1 SAMUEL 2:9 - BUKUIT NE TILIL

⁹ Ribei kelyekab bikyik che tililen, Ago igochin kiptengeginik kosisyo eng’ ole imen; Amu maiterterisiei chi amu kimnatet.

Bukuit Ne Tilil

⁹ Riibei keelyegap piik che iywei ineendet, ago yaei kiptengeginik kolusyo eng' imenindo. Amu ma eng' kimnon si kobelis chii.

BUKUIT NE TILIIL Sireet ne Dutero Kanon

⁹ Riibei keelyegap piik che iywei ineendet, ago yaei kiptengeginik kolusyo eng' imenindo. Amu ma eng' kimnon si kobelis chii.

1 SAMUEL 2:9 ပူးပေါင်းရင်းမြစ်များ

Kitabuutap JOB 18:18

Kionei eng’ ole mi lapkeiyet kwo mesundeito, Ak keon eng’ ng’ony.

Kitabuutap JOB 40:13

Ung’e temburiek kibagenge; Tuch togochikwak eng’ ole ung’at.

Kitabuutap JOB 5:16

Tinyei anyun kibananiat kamang’unet, Ak konamak kut tengekto.

Kitabuutap JOB 5:24

Ak inai ile mi kalyet emaing’ung’; Irutochini biung’ung’, ama betun kiy.

TIENWOGIKAL 1:6

Amu ingen Jehovah oretab che bo imanda: Ago betei oretab kiptengeginik.

TIENWOGIKAL 105:37

Ak kiimong’ ichek koibei feda ak tahabu: Ak kima komi chi ne nyalulat agot agenge eng’ bororiosiekyik.

TIENWOGIKAL 121:3

Machamdoi inendet keldang’ung’ keisto: Mainuuchi inendet ne ribin.

TIENWOGIKAL 121:5

Ribindeng’ung’ Jehovah: Jehovah urueng’ung’ eng’ eung’ung’ ne bo tai.

TIENWOGIKAL 121:8

Ribin Jehovah ye imandoi sang’ ak ye inyone go, Koboch nguno agoi koigeny.

TIENWOGIKAL 145:20

Ribei Jehovah tugul che chamei inendet; Ago ng’emei kiptengeginik.

TIENWOGIKAL 31:17

Ameng’alilan, ee Jehovah; amu kaaguurin: Ingolilanso kiptengeginik, ingosisyo eng’ oldab meet.

TIENWOGIKAL 37:28

Amu chamei Jehovah imanda, Ama bagaktoi chechiget che tililen; Kiribei agoi koigeny: Ago kiwong’u keswekab kiptengeginik.

TIENWOGIKAL 94:18

Ye kingale, Ichaboitoi keldanyu, Kotiia rireneng’ung’, ee Jehovah.

TIENWOGIKAL 97:10

Ee okwek che ochame Jehovah, owech yaitiet: Ribei sobonwekab chechik che tililen; Soru ichek eng’ eutab kiptengeginik.

KALEWANAIK 16:9

Chobei muguleldab chi orennyi: Ago indochin Jehovah kakwautikyik.

KALEWANAIK 2:8

Si kobiit korib ortinwekab kiruoget, Ak koribei ortinwekab bikyik che tililen.

KALEWANAIK 3:26

Amu egu Jehovah kamang’uneng’ung’, Ak koribei inendet keldang’ung’ ama kinam.

AMDOINDET 5:17

Amisiei kogeny eng’ betusiekyik tugul eng’ mesundeito, ak tinyei arogenet ne ng’wan, ak miando ak neregek.

AMDOINDET 9:11

Kiaweege ak ageer eng’ kureretab asista, ale, ma bo kabeletab ge che chepcheb, ama bo luget che kimen, ama bo amitwogik che ng’omen, ama bo magornatosiek bikab naet, ama chamotin bik che utotin; ago ityin ichek tugul sainywa ak betunywa.

ISAIAH 27:3

Ane Jehovah ne aribe; abisi kotugul, aribe kemoi ak bet si mang’em chi.

ISAIAH 47:5

Tebi eng’ sisek, ak iwe mesundeito, ee cheptab Kaldeik: amu ma keguurenen kogeny Chebiosetab bountosiek.

JEREMIA 8:14

Amu nee si ketebi ak kesistosi? Oyumge, ak ongebe nganasok che ribotin, ak kesisye eng’ oloto: amu kagonech Jehovah Kamuktaindennyo kesisye, ak kogonech beekab kipsegetetiet kee, amu kigeyachi Jehovah tengekto.

JEREMIA 9:23

Mwaei Jehovah ko u ni kole, Amat kolosgei chito ne ng’om eng’ ng’omnatennyi, anan kolosgei chito ne kim amu kimnatennyi, amat kolosgei magoriot eng’ magornatosiekyik:

NAHUM 1:8

Ago igesu komosato eng’ maranet ne o, ak koon bunikyik koba mesundeito.

SEPANIA 1:15

Egu betunoto betutab neregek, betutab nyalilda ak bichiindo, betutab ng’emisiet ak kubernatet, betutab mesundeito ak tuuindo, betutab bolik ak mesundeito ne nyigis.

SEKARIA 4:6

Yeityo kowol kolenja, Ni ko ng’olyotab Jehovah ne mwachin Serubabel, kolenjin, Ma eng’ kamuktaet, ama eng’ kimnatet, ago eng’ Tamirmiriennyu, mwaei Jehovah ne bo lugosiek.

KAITOSYEK 6:24

Ingoberurin Jehovah, ak koribin;

MATAYO 8:12

ago kitoorjin werik che bo bounatet mesundeito ne bo sang’: ole mi rirek ak nyeetab kelek.

ROMANIK 3:19

Ak kingen kele tuguk alak tugul che mwaei Ng’atutiet, komwachin ichek che mitei eng’ bounatetab Ng’atutiet; si kobiit keger kutit age tugul, ak si kimutyi ng’ony komugul kiruogetab Jehovah:

NG'ATUTIK 33:3

Ee, kichamei bororiosiek; Mi eung’ung’ bikyik tugul che tililen: Ak kitebe ole bo kelyeguk; Taachei age tugul eng’ ng’aleguk.

1 PETERO 1:5

okwek che kiribei eng’ kimnatetab Jehovah eng’ kayanet si onyoru yetunet ne chobot keng’any eng’ betutab let.

2 PETERO 2:17

Chuto kondametusiek che matinyei beek, ak ko bolik che iboti usonet; che kigigonorji tuuindab mesundeito.

JUDA 1:1

Juda, otwogindetab Jesu Kristo, ak ko tupchetab Jakobo, asirjini che kigeguur, che chamotin eng’ Jehovah Kwanda, ak ko ribotin agobo Jesu Kristo:

JUDA 1:13

mildaetab ge ne korom ne bo nyanjet; che igutu kalilanenywa; kecheik che ombenioti, che kigigonorji tuuindab mesundeito ne bo koigeny.

JUDA 1:3

Chamanichu, ye kiagiilige mising’ asirwak agobo yetunet ne kiyamdoi, ageer ale nyoljina asirwak ateeiywok ale ogiiljige mising’ kayanet ne kigigochi che tililen konyil agenge kityo.

1 SAMUEL 25:26

Ara anyun kiptaiyandennyu, ko u ye sobei Jehovah, ak ko u ye sobei sobondang’ung’, ak ko u ye kietenen Jehovah si metumde korotik, si meyaaktochigei mugetut eng’ eung’ung’, noto anyun, ingoigei buniguk Nabal, ak ichek che cheng’jin yaitiet kiptaiyandennyu.