1 SAMUEL 2:27 - BUKUIT NE TILIL

²⁷ Ak kinyonji chitab Kamuktaindet Eli, ak kolenji, Kamwa Jehovah ko u ni, Tos kiang’ang’jigei gotab kwandang’ung’, ye kimitei Misri eng’ gotab Parao?

Bukuit Ne Tilil

²⁷ Ki nyoonji `chiitap Kamuktaindet Eli ak koleenji, “Kamwa Kamuktaindet ne Toroor ko uu ni, ‘Tos ki ma ang'aang'jigei kootap kwandang'ung' ye ki miitei Misiri eng' kootap Pharaoh?

BUKUIT NE TILIIL Sireet ne Dutero Kanon

²⁷ Ki nyoonji `chiitap Kamuktaindet Eli ak koleenji, “Kamwa Kamuktaindet ne Toroor ko uu ni, ‘Tos ki ma ang'aang'jigei kootap kwandang'ung' ye ki miitei Misiri eng' kootap Pharaoh?

1 SAMUEL 2:27 ပူးပေါင်းရင်းမြစ်များ

1 LAITORINIK 13:1

Ak ogeero, kinyo chitab Kamuktaindet eng’ Juda eng’ ng’olyotab Jehovah konyo Bet-el: ak kitononi Jeroboam eng’ ye negite kapkorosut kobeelei nyamdutik.

1 LAITORINIK 2:27

Koon anyun Solomon Abiatar si mata koek tisiindetab Jehovah; si kobiit kosulda ng’olyotab Jehovah, ne kimwa agobo gotab Eli eng’ Silo.

KOMONG'U 12:1

Ak king’alalji Jehovah Musa ak Aron eng’ emetab Misri, kolenji,

KOMONG'U 12:43

Ak kilenji Jehovah Musa ak Aron, Ni ko ng’atutiet ne bo paska; maamei kipsagarin:

KOMONG'U 4:27

Ak kilenji Jehovah Aron, Ui, torokte Musa eng’ ong’atet. Kiwa anyun, ak kituiyechi tulwetab Kamuktaindet, ak king’utut inendet.

NG'ATUTIK 33:1

Ni kaberuret, ne kiiberur Musa chitab Kamuktaindet lagokab Israel kotom kome,

1 TIMOTEO 6:11

Ago inye, ee, chitab Jehovah, mwee tuguchuto; ak isub imanda, ak kaiyweet ne kiywei Jehovah, kayanet, chamnyet, muitaet, mutyonet.

2 PETERO 1:21

Amu mami maoinatet ne kigobiit eng’ magetab chi: ago king’alali bik eng’ Jehovah, kondochin Tamirmiriet ne Tilil.

KIRUOGIK 13:6

Kiwa anyun kwonyoto ak komwachi manong’otiondennyi kolenji, Kanyonja chitab Kamuktaindet, ak ka u itondanyi itondab malaikaiyatab Kamuktaindet, ne imuisei mising’; ak ma ateebe ole kabunu, ama mwawa agine kainennyi:

KIRUOGIK 6:8

koyokyi Jehovah lagokab Israel maotiot: ak kimwachi kolenji, Kamwa ko u ni Jehovah Kamuktaindetab Israel kole, Kiamutwak otogosu eng’ Misri, ak amutwak omong’une gotab otwognatet;

1 SAMUEL 3:12

Ayachini Eli eng’ betunoto tuguk tugul che kiamwa agobo gonnyi, koboch taunet agoi let.

1 SAMUEL 9:4

Ak kibun emetab tulonokab Epraim, ak kibun emetab Salisa, ago manyor: yeityo kobun emetab Saalim, ak kima komi oloto: ak kibun emetab Benjaminik, ago manyor.

1 SAMUEL 9:6

Ak kilenji inendet, Keero, mitei nganasani chitab Kamuktaindet, ak inendet ko chito ne kigonyiti; ak tuguk tugul che mwaei kosuldoi iman: ngebe anyun yoto; tamangab komuch komwawech agobo bandanyo ne kibendi.