1 SAMUEL 2:12 - BUKUIT NE TILIL

¹² Werikab Eli ko ki werikab Belial; kima nai ichek Jehovah.

Bukuit Ne Tilil

¹² Weeriigap Eli ko kingelelik; ki ma kotinyei kaiyweisyo agobo Kamuktaindet ne Toroor.

BUKUIT NE TILIIL Sireet ne Dutero Kanon

¹² Weeriigap Eli ko kingelelik; ki ma kotinyei kaiyweisyo agobo Kamuktaindet ne Toroor.

1 SAMUEL 2:12 ပူးပေါင်းရင်းမြစ်များ

1 LAITORINIK 21:10

ak onde bik aeng’ tainnyi, werikab Belial, ak ongobaorian kotaam inendet, kole, Kechub inye Kamuktaindet ak laitoriat. Yeityo omut inendet kwo sang’, ak olach eng’ koik, kome.

1 LAITORINIK 21:13

Ak kibwa go bik aeng’u, werikab Belial, ak kotebi ng’ony eng’ tainnyi: ak kobaorian kotaam inendet, bichoto bo Belial, kogen agobo Nabot eng’ taitab bik, kole, Kachub Nabot Kamuktaindet ak laitoriat. Komut anyun inendet komaanda eng’ nganaset, ak kolach inendet eng’ koik, kome.

JEREMIA 2:8

Ma mwa tisiik kole, Mi ano Jehovah? Ama naa ichek che tinyei ng’atutik: kiingelelja kogeny bounik agichek, ak kimaotense maotik Baal, ak kobendate tuguk che maginyorune kelunet.

JEREMIA 22:16

Kiiruoksechi ne banan ak ne matinyei kiy; kimieit anyun. Tos kima konaena nito? Mwaei Jehovah.

JEREMIA 9:3

Ak riichei ng’elyebwekwak ko u ye riichei kwangokwak, agobo lembechek; ak kagogimegitu eng’ emet, ago ma eng’ imanit: amu kong’eetye yaitiet koba yaitiet, amaingena, mwaei Jehovah.

JEREMIA 9:6

Mi meng’oteng’ung’ kwenutab kaberberisiet; esioi konaa amu kaberberisiet, mwaei Jehovah.

EZEKIEL 22:26

Kigobut tisiikyik ng’atutiennyu, ak komuruon tugukyuk che tililen: ma ibesio che tililen ak che ma tililen, ama inet bik koguiyo tuguk che ma ianyinyotin ak che ianyinyotin, ak kigotuch konyekwak si mageer sabatosiekyuk, ak kiging’wanita eng’ kwenunywa.

JOHANA 16:3

Ak yaei tuguchu, amu ma nai Kwanda, anan ane.

JOHANA 17:3

Ak ni sobondab koigeny, ale konain Jehovah ne inyendet inyege ne bo iman, ak Jesu Kristo, ne kiiyogu.

JOHANA 8:55

ak tom onai inendet: ago angen inendet; ak ngot amwa ale, mangen inendet, aegu kiplembechwa, ko u okwek: ago angen inendet, ak aribe ng’olyondennyi.

ROMANIK 1:21

amu kingo kagonai Jehovah, ko ma kolos ko u Jehovah, anan kogochi kongoi; ago kiberberitu eng’ kabwatutikwak, ak kiimenitu mugulelwekwak che matinyei naet.

2 KORINTOEK 6:15

Anan kasyindos eng’ nee Kristo ak Belial? Anan ting’egei nee ne iyanat ak ne ma iyanat?

NG'ATUTIK 13:13

Kamong’une kwenung’ung’ bik alak che yaach, ak koba komaas bik che menyei nganasenywa, kolenji, Ongebe keot cheptalelisiek, che mongen;

NG'ATUTIK 13:14

teeb anyun; ak icheng’, ak igin, igiiljige; ak keero, ngo imanit, ko u noto ng’olyondonoto, kele kogeyai kit ne kiwechei eng’ kwenung’ung’,

KIRUOGIK 19:22

Ak ye kiiboiboi mugulelwekwak, ogeero, kibwa murenikab nganasanato, werikab Belial, koyiem got, ak kobir kurget; ak king’alalji chitab kobo got, boiyondonoto, kolenji, Imoong’u chichi kanyo gong’ung’, si kobiit kesuub.

KIRUOGIK 2:10

Ak kibek agichek tugul che bo ibinato ak kigiyumji oldab kwanisiekwak: ak kobiit ibinda age eng’ let ne kima kongen Jehovah, anan ko boisiet ne kiga koyai inendet agobo Israel.

1 SAMUEL 10:27

Ago kile werik alak che bo Belial, Sorundoech ano chichi? Ak kisas inendet, ama ipchi kagochinet. Ago kisis Saul.

1 SAMUEL 25:17

Nai anyun ak ibwat kit ne iyae; amu kigetilji yaitiet kiptaiyandennyo, ak gonnyi tugul: amu inendet ko weritab Belial ne siirtoot, kot ko maimuchi chi kotwekyi.

1 SAMUEL 3:13

Amu kiamwachi alenji, Aruokyini gonnyi koigeny, amu tengekto ne kiingen, amu kiipchigei werikyik chubisiet, ama ker kong’.

1 SAMUEL 3:7

Kitom konai Samuel Jehovah, ak kitom keng’ang’ji inendet ng’olyotab Jehovah.