1 SAMUEL 2:8 - BUKUIT NE TILIL

⁸ Ing’eeti kibananok komong’une temburiek, Kanabu eng’ kapng’atat che matinyei kiy, Si kogochi kotebi ak bounik, Ak kosich ng’echeretab torornatet: Amu bo Jehovah tolochikab ng’ony, Ak kiinde ng’onyut kotonone choto.

Bukuit Ne Tilil

⁸ Ing'eeti kibananook komang'une temburyek, ak ko kanabu eng' kapng'atat che ma tinyei kiy, si kogoochi kotebi ak pounik, ak kosich ng'echereetap toroornatet. Amu po Kamuktaindet ne Toroor tolochigap ng'wony, ak ki konde ng'wony kotonone chooto.

BUKUIT NE TILIIL Sireet ne Dutero Kanon

⁸ Ing'eeti kibananook komang'une temburyek, ak ko kanabu eng' kapng'atat che ma tinyei kiy, si kogoochi kotebi ak pounik, ak kosich ng'echereetap toroornatet. Amu po Kamuktaindet ne Toroor tolochigap ng'wony, ak ki konde ng'wony kotonone chooto.

1 SAMUEL 2:8 ပူးပေါင်းရင်းမြစ်များ

TAUNET 41:14

Kiiyokto anyun Parao eng’ yoto keguur Josep, ak kigimoong’ inendet eng’ keringet, kechogune: ak kiinen tamnet, ak kowal ngoroikyik, ak kwo ole mi Parao.

TAUNET 41:40

inye ne kebou gonnyu ak ko u ng’olyondeng’ung’ ko kebou bikyuk tugul; kobate eng’ ng’echeretab laitornatet, ko ane ne o eng’ inye eng’ noto.

2 SAMUEL 7:8

Ara anyun, imwachini otwogindennyu Daudi ko u ni, ilenji, Kamwa ko u ni Jehovah ne bo lugosiek kole, Kiamutun eng’ biutab kechirek, eng’ kayagetab kechirek, si kobiit iegu bounindet eng’ bikyuk, ibou Israel:

1 LAITORINIK 16:2

Ko u ye kiatororin imong’une temburiek, ak ayain iegu bounindetab bikyuk Israel; ak koiwendote ortinwekab Jeroboam, ak koigochi bikyuk koyai tengekto, kotacha eng’ tengekwogikwak anerech:

2 LAITORINIK 9:6

Ak king’eet kwo go; ak kirong’ji mwaita metinnyi, ak kolenji inendet, Kamwa ko u ni Jehovah Kamuktaindetab Israel, kole, Kaaiilin iegu laitoriat eng’ bikab Jehovah, che icheget ko Israel.

Kitabuutap JOB 1:21

ak kile, Kigisicha ach ngor, ak aweeksei ach ngor: kigonu Jehovah, ak kagoweech Jehovah; iberurot kainetab Jehovah.

Kitabuutap JOB 2:8

Ak kiinem Job rokyet kong’iriregei; ak kitebe orek.

TIENWOGIKAL 102:25

Kiiyai ole tonone ng’ony keny; Ak boisietab euneguk kipsengwetisiek.

TIENWOGIKAL 104:5

Ne kilumda lumeiywek che tonone ng’ony, Si ma kiisto agoi koigeny.

TIENWOGIKAL 107:41

Ago itorori ne banani si manyor usisiet, Ak koyai gab chi koek akwetab kechirek.

TIENWOGIKAL 24:2

Amu inendet ne kilumdoi eng’ nyanjosiek, Ak kogimit eng’ ainosiek.

TIENWOGIKAL 75:3

Kigochoot ng’ony koboto chechik tugul che menyei oloto: Kialum tolochikyik.

TIENWOGIKAL 75:4

Kialenji che mendos, Amomenie: Ak kialenji che yaachen, Amotoror kuineng’wong’:

TIENWOGIKAL 75:7

Ago kiruogindet Kamuktaindet: Iming’ini age, ak koeeti age.

AMDOINDET 4:14

Amu kimong’une korgoret konyo koek laitoriat; ee, kigisichei ko kibananiat agot eng’ bounatennyi.

ISAIAH 22:23

Ak agiich inendet ko u kipchumariat eng’ ole kim; ak koek ng’echeretab torornatet eng’ gotab kwandanyi.

DANIEL 2:48

Koeet anyun laitoriat Daniel, ak kogochi inendet kagochinoik che eechen, ak kogochi inendet koboi emet komugul ne bo Babulon; ak koek kiruogindet ne o ne bou bik tugul che ng’omen che bo Babulon.

DANIEL 4:17

Bunu kiruogoni ng’atutietab ribik, ak bunu magonato ng’olyotab icheget che tililen: si kobiit konai che soptos kole bou Inendet ne Toror Mising’ bounatetab bik, ak kogochin age tugul ne makyin, ak koeeti bik che nyerotin mising’ koboi.

DANIEL 6:3

Kigigonyit anyun Daniel kosiir boisiechoto ak bounik, amu kitinyei tamirmiriet ne mie mising’; ak kiibwat laitoriat kole konde inendet koboi bororiet komugul.

HEBRANIK 1:3

inendet ko kakweng’etab lilindanyi, ak itondo ne bo indennyi, ak kotononi tuguk tugul eng’ ng’olyotab kamuktaennyi, kingo kagoyai kaundoetab tengekwogik, kwo kotebe eutab tai ne bo Etunatet eng’ barak;

JAKOBO 2:5

Ogaso, tupchosiekyuk ak ko chamanikyuk; tos kima lewen Jehovah che bonondos eng’ ng’ony koek magorek eng’ kayanet, ak koek che nyoru bounatet ne kigoarorji ichek che chamei inendet?

NG'ANG'UTYET 1:6

ak koyaech keegu bororiet, ak keegu tisiik eng’ Jehovah nenyi, ak ko Kwanda; nenyi torornatet ak kimnatet koigeny ak koigeny. Amen.

NG'ANG'UTYET 22:5

Ama komi kemout kogeny; ama machei lapkeiyetab tait, anan ko lapkeiyetab asista; amu igochin ichek lapkeiyet Kiptaiyat Jehovah: ak laitorani ichek koigeny ak koigeny.

NG'ANG'UTYET 3:21

Inendet ne iterteri, kotun agochini kotebi kobota eng’ ng’echerennyu ne bo laitornatet, ko u ye kiaterter agane, ak ketebi ak Baba eng’ ng’echerennyi ne bo laitornatet.

NG'ANG'UTYET 5:10

ak kiiyai ichek koek bororiet ak tisiik eng’ Jehovah nenyo; ak kobounisiei eng’ ng’ony.

1 SAMUEL 15:17

Ak kimwa Samuel kole, Nganda kii ming’in ye kiigeerege, ko kima kieetin iegu kandoindetab bororiosiekab Israel? Ak koiilin Jehovah iegu laitoriat eng’ Israel;