

kot ochaama okwek tugul? Ma biit agot agenge ne ng’ang’wa ye yaei arorutiet werinnyu ak weritab Jesii, ama mi chi eng’ okwek ne rirena, anan ko ne ng’ang’wa kole kogong’eet werinnyu otwogindennyu kosuriena, kosapcha, ko u rani?

1 SAMUEL 23:18

Ak kiiyomisgei tuwai eng’ taitab Jehovah: ak kitebe Daudi osnet, ak kwo Jonatan gonnyi.

1 SAMUEL 25:22

Ingoyachi Kamuktaindet ko u noto bunikab Daudi, ak kotes, ngot abagakte kiy age tugul ne nenyi mutai kaeech, agot lakwet agenge ne ng’etet.

1 SAMUEL 25:26

Ara anyun kiptaiyandennyu, ko u ye sobei Jehovah, ak ko u ye sobei sobondang’ung’, ak ko u ye kietenen Jehovah si metumde korotik, si meyaaktochigei mugetut eng’ eung’ung’, noto anyun, ingoigei buniguk Nabal, ak ichek che cheng’jin yaitiet kiptaiyandennyu.

1 SAMUEL 31:2

Ak kion Pilistik mising’ Saul ak werikyik, kirikyi; ak kibar Pilistik Jonatan, ak Abinadab, ak Malkisua, werikab Saul.