1 SAMUEL 18:7 - BUKUIT NE TILIL

⁷ Ak kitienjingei kobogorisiechoto kourerendos kolen, Kibar Saul elfusiekyik, Kibar Daudi tamanusiekab elfusiekyik.

Bukuit Ne Tilil

⁷ Kityendos kwonyichooto kourerendos koleen, “Ki par Saulo eliphusyekyik, kobar Daudi tamanusyegap eliphusyekyik.”

BUKUIT NE TILIIL Sireet ne Dutero Kanon

⁷ Kityendos kwonyichooto kourerendos koleen, “Ki par Saulo eliphusyekyik, kobar Daudi tamanusyegap eliphusyekyik.”

1 SAMUEL 18:7 ပူးပေါင်းရင်းမြစ်များ

2 SAMUEL 18:3

Ago kile bik, Mewendi: amu ngot kemwei, ko mamagenech kiy; anan ngot kobek kebeberta agenge eng’ achek, ko mamagenech kiy: ago oaechine ak bik elfusiek taman eng’ achek: ko mie anyun ichoboge si itoretech eng’ nganaset.

2 SAMUEL 23:1

Chu anyun ko ng’alek che bo let che bo Daudi. Kale Daudi weritab Jesii, Ak kole chito ne kigitoor, Ne iilat ne bo Kamuktaindetab Jakobo, Ak tienindet ne mie ne bo Israel, ne bo tienwogikab kalosunet.

2 SAMUEL 6:5

Ak kibut Daudi ak got tugul ne bo Israel eng’ taitab Jehovah, kibugandisiek che kigiyae ketikab biribiriet, koboto ketubosiek, ak kibugandinik, ak eng’ sugutisiek che mengechen, ak eng’ ndurerusiek, ak eng’ sanisiek che cheeitos.

KOMONG'U 15:21

Ak kiwolji Miriam kolenji, Otienji Jehovah, amu kiibelis eng’ kabelisiet ne toror mising’; Kigiwirji nyanjet mbartanyit koboto ne kilanyei.

1 SAMUEL 21:11

Ak kilenji otwogikyik Aksi, Ma Daudi nito laitoriatab emet? Tos kima tienjigei ichek agobo inendet eng’ ureriosiek, kole, Kibar Saul elfusiekyik, Ak kibar Daudi tamanusiekab elfusiek?

1 SAMUEL 21:12

Ak kigonor Daudi ng’alechuto eng’ muguleldanyi, ak kiiywei mising’ Akis laitoriatab Gat.

1 SAMUEL 29:5

Ma Daudi nito, ne kitienjingei ichek agobo inendet eng’ ureriosiek kole, Kibar Saul elfusiek, Ak kibar Daudi tamanusiekab elfusiek.