1 SAMUEL 2:30 - BUKUIT NE TILIL

³⁰ Noto anyun, mwaei Jehovah, Kamuktaindetab Israel, kole, Kiamwa iman ale, wendoti eng’ tainnyu gong’ung’, ak gotab kwandang’ung’, koigeny: ago kamwa Jehovah nguno kole, Ingolooit eng’ ane; amu ichek che konyita, agonyiti, ago icheget che maiita kole a kiy, kesasei.

Bukuit Ne Tilil

³⁰ Nooto anyun mwaei Kamuktaindet ne Toroor Kamuktaindetap Israel kole, ‘Ki amwa iman ale, wendoti eng' tainnyu koong'ung' ak kootap kwandang'ung' koigeny.’ Ago kamwa Kamuktaindet ne Toroor nguno kole, ‘Ingolooit eng' anee!’ Icheek che konyita, agonyiti, ago icheeget che ma iita kole aa kiy, kesasei.

BUKUIT NE TILIIL Sireet ne Dutero Kanon

³⁰ Nooto anyun mwaei Kamuktaindet ne Toroor Kamuktaindetap Israel kole, ‘Ki amwa iman ale, wendoti eng' tainnyu koong'ung' ak kootap kwandang'ung' koigeny.’ Ago kamwa Kamuktaindet ne Toroor nguno kole, ‘Ingolooit eng' anee!’ Icheek che konyita, agonyiti, ago icheeget che ma iita kole aa kiy, kesasei.

1 SAMUEL 2:30 ပူးပေါင်းရင်းမြစ်များ

1 LAITORINIK 11:11

Kilenji anyun Jehovah Solomon, Amu koiyai kii, ama irib kayomisennyu ak ng’atutikyuk che kiang’atin, arebenen iman bounatet, ak agochi otwogindeng’ung’.

1 LAITORINIK 2:27

Koon anyun Solomon Abiatar si mata koek tisiindetab Jehovah; si kobiit kosulda ng’olyotab Jehovah, ne kimwa agobo gotab Eli eng’ Silo.

1 ATEPTAP PEETUUSYEK 17:18

Nee age ne ta komuchi Daudi komwaun agobo teegisto ne kiyachin otwogindeng’ung’? Amu ingen otwogindeng’ung’.

2 ATEPTAP PEETUUSYEK 15:2

ak kiwa kotorokta Asa, kolenji, Ogasa okwek, inye Asa ak Juda tugul ak Benjamin: mi Jehovah kobotok, ye otebye ak inendet; ak ngot ocheng’ inendet, onyoru; ago ngot omete inendet, kometok.

2 ATEPTAP PEETUUSYEK 26:18

Ak kigirinda Usia laitoriat, kolenji, Manyoljin, Usia, ibeelji Jehovah nyamdutik, ago nyoljin tisiik werikab Aron, che kigitaban kobeel nyamdutik: mande eng’ ole tilil; amu kengelel; maegu teegisto nito eng’ inye ne bunu Jehovah Kamuktaindet.

TIENWOGIKAL 18:20

Kigona Jehovah ko u imandanyu; Kigona ko u tililindab eunekyuk.

TIENWOGIKAL 18:26

Eng’ che tililen ibartoige ile i tilil, Ak eng’ che mastoi, obortosi.

TIENWOGIKAL 50:23

Age tugul ne igoitoi korosiotab kongoi ko noto ne iloswa; Ak inendet ne chobei atebennyi komie Aborjini yetunetab Kamuktaindet.

TIENWOGIKAL 73:20

U karuotitoet ye kagos chito; Ko u noto, ee Kiptaiyat, ye ing’eet inye, isase itondanywa.

TIENWOGIKAL 91:14

Amu kigochama, asoru eng’ noto anyun: Atorori inendet, amu kigonai kainennyu.

TIENWOGIKAL 91:15

Kuura, ak aitenji; Kitebye tuwai eng’ nyalilda: Asoru inendet, ak agonyit.

KOMONG'U 28:43

Ak kolaach ichek tuguchoto, Aron ak werikyik, si kobendi emaitab tuiyet, anan ye rikyin kapkorosut si kobiit kobois eng’ ole tilil si manam ichek tengekto, ak kobek: egu nito ng’atutiet eng’ inendet ak eng’ iyotennyi ne biitu let.

KOMONG'U 29:9

Ak igermen eng’ birenaik, Aron ak werikyik, ak igerji metowekwak eng’ chepkuloik che mengechen: ak konam boisionoto bo tiseinatet eng’ ng’atutiet ne bo agoi: ak itororji Aron ak werikyik boisionoto bo tililindo.

KALEWANAIK 12:8

Kilosu chi ko u kit ne te ng’omnatennyi: Ago kisasei inendet ne tinyei muguleldo ne imaasat.

KALEWANAIK 4:8

Itoror, si kolanden: Imutyinin teegisto, ye onamge ak inendet.

KALEWANAIK 8:17

Achame che chama; Ak nyorua che cheng’a eng’ kagiiletab ge.

ISAIAH 29:13

Ak kile Kiptaiyat, Amu rikyina bichu kong’alalwa, ak kogonyita eng’ kutuswekwak, ago kigoisto mugulelwekwak kolooegitu eng’ ane, ak kaiyweisiet ne iywea ko ng’atutiet ne kiineti bik ichek:

JEREMIA 29:32

noto anyun, mwaei Jehovah ko u ni kole, Ogeero, abire Semaia Neelamindet, ak iyotennyi; masichei chi ne menyei koboto bichu, ama keerei mieindo ne ayachini bikyuk, mwaei Jehovah: amu kimwa ngelelnatet kongelelji Jehovah.

JEREMIA 49:15

Amu, keero, kiayain iegu ne ming’in eng’ bororiosiek, ak iegu ne sasei bik.

EZEKIEL 34:10

Mwaei Kiptaiyat Jehovah ko u ni kole: Ogeero, aborie mestowek; ak amage eunekwak kechirekyuk, ak aete ichek kobai kechirek; ama kobaegei mestowek amitwogik kogeny; ak asoru kechirekyuk eng’ kutuswekwak, si maek amitwogikwak.

DANIEL 4:34

Ak kingogesgei betusiechoto anyal ane Nebukadnesar kipsengwet, ak koweekyagei naennyu, ak kiaweekyi kongoi Inendet ne Toror Mising, ak alosu ak agonyit inendet ne sobei koigeny; amu bounatennyi ko bounatet ne bo koigeny, ak ko bo laitornatennyi ibinwek tugul:

MALAKI 1:6

Teechei werit kwandanyi, ak koteech otwogindet kiptaiyandennyi: ngot ko a kwanda anyun, ko mi ano teegistanyu? Ak ngot ko a kiptaiyat, komi ano kaiyweisiet ne kiywea? Mwawok Jehovah ne bo lugosiek, ee tisiik, che osase kainennyu. Ak omwae ole, Kigisas eng’ nee kaineng’ung’?

MALAKI 2:3

Ogeero, ang’eme keswek amu okwek, ak alage ng’atatek togochikwok, ng’atatekab kagochinoikwok; ak keistok koboto tuguchoto.

KAITOSYEK 11:20

ago oame eng’ arawet komugul, agoi kong’uchok, kot owech: amu kioesie Jehovah ne mi kweng’wong’, ak orirji ole, Kilya si kemong’u eng’ Misri?

KAITOSYEK 35:34

Ameng’wanit anyun emet ne omenye, ne atebe agane: amu ane Jehovah atebe kwenutab lagokab Israel.

JOHANA 12:26

Ngo boisiewa chi age tugul, ko nyolu kosubota; ak si ole ami, komi oloto agine kiboitiondennyu: ngo boisiewa chi, koteechei inendet Kwanda.

JOHANA 5:23

si kobiit koteech tugul Werit, ko u ye teechei Kwanda. Inendet ne mateechei Werit ko mateechei Kwanda ne kiiyok inendet.

JOHANA 5:44

Omuchi eng’ nee oyan, che otaagege kalosunet, amocheng’e kalosunet ne bunu Jehovah ne mi inegei?

JOHANA 8:49

Kowol Jesu kole, Matinye oindet; ago agonyiti Baba, ak otewera.

1 KORINTOEK 4:5

Noto anyun amat oruokyi kiy kotom koit betut, agoi konyo Kiptaiyat, ne tun ng’anyei tuguk che ung’otin che bo mesundeito, ak kobarta kabwatutik che bo mugulelwek; si konyor chi age tugul anyun kalosunennyi eng’ Jehovah.

1 PETERO 1:7

si kenyor eng’ kalosunet ak torornatet ak teegisto, tiemet ne chamaksei ne bo kayaneng’wong’, ne tinyei kamanutiet ne o kosiir ne bo tahabu che betos nganda kitiemei eng’ mat, eng’ ng’ang’et ne bo Jesu Kristo:

KIRUOGIK 9:10

Ak kilenji ketik mogoiywet, Nyo ilaitoran eng’ achek.