1 SAMUEL 2:3 - BUKUIT NE TILIL

³ Amotes ong’alal eng’ menotet; Among’ komong’une kutuswekwok losetab ge; Amu Jehovah ko Kamuktaindetab naet, Ak inendet ne keerei ole teptoi boisionik.

Bukuit Ne Tilil

³ Among'alaal eng' menoteet, anan komang'une kutusweekwok lasetapkei. Amu Kamuktaindet ne Toroor ko Kamuktaindet ne po naet tugul, eng' ineendet ko naaksei ole uu poisyonik.

BUKUIT NE TILIIL Sireet ne Dutero Kanon

³ Among'alaal eng' menoteet, anan komang'une kutusweekwok lasetapkei. Amu Kamuktaindet ne Toroor ko Kamuktaindet ne po naet tugul, eng' ineendet ko naaksei ole uu poisyonik.

1 SAMUEL 2:3 ပူးပေါင်းရင်းမြစ်များ

1 LAITORINIK 8:39

igas anyun eng’ kipsengwet oldang’ung’ ole imenye, ak inyochi kaat, ak iyai, ak iyaakyi chi age tugul ko u ortinwekyik tugul, ne inege muguleldanyi: (amu inye inyege ne ingen mugulelwekab werikab bik;)

Kitabuutap JOB 31:6

(Ngegera anyun eng’ karogendoet ne bo iman, Si kobiit konai Kamuktaindet imandanyu;)

TIENWOGIKAL 147:5

O Kiptaiyandennyo, ak tinyei kimnatet ne o kosiir; Magimuchi ketet ng’omnatennyi.

TIENWOGIKAL 17:10

Kager icheget mwanikwak: Ng’alale menotet kutuswekwak.

TIENWOGIKAL 31:18

Ingonamak kut kiplembechonik; Che itaami che bo imanda eng’ menotet, Eng’ kachaunetab ge ak sasisiet.

TIENWOGIKAL 44:21

Ko tos macheng’ei Kamuktaindet nito? Amu ingen ung’otikab muguleldo.

TIENWOGIKAL 75:5

Amotoror mising’ kuineng’wong’; Among’alal eng’ menotet.

TIENWOGIKAL 94:4

Ng’alaloti ichek ng’alek che chang’, ng’alale menotet: Ilosugei yaik tugul che bo tengekto.

KALEWANAIK 16:2

Tililen ortinwek tugul che bo chi ye keerei: Ago kerei Jehovah tamirmirik eng’ karogendoet.

KALEWANAIK 24:12

Ngot imwa ile, Keero, ma kinai nito: Tos maibwati nito inendet ne kerei mugulelwek eng’ karogendoet? Tos manaei ng’olyondonito inendet ne ribei sobondang’ung’? Ak tos maigeerjin chi age tugul ko u boisiennyi?

KALEWANAIK 8:13

Kaiyweisiet ne kiywei Jehovah ko kewech yaitio: Aweche menotet, ak kaeetetab ge, ak oret ne ya, Ak kutit ne imaasat.

ISAIAH 26:7

Litit oretab inendet ne bo iman: inye ne i litit, indochini ortinwekab chito ne bo iman.

ISAIAH 37:23

Ak ng’o ne kiichot ak ichub? Ak ng’o ne kiibolji ak injurur? Noto ko Inendet ne Tilil ne bo Israel.

JEREMIA 17:10

Ane Jehovah ne asiachi muguleldo, atieme kabwatutik, si agochi chi age tugul ko u ortinwekyik, ko u logoekab boisionikyik.

EZEKIEL 35:13

Ak kiochounenage eng’ kutuswekwok, ak kiotes ng’alekwok agobo ane: kiagas ng’olyondonoto.

DANIEL 4:37

Alosu anyun ane Nebukadnesar, ak atorori ak agonyiti Laitoriatab kipsengwet; amu bo iman boisionikyik tugul, ak ko bo kiruoget ortinwekyik: ak imuchi koming’in ichek che bendoti eng’ menotet.

DANIEL 5:27

TEKEL; kagirogendoenen eng’ kit ne kirogendoisie, ak kagegeer kele ma ko i tia.

MALAKI 3:13

Kigouuegitu ng’alekwok che kiomwa agobo ane, mwaei Jehovah. Ago omwae ole, Nee ne kigemwa agobo inye?

HEBRANIK 4:12

Amu sobei ng’olyotab Jehovah, ak ko kim, ak ko ng’atib kosiir rotwetab chok ne ng’atiben komoswek tuwai, ak kotoorei agoi kobesio sobondo ak tamirmiriet, ak ole tuiyechin kowek ak amset, ak chepcheb koguiyo kabwatutik ak magutikab muguleldo.

JOSHUA 22:22

Ingen Jehovah, Kamuktaindet ne bou cheptalelisiek, Jehovah, Kamuktaindet ne bou cheptalelisiek, ak ta konaei Israel agine; ngot ko eng’ ngelelnatet, anan ngot ko eng’ kachililutiet ne kagichililji Jehovah, (ko mat isoruech rani,)

NG'ANG'UTYET 2:23

Ak abare lagokyik meet; ak konai kanisosiek tugul kole anendet ne isiachi kabwatutik ak mugulelwek: ak agochini age tugul eng’ okwek ko u boisionikwok.

KIRUOGIK 9:38

Kolenji anyun Sebul inendet, Mi ano kuting’ung’ nguno, ne koimwa ile, Ng’o Abimelek kot keot inendet? Tos chu ko ma bik che koisase? Mande anyun nguno, kaigai, ak obarge ak ichek.

1 SAMUEL 16:7

Ago kilenji Jehovah Samuel, Amat igeer togennyi, anan ko koindab tononennyi; amu kaesie inendet: amu mageerei Jehovah ko u ye keerei bik; amu keerei bik itonda, ago keerei Jehovah muguleldo.